Паччахьа дош

Паччахас массанахьа нах дIа-хьа бахийтаб, сискал е, ховшйола, сай цаI мара йоаца йоI, маьре дIалургья аз аьнна.
Дехьара, сехьара, гаьнара, юхера нах хьааха болабеннаб сайца ха йоацаш.
Хьавенар, кIаьда, мерза моаршал а хаьтте, хьаьша цIагIа дIачу а ваьхкхе цхьан кIира илла сискали, морза берхIаи хьатIабахьаш хиннаб, дегIа дале дикагIдар а хургда шоана аьле.
Хийла да дIаводаш хиннав цу даарах мотт ца тохаш, сискал сел чIоагIа йолаш цох бист ца боаккхалуш. Цхьан дийнахьа, цига нийсвеннав цхьа маькара зIамсаг, шийна Iооттадаь шу бIаргдайча хайнад цунна ший фу де деза. Шуна тIера сискал хьа а йийца, ший бе дикка хьокха а яь, морзий берхIал Iочу а кхесса, сискал яша яьлча, Iочухьаккха цу чу мел йола хIама дIа а йиаь, кад Iобоассабаьб, эздела цхьа кIеззига хIамилг мара ца юташ. Из дош паччахьага кхаьчад.
Паччахьо аьннад: ХIама дуачо болха бергба, болх бечо са йоI дика кхоабаргья. Нагахьа санна из раьза хуле, сай йоI цунга дIаяла раьза а ва со, аьнна.
ЗIамсаг бIарга а вайна, йоI раьза а хинна, цох зоахалол хьа а хиннад.
Ишта кхоачаш даьд паччахьас ший дош.

Хамхой Дауд

№ 58 (11994), ера, 19 апрель, 2018 шу, четверг, 19 апреля 2018 года

Добавить комментарий

Ваш e-mail не будет опубликован. Обязательные поля помечены *