ГIАЛГIАЙ РЕСПУБЛИКА ЗАКОН

«Г1алг1ай Республике бюджеташта юкъерча юкъ-моттигех
долча» ГIалгIай Республика Закона 18 статье
хувцамаш юкъедахьара хьаькъехьа

Т1аийцад
Г1алг1ай Республика
Халкъа Гулламо 2018 шера 5 апреле

Статья 1
«Г1алг1ай Республике бюджеташта юкъерча юкъ-моттигех долча» ГIалгIай Республика Закона 2017 шера 29 декабрерча №68-РЗ йолча (Официальни бокъон хоама интернет-портал (www.pravo.gov.ru), 2017, 29 декабре) 18 статьяй 2 даькъа 3 пункте хувцам юкъехьо, укх редакце из дIа а язъеш:

«3) «ГIалгIай Республика Конституцена тIатохар дарах дола» 2010 шера 11 октябрера №3-РЗП йола ГIалгIай Республика Закон тIаэцарах, «ГIалгIай Республика цхьайолча законодательни акташта хувцамаш юкъедахьарах долча», 2010 шера 11 октябрера №29-РЗ йолча ГIалгIай Республика Закона 37 статья (газет «ГIалгIайче», 2011, 6 октябре);».

Статья 2
Ер Закон низаца чIоагIденна болх бе долалу ер официально кепатехача дийнахьа денз.

Г1алг1ай Республика
Мехкда Евкуранаькъан Б.Ю.
г. Магас
2018 шера 9 апреля
№ 12-рз
————————————————————————————

ГIАЛГIАЙ РЕСПУБЛИКА
ЗАКОН

«ГIалгIай Республика паччахьалкхен меттаех» долча ГIалгIай Республика Закона хувцамаш
юкъедахьара хьаькъехьа

Т1аийцад
ГIалгIай Республика
Халкъа Гулламо 2018 шера 5 апреле

Статья 1
«ГIалгIай Республика паччахьалкхен меттаех» долча, 1996 шера 16 августерча №12-РЗ йолча ГIалгIай Республика Закона (газет «ГIалгIайче» 1996, 29 августе; 2002, 17 августе; 2006, 18 феврале, 25 мае; 2011, 6 октябре; Официальни бокъон хоама интернет-портал (www.pravo.gov.ru), 2015, 2 декабре) юкъехьо Iобелгалдаь хувцамаш:

1) 4 статьяй 3 даькъе дешаш «ГIалгIай Республика паччахьалкхен программашта финансировани яр» хувца дешашца «гIалгIай мотт лорабареи, тахкареи дегIабоалабареи ГIалгIай Республика паччахьалкхен программашта финансировани яр» (дIахо – ГIалгIай Республика паччахьалкхен программаш);

2) 7 статья укх редакце дIаязъе:
«Статья 7. ГIалгIай мотт лорабареи, тахкареи дегIабоалабареи паччахьалкхен программаш
ГIалгIай Республика кхоачашдара Iаьдала органаша, Iилман юкъарлено дакъа а лоацаш кхоачо ю, гIалгIай мотт лорабара, Iомабара, дегIабоалабара паччахьалкхен программаш вIашагIйохкараи кхоачашъяраи.
ГIалгIай мотт лорабареи дег1абоалабареи паччахьалкхен программаш дIачIоагIъю ГIалгIай Республика Правительствос.
ГIалгIай мотт лорабареи дегIабоалабареи паччахьалкхен программашта финансировани яр белгалду, аргIанарча финансови шера а планови хан-юкъа а республикански бюджеташ оттадеча хана.».

Статья 2
Ер Закон низаца чIоагIденна болх бе долалу ер официально кепатехача дийнахьа денз.

ГIалгIай Республика
Мехкда Евкуранаькъан Б.Ю.
г. Магас
2018 шера 9 апреля
№ 13-рз
————————————————————————————

ГIАЛГIАЙ РЕСПУБЛИКА
ЗАКОН

«ЦIера кхерамзленах» долча, ГIалгIай
Республика Закона 10 статье хувцам
юкъебахьара хьаькъехьа

Т1аийцад
ГIалгIай Республика
Халкъа Гулламо 2018 шера 5 апреле

Статья 1
«ЦIера кхерамзленах» долча, 2002 шера 4 декабрерча №52-РЗ йолча ГIалгIай Республика Закона (газет ГIалгIайче», 2002, 19 декабре: 2003, 11 июне; 2005, 2 июне; 2007, 13 январе, 21 июне; 2008, 18 ноябре; газет «Сердало» 2009, 24 январе; газет «ГIалгIайче», 2009, 23 июне; 2014, 8 ноябре; (Официальни бокъон хоама интернет-портал (www.pravo.gov.ru), 2016, 8 феврале, 4 июле) 10 статье юкъехьо Iобелгалдаь хувцамаш:
цIераца дешаш «Правительственни комисси» хувца дешаца «Комисси»;
хьалхарца абзаце:

а) дешаш «Правительственни комисси» хувца дешаца «Комисси»;

б) дешаш «ГIалгIай Республика Правительства Председатель» хувца дешашца «ГIалгIай Республика Мехкда»;

3) шолагIча абзаце дешаш «Правительственни комисси» хувца дешаца «Комисси».

Статья 2
Ер Закон болх бе долалу ер официально кепатехача дийнахьа денз.

ГIалгIай Республика
Мехкда Евкуранаькъан Б.Ю.
г. Магас
2018 шера 9 апреля
№ 14-рз

№ 55 (11991), ера, 12 апрель, 2018 шу, четверг, 12 апреля 2018 года

Добавить комментарий

Ваш e-mail не будет опубликован. Обязательные поля помечены *