Сага вахаре дола хувцамаш

ХIара саг ше-ший вахара никъ ба укх дунен тIа. Массанена а халац лаьрхIар, бакъда лаьрхIачул пайданегIа а долаш нийслу цхьадола хувцамаш.

1993 шера Шолжа-ГIалара лорий дешар а дийша цIаена, гIалгIай республикански больнице болхбе йолало Хидренаькъан Раиса. Шийна ма хетта ший болх караберзабе лаьрхIа хул из. Наьха унахцIено кертера а лаьце дIаболабу цо ший вахара никъ.
1995 шера ноябрь бетта (цига) ГIалгIай Паччахьалкхен Телерадиокомпане хьоашала йийха йолаш, телевидене болх бе еха из.
Шоайла барт а болаш Iимерза болаш, гIалгIай эхь-эздел дола коллектив хьамсара а хинна уйла йож цун дег чу. Цар болх шийна Iомалургба, белургба мотташ яцар из.
Больницера дIа а яьнна, телевидени балх отта из.
Цу хана чухьа цIи хеза гIалгIай диктораш а, журналисташ а, кхыбола ший къаман яхь йола кегий нах бовз цунна. Раисай царцара кхы ца кьаста уйла хул.
Дукха ха ялалехьа оператор ПЖК яха болх Iом а баь, царца передачаш е йолалу из гIалгIай телехьежархошта гойташ.
Денгара ди массаза доал дог тийна хул из ше беш бола болх шийна пайдана а хьамсара а болгах.
Хало а, доацараш а, эшар а шортта хул балха, бакъда балхацарча безамо дицдолийт шедар.
Оператораш мехка а, доазол дехьа а баь болх, дIанийсбе а, тоабе а, из эфира телехьежархошта гойта а декхарал яр из.
Ше дийнахьа мел баь болх сайранна ялх сахьат даьлча телехьежархошта гойта безар цун, из дар эггара хоаттаме дар.
Цу хана, тахан санна бекъабенца бацар болх, нах кIезига хилар бахьан долаш. Тахан болх бе аттагIа да Раисайна. Ший балха мел эшар долаш да. 23 шу да из Паччахьалкхен Телерадиокомпане болх беш йола. Цхьан цIен дезал санна Iимерза а болаш яхь, эхь, эздел, хьаькъал, денал, долаш коллектив я цо болх бер.
«Цхьаккха хIаманца хувцагбацар аз сай болх а, коллектив а» – йоах Раисаз.

Милаграс Базиева

№ 47-48 (11983-984), шоатта, 31 март, 2018 шу, суббота, 31 марта 2018 года

Добавить комментарий

Ваш e-mail не будет опубликован. Обязательные поля помечены *