Г1АЛГ1АЙ РЕСПУБЛИКА ЗАКОН

Г1АЛГ1АЙ РЕСПУБЛИКА
ЗАКОН

«ГIалгIай Республика Юкъарлен палатах долча» ГIалгIай Республика Закона 16 статье хувцам юкъебахьара хьакъехьа

ТIаийцад
ГIалгIай Республика
Халкъа Гуллама 2018 шера 7 июне

Статья 1
«ГIалгIай Республика Юкъарлен палатах долча» ГIалгIай Республика Закона 2007 шера 31 декабрерча №61-РЗ йолча ГIалгIай Республика Закона (газет «ГIалгIайче», 2008, 17 январе; 2011, 6 октябре; 2012, 21 июне; Официальни бокъон хоама интернет-портал (www.pravo.gov.ru) 2017, 1 феврале) хувцам юкъехьо, ер чулоацам болча 4 даькъаца тIатохар деш;
«4. Юкъарлен палато федеральни законашца нийса вIашагIйохк культура, унахцIено лораяра, дешара, социальни Iалашон организацеша а лорий – социальни экспертиза федеральни учрежденеша а услугаш яра дикала хьалий кортамукъа мах хоадабар дIадахьара йола юъарлен советаш.».
Статья 2
Ер Закон низаца чIоагIденна болх бе долалу ер официально кепатеха итт ди чаккхдаьннача дийнахьа денз.

ГIалгIай Республика
Мехкда Евкурнаькъан Б.Ю.
г.Магас
2018 шера 13 июне
№ 21-рз
————————————————————————

ГIАЛГIАЙ РЕСПУБЛИКА
ЗАКОН

«ГIалгIай Республика паччахьалкхен даржашка а паччахьалкхен граждански служба даржашка а хиннача наха йолча цхьайолча социальни гарантейх долча» ГIалгIай Республика Закона 3 статье хувцам юкъебахьара хьакъехьа

Т1аийцад
ГIалгIай Республика
Халкъа Гуллама 2018 шера 7 июне

Статья 1
«ГIалгIай Республика паччахьалкхен даржашка а паччахьалкхен граждански служба даржашка а хиннача наха йолча цхьайолча социальни тешамех долча» 2000 шера 29 февралерча №2-РЗ йолча ГIалгIай Республика Закона (газет «ГIалгIайче», 2015, 15 марте; 2002, 25 июле; 2005, 2 апреле; газет «Сердало», 2004,30 июле; газет «ГIалгIайче», 2005, 9 августе; 2006, 4 марте; 2007, 19 мае; газет «Сердало», 2010, 9 ноябре; газет «ГIалгIайче», 2011, 6 октябре; 2012, 15 мае; 20014, 17 апреле; Официальни бокъон хоама интернет-портал (www.pravo.gov.ru), 2016, 20 декабре; 2017, 20 декабре) 3 статьяй шоллагIча абзаце хувцам юкъехьо, дешаш «пхе шерагара денз» хувцаш дешашца «диъ шерагара денз.».
Статья 2
Ер Закон низаца чIоагIденна болх бе долалу ер официально кепатехача дийнахьа денз.

ГIалгIай Республика
Мехкда Евкурнаькъан Б.Ю.
г. Магас
2018 шера 13 июне
№ 22-рз
———————————————————————-

ГIАЛГIАЙ РЕСПУБЛИКА
ЗАКОН

«Российски Федераце цхьайолча законодательни акташта хувцамаш юкъедахьарах, социальни новкъостал дара учет яреи тоадареи даькъе адресноста а торо ца хиларах эшаш хилара принципаш лораярах дола» Федеральни закон тIаэцарах, ГIалгIай Республика къаьсттача законодательни акташта хувцамаш юкъедахьара хьакъехьа

ТIаийцад
ГIалгIай Республика
Халкъа Гуллама 2018 шера 7 июне

Статья 1
«Бера хIара бетта луча пособе боарамах а дIахьожадарах аргIах а долча», 2004 шера 31 декабрерча №37-РЗ йолча ГIалгIай Республика Закона (газет «ГIалгIайче», 2005, 3 феврале; 2006, 18 феврале; 2007, 26 июле; 2009.4 июле; 2013, 5 сентябре; Официальни бокъон хоама интернет-портал (www.pravo.gov.ru), 2016, 2 июне) тIатохар де ер чулоацам болча 71 статьяйца:
«Статья 71. Бера хIара бетта луш дола пособи хьожадарахи дIадаларахи хоам бара Iалащо яр
Укх Законаца нийса дIалуча паччахьалкхен пособейх бола хоам чуоттабу, ЦаI йолча социальни Iалашон хоам бара системе. Белгалбаь хоам ЦаI йолча социальни Iалашон хоам бара системе чуоттабар (хьаэцар) кхоачашду, «Паччахьалкхен социальни новкъосталах долча» 1999 шера 17 июлерча №178-ФЗ йолча Федеральни законаца нийса.
Статья 2
«ГIалгIай Республике кхелхараш дIабохкара гIулакхех долча» 2014 шера 31 октябрерча №53-РЗ йолча ГIалгIай Республика Закона (газет «ГIалгIайче», 2014, 8 ноябре) тIатохар де ер чулоацам болча 101 статьяйца:
«Статья 101. Кхелхар дIаволлара дола социальни пособи даларах хоам бара Iалашо яр
Кхелхар дIаволлара дола социальни пособи даларах бола хоам чуоттабу ЦаI йолча социальни Iалашон хоам бара системе. Белгалбаь хоам ЦаI йолча социальни Iалашон хоам бара системе чуоттабар (хьаэцар) кхоачашду «Паччахьалкхен социальни новкъосталах долча» 1999 шера 17 июлерча №178-ФЗ йолча Федеральни законаца нийса.
Статья 3
«Дезал, наьнал, даьл а берал а лорадарах долча» 1999 шера 29 ноябрерча №27-РЗ йолча ГIалгIай Республика Закона (газет «ГIалгIайче», 1999, 25 декабре; 2003, 24 мае; 2006, 18 марте, 25 апреле; газет «Сердало», 2006, 6 июне; газет «ГIалгIайче», 2007, 20 сентябре; 2013, 15 июне; Официальни бокъон хоама интернет-портал (www.pravo.gov.ru), 2015, 3 ноябре; 2018, 27 феврале) тIатохар де ер чулоацам болча 221 статьяйца:
«Статья 221. Дезал, наьнал, даьл а берал а паччахьалкхено хьаллацарах хоам бара Iалашо яр
Укх Законаца нийса дIалуча социальни новкъостала бола бола чуоттабу ЦаI йолча социальни Iалашон хоам бара системе. Белгалбаь хоам ЦаI йолча социальни Iалашон хоам бара системе чуоттабар (хьаэцар) кхоачашду «Паччахьалкхен социальни новкъосталах долча» 1999 шера 17 июлерча №178-ФЗ йолча Федеральни законаца нийса.
Статья 4
«ГIалгIай Республике гражданашта социальни Iалашо ярах долча» 2014 шера 10 декабрерча №68-РЗ йолча ГIалгIай Республика Закона (газет «ГIалгIайче», 2014, 13 декабре; Официальни бокъон хоама интернет-портал (www.pravo.gov.ru), 2017, 5 апреле) тIатохар де ер чулоацам болча 51 статьяйца:
«Статья 51. Социальни услугаш ярах хоам беш кхоачо яр
Социальни услугаш еш барех а социальни услугаш д1аэцарех а иштта укх Законаца нийса царна социальни услугаш ярах бола хоам чуоттабу, ЦаI йолча социальни Iалашон хоам бара системе. Белгалбаь хоам ЦаI йолча социальни Iалашон хоам бара системе чуоттабар (хьаэцар) кхоачашду, «Паччахьалкхен социальни новкъосталах долча» 1999 шера 17 июлерча №178-ФЗ йолча Федеральни законаца нийса.
Статья 5
«ГIалгIай Республика доазон тIа гражданашта мах боацаш юридически новкъостал дара цхьадолча дешаех долча» 2013 шера 6 июнерча ГIалгIай Республика Закона (газет «ГIалгIайче», 2013, 15 июне) тIатохар де ер чулоацам болча 71 статьяйца:
«Статья 71. Мах боацаш юридически новкъостал дарах хоам бара кхоачо яр
Укх Законаца нийса дIалуча социальни тешамах бола хоам чуоттабу, ЦаI йолча социальни Iалашон хоам бара системе. Белгалбаь хоам ЦаI йолча социальни Iалашон хоам бара системе чуоттабар (хьаэцар) кхоачашду, «Паччахьалкхен социальни новкъосталах долча» 1999 шера 17 июлерча №178-ФЗ йолча Федеральни законаца нийса.
Статья 6
«Торо ледара йолча бахархошта социальни новкъостал дарах долча» 2004 шера 31 декабрерча №4-РЗ йолча ГIалгIай Республика Закона (газет «ГIалгIайче», 2005, 3 феврале; 2006, 23 апреле; 2014, 7 марте) тIатохар де ер чулоацам болча 101 статьяйца:
«Статья 101. Торо ледара йолча бахархошта социальни новкъостал дара хоам барца кхоачо яр
Укх Законаца нийса дIалуча социальни новкъосталах бола хоам чуоттабу, ЦаI йолча социальни Iалашон хоам бара системе. Белгалбаь хоам ЦаI йолча социальни Iалашон хоам бара системе чуоттабар (хьаэцар) кхоачашду, «Паччахьалкхен социальни новкъосталах долча» 1999 шера 17 июлерча №178-ФЗ йолча Федеральни законаца нийса.
Статья 7
«Къахьегама ветеранашта а 1941 шера 22 июне денз 1945 шера 9 мае кхаччалца Сийлахьа Даьймехка тIом латтача хана тыле къахьийгарашта а социальни новкъостал дарах долча», 2004 шера 31 декабрерча №38-РЗ ГIалгIай Республика Закона (газет «ГIалгIайче», 2005, 3 феврале; 2006, 29 июне; 2009, 19 ноябре; 2014, 7 июне; 2015, 2 апреле) тIатохар де ер чулоацам болча 41 статьяйца:
«Статья 41. Къахьегама ветеранашта а 1941 шера 22 июне денз 1945 шера 9 мае кхаччалца Сийлахьа Даьймехка тIом латтача хана тыле къахьийгарашта а социальни новкъостал дарах хоам барца кхоачо яр
Укх Законаца нийса дIалуча социальни новкъосталах бола хоам чуоттабу, ЦаI йолча социальни Iалашон хоам бара системе. Белгалбаь хоам ЦаI йолча социальни Iалашон хоам бара системе чуоттабар (хьаэцар) кхоачашду, «Паччахьалкхен социальни новкъосталах долча» 1995 шера 12 январерча №5-ФЗ йолча, «Ветеранех долча» Федеральни законаца нийса.
Статья 8
«Реабилитированни наха а политически ререпрессейх Iоткъам хиннарех ба аьннача наха а социальни новкъостал дарах долча» 2008 шера 5 маерча №3-РЗ йолча ГIалгIай Республика Закона (газет «ГIалгIайче», 2008, 15 мае; 2009, 8 августе, 3 декабре; 2013, 15 июне; 2014, 4 декабре) тIатохар де ер чулоацам болча 31 статьяйца:
«Статья 31. Реабилитированни наха а политически ререпрессейх Iоткъам хиннарех ба аьннача наха а социальни новкъостал дарах хоам бара кхоачо яр
Укх Законаца нийса дIалуча социальни новкъосталах бола бола чуоттабу ЦаI йолча социальни Iалашон хоам бара системе. Белгалбаь хоам ЦаI йолча социальни Iалашон хоам бара системе чуоттабар (хьаэцар) кхоачашду «Политически репрессеш хиннарашта реабилитаци ярах долча», 1991 шера 18 октябрерча №1761 йолча Российски Федераце Законаца нийса.
Статья 9
«Юрташка баха а бахаш къа а хьегаш болча квалифицированни специалисташта социальни новкъостал дарах долча» 2014 шера 26 декабрерча №72-РЗ йолча ГIалгIай Республика Закона (газет «ГIалгIайче», 2014, 31 декабре; 2015, 10 октябре; Официальни бокъон хоама интернет-портал (www.pravo.gov.ru), 2017, 7 декабре) тIатохар де ер чулоацам болча 31 статьяйца:
«Статья 31. Юрташка баха а бахаш къа а хьегаш болча квалифицированни специалисташта социальни новкъостал дарах хоам бара кхоачо яр
Укх Законаца нийса дIалуча социальни новкъосталах бола хоам чуоттабу, ЦаI йолча социальни Iалашон хоам бара системе. Белгалбаь хоам ЦаI йолча социальни Iалашон хоам бара системе чуоттабар (хьаэцар) кхоачашду «Паччахьалкхен социальни новкъосталах долча» 1999 шера 17 июлерча №178-ФЗ йолча Федеральни законаца нийса.
Статья 10
«ГIалгIай Республике паччахьалкхен даржашка а паччахьалкхен граждански служба даржашка а хиннача наха цхьайола социальни гарантеш яларах долча» 2000 шера 29 февралерча №2-РЗ йолча ГIалгIай Республика Закон (газет «ГIалгIайче», 2000, 15 марте; 2002, 25 июле; 2005, 2 апреле, 9 августе; 2006, 4 марте, 4 мае; 2007, 19 мае; 2010, 13 ноябре; 2011, 6 октябре; 2012, 15 мае; 2014, 17 апреле; Официальни бокъон хоама интернет-портал (www.pravo.gov.ru), 2016, 20 декабре; 2017, 20 декабре) юкъехьо Iобелгалдаь хувцамаш:
1) 8 пункта тIатохар де дешашца «, индивидуальни лицевой счета страховой номер тIайола (СНИЛС)»;
2) 9 пункт укх редакце дIаязъе:
«9) персональни даннешца болх бара мукъа балар.»;»;
Статья 11
«Бойлахьа диссача бераштеи даьй-ноаной доал доацаш диссача бераштеи социальни новкъостал дарах долча» 2007 шера 14 сентябрерча №31-РЗ йолча ГIалгIай Республика Закона (газет «ГIалгIайче», 2007, 20 сентябре; 2009, 28 июле; 2011, 6 октябре; 2013, 7 ноябре; 2014, 7 июне, 8 ноябре; Официальни бокъон хоама интернет-портал (www.pravo.gov.ru), 2015, 1 июне; 2017, 2 мае, 20 декабре) хувцам юкъехьо ер чулоацам болча 71 статьяйца тIатохар а деш:
«Статья 71. Социальни новкъостал дарах хоам бара кхоачо яр
Бойлахьа диссача бераштеи даьй-ноаной доал доацаш диссача бераштеи, бойлахьа диссача берех болча а даьй-ноаной доал доцаш диссача берех болча а наха, укх Законаца нийса, совнаг1а социальни новкъостал дергхиларах тешам баларах бола хоам чуоттабу, ЦаI йолча социальни Iалашон хоам бара системе. Белгалбаь хоам ЦаI йолча социальни Iалашон хоам бара системе чуоттабар (хьаэцар) кхоачашду, «Паччахьалкхен социальни новкъосталах долча» 1999 шера 17 июлерча №178-ФЗ йолча Федеральни законаца нийса.
Статья 12
«ГIалгIай Республике дезал хьатIаийцача даьшта-ноаношта а бераш чуийцача дезала деча социальни новкъостала боарамах долча» 2007 шера 6 апрелерча №9-РЗ йолча ГIалгIай Республика Закона (газет «ГIалгIайче», 2007, 12 апереле; 2009, 24 октябре; 2014, 21 июне; Официальни бокъон хоама интернет-портал (www.pravo.gov.ru), 2015, 1 июне) хувцам юкъехьо ер чулоацам болча 31 статьяйца тIатохар а деш:
«Статья 31. Социальни новкъостал дарах хоам бара кхоачо яр
Укх Законаца нийса дIалуча социальни новкъосталах бола хоам чуоттабу, ЦаI йолча социальни Iалашон хоам бара системе. Белгалбаь хоам ЦаI йолча социальни Iалашон хоам бара системе чуоттабар (хьаэцар) кхоачашду «Паччахьалкхен социальни новкъосталах долча» 1999 шера 17 июлерча №178-ФЗ йолча Федеральни законаца нийса.
Статья 13
Ер Закон низаца чIоагIденна болх бе долалу ер официально кепатехача дийнахьа денз.

ГIалгIай Республика
Мехкда Евкурнаькъан Ю.Б.
г. Магас
2018 шера 13 июне
№ 23-рз
————————————————————————

ГIАЛГIАЙ РЕСПУБЛИКА
ЗАКОН

ГIалгIай Республике паччахьалкхен социальни новкъостала хьакъехьа
Т1аийцад
ГIалгIай Республика
Халкъа Гуллама 2018 шера 7 июне

Укх Законо «Паччахьалкхен социальни новкъосталах дола» 1999 шера 17 июлерча №178-ФЗ йолча Федеральни законаца нийса дIаоттаю кIезига таро йолчадезалашта а цхьаь бахача гражданашта а паччахьалкхен социальни новкъостал дара бокъон а вIаштIехьдаккхара а кIийленаш.
Статья 1. Социальни новкъостал дара декхараш
Паччахьалкхен социальни новкъостал ду декхарашта:
1) ледара торо йолча дезалий, иштта ледара торо а йолаш цхьаь бахача гражданий. цар хIара сага сих бола пайда, ГIалгIай Республике оттабаьча вахара эшача кIезигах болча боарамал кIезигах бале;
2) бюджетни средстваех адресни пайда эцара;
3) торон эшам болча гражданашта социальни новкъостал дар адресни хилар совдаккхара;
4) социальни услугаш массанена тIакхоаче а юкъара тIаэца дикал хилийтара халанза даргдоаца хьалаш Iалашдара а;
5) социальни нийсхо ца хилара боарам лохбара;
6) бахархой пайдаш совдахара.
Статья 2. Керттера кхетамаш
Укх Законе пайда эц Iобелгалдаьча керттерча кхетамех:
1) паччахьалкхен социальни новкъостал — ледара торо йолча дезалашта, ледара торо йолча цхьаь бахача гражданашта, иштта законодательстве белгалбаьча кхыча гражданашта социальни пособеш, пенсеш тIа социальни ахчаш тIатохар, субсидеш далар, социальни услугаш яр а вахаре хиланза даргдоаца товараш далар а;
2) ледара таро йола дезал (цхьаь ваха гражданин) — дезал (цхьаь ваха гражданин) хIара сага сих бола пайда (цун ший пайда), ГIалгIай Республике вахара эшача кIезигах болча боарамал кIезигах хилча из ледара торо йолаш (торо ледара йолаш) лоархI, бокъо я социальни новкъостал хьаэца;
3) социальни услугий набор – Российски Федераце законодательстваца нийса къаьсттача категорейх болча гражданашта еча социальни услугий перечень;
4) потребительски тускар – сага могашал лорае а цун вахара хьал хьалкхаба а ца хилча даргдоацача кхачан продуктий набор, иштта кхачан доаца товараши услугаши, цар мах, кхачан продуктий кIезигах болча боарамаца бистача;
5) вахара эша кIезигах бола боарам — потребительски тускара маьха мах хоадабар, иштта дIа ца делча даргдоаца ахчаши сбораши;
6) социальни адаптацен программа — бахархошта социальни Iалашо яра органо гражданинаца цхьана вIашагIтеха йола, цун вахара хало дIаяккхара тIаерзаяь йола мероприятеш а, цу программаца белгалдаь тайпаш, боарамаш а уж мероприятеш кхоачашъяра аргIа а;
7) дезала (цхьаь вахача гражданина) хIара сага сих лаьрхIа бола юкъера боараме пайда – дезала хIара доакъашхачун (цхьаь вахача гражданина) вIашагIтехача пайда мах, массе а дезалхочоа дIа-хьа бийкъача;
8) субсидеш — гражданашта еча услугех бизза е цхьа дакъа целевой мах дIабалар;
9) социальни контракт – гражданин вахача е из дIаваха хулача моттигерча социальни Iалашон органаи гражданинаи юкъе барт бар, цунца нийса социальни Iалашон органо декхар тIаэц гражданина паччахьалкхен социальни новкъостал дергхиларах, гражданино – социальни адаптацен программо белгалъяь мероприятеш кхоачашъе;
10) вахара хала хьал — гражданина вахара аьттонаш халонга доаха хьал е хьалаш, укх долчох гражданин ше чакхвала ца могаш хилар.
Статья 3. Паччахьалкхен социальни новкъостал дара даькъе ГIалгIай Республика Халкъа Гуллама полномочеш
Паччахьалкхен социальни новкъостал дара даькъе, ГIалгIай Республика Халкъа Гуллама полномочешца да:
1) паччахьалкхен социальни новкъостал дара боарам, условеш, хьожадара аргIа а дIадалар а белгалду законаши кхыйола боарама бокъон акташи тIаэцар;
2) социальни новкъостал дара йолча расходий даькъе ГIалгIай Республика бюджет дIачIоагIдар;
3) паччахьалкхен социальни новкъостал дара даькъе дола законодательство кхоачашдара тIахьожам лоаттабар;
4) Российски Федераце а ГIалгIай Республика а законодательстваца нийса кхыйола полномочеш кхоачашъяр.
Статья 4. Паччахьалкхен социальни новкъостал дара даькъе ГIалгIай Республика Правительства полномочеш
Паччахьалкхен социальни новкъостал дара даькъе ГIалгIай Республика Правительства полномочешца да:
1) социальни новкъостал дар кхоачашде уполномоченни йола (уполномоченни яраш) ГIалгIай Республика паччахьалкхен Iаьдала кхоачашдара орган (органаш), ГIалгIай Республика паччахьалкхен учреждени (учрежденеш) (дIахо – уполномоченни орган);
2) ГIалгIай Республика гражданашта паччахьалкхен социальни новкъостал дара паччахьалкхен программаш вIашагIйокхар а кхоачашъяр а социальни услугаш яра, социальни пособеши субсидеши далара кепе;
3) ГIалгIай Республике пачаахьалкхен социальни новкъостал дара хьалаш. арг1а, боарам белгалбар а дIаоттабар а;
4) ледара торо йолча дезала е цхьаь вахача гражданина вахара эшачун кIезигах бола боарам белгалбара аргIа дIачIоагIъяр;
5) ГIалгIай Республикерча бахархой керттерча социально-демографически тоабай, хIара сага сих вахара эшачун кIезигах бола боарам оттабар;
6) паччахьалкхен социальни новкъостал делга хьожадара а социальни контракта кеп а аргIа а дIачIоагIъяр;
7) социальни контракта кIейлен тIа паччахьалкхен социальни новкъостал дара мониторинг лелаяра аргIа дIачIоагIъяр;
8) кхыйола полномочеш кхоачашъяр, Российски Федераце а ГIалгIай Республика а законодательстваца нийса.
Статья 5. Паччахьалкхен социальни новкъостал дIаэцараш
Паччахьалкхен социальни новкъостал дIаэцараш хила йиш я торо ледара йола дезалаш, торо ледара йола цхьаь баха гражданаш, уж юкъера лаьрхIача хIара сага сих, царгара доацача бахьанех ГIалгIай Республика оттабаьча, вахара эшача кIезигах болча боарамал кIезигах пайда хьатIабоагIаш хиларах.
Статья 6. Ледара торо йолча бахархошта социальни новкъостал дарах хоам беш кхоачо яр
Укх Законаца нийса дIалуча паччахьалкхен социальни новкъосталах бола хоам чуоттабу, ЦаI йолча социальни Iалашон хоам бара системе белгалбаь хоам, ЦаI йолча социальни Iалашон хоам бара системе чуоттабар (хьаэцар) кхоачашду Федеральни законаца нийса.
Статья 7. Паччахьалкхен социальни новкъостал дар хьожадара аргIа
1. Паччахьалкхен социальни новкъостал дар, цу даькъе социальни котракта кIийлен тIа а оттаду ледара торо йолча дезала е ледара торо йола цхьаь ваха гражданин вахача е хулача моттигерча социальни Iолашон органа соцамах.
2. Ледара торо йолча е ледара торо йолча цхьаь вахача сага паччахьалкхен социальни новкъостал дарах дола сведенеш социальни Iолашон органо, бахархошта паччахьалкхен е муниципальни услугаш яла уполномоченни йолча, ведомствашта юкъерча запросах Российски Федераце законодательствас дIадехарашца нийса.
3. Паччахьалкхен социальни новкъостал дар, цу даькъе социальни котракта кIийлен тIа оттаду, электронни документа кепе е йоазор кепе, гражданин (ледара торо йолча цхьаь бахача гражданех лоархIа) вахача е хулача моттигерча социальни Iалашон органашка дIаделча е дукха функциональни центре гIолла заявлени елча е ший дезала цIерах (паччахьалкхен социальни новкъостал дар социальни контракта кIийлен тIа кхоачашдар ца лаьрхIача) доал дечо е йоакхо ечо е гражданина кхыча законни викало заявлени елча, цу тIа дезала оттамах, ший (цун дезала) пайдах а доалахьарча кепе цун долча рузкъах а дола сведенеш тIа а долаш.
Заявителю денна сведенеш совнагIа тохкам баь бакъдий хьажар могаду (комиссионни тохкам баь), социальни Iалашон органо ше.
Организацеш бехктокхаме я шоаш дIаденнача документаш тIара сведенеш нийса хиларах, законодательстваца нийса.
4. Паччахьалкхен социальни новкъостал делга оттадарах е ца оттадеш духьале ярах бола хоам, заявителага дIабахьийта беза йоазон кепе, заявитель вахача е из дIаваха хулача моттиге йолча социальни Iалашон органо, заявитела цох дола документаш дIа а луш хоам дIабаь 10 ди доалача юкъа. Заявитело хьаденна дезала (цхьаь вахача сага) пайдах дола сведенеш хиланза даргдоацача моттигашка совнагIа тохкам (комиссионни тохкам) дIабахьа безаш хилча, цу органо хьалхален жоп дала деза, цу тайпара тохкам дIабахьарах. Цу моттиге заявитела хоаддаме жоп дала деза заявлени дIаенна 30 денал тIехьа а ца доаккхаш.
Статья 8. Социальни контракта кIейлен тIа дола паччахьалкхен социальни новкъостал
1. Социальни контракта кIийлен тIа йола паччахьалкхен социальни новкъостал ду, ледара торо йолча дезалашта, ледара торо йолча цхьаь бахача гражданашта, цар лоIамах а доацаш, ГIалгIай Республика оттабаьча вахара эшача рузкъан кIезигах болча боарамал кIезигах хIара сага сих бола пайда кIезигах хиларах, цар шоай вахарера хала хьал аттача дакхара, хьинаре къахьега аьттув лохаш.
2. Социальни контракта тIа оттадаь хила деза:
1) социальни контракта предмет;
2) паччахьалкхен социальни новкъостал деш, гражданий а социальни Iалашон органа а бокъонаши дакхараши;
3) паччахьалкхен социальни новкъостала тайпаши боарамаши;
4) социальни контракта кIийлен тIа паччахьалкхен социальни новкъостал дара аргIа;
5) социальни контракто болх бу хан-юкъ;
6) социальни контракт хувцара а соцаяра а аргIа.
3. Социальни контракт оттаю ГIалгIай Республика Правительствос дIачоагIъяьча кепе.
4. Социальни котрактах дIатох социальни адаптацен программа, цунца паччахьалкхен социальни новкъостал дIаэцачар, кхоачашданза даргдоацараш белгал а даь. Цу тайпарча мероприятешца я:
1) болх лахар;
2) профессиональни дешар Iомадар а совнагIа профессиональни дешар Iомадар а;
3) индивидуальни предпринимательски къахьегам дIабахьар;
4) доалахьара подсобни боахам лелабар;
5) гражданин вахара халон хьалах чакхваргвола кхыйола мероприятеш дIаяхьар.
5. Бахархошта социальни Iалашо яра органо, контракта кIийлен тIа паччахьалкхен новкъостал деча хан.а бахархой балха оттабара служба органашца, ГIалгIай Республика паччахьалкхен органашца, ГIалгIай Республика моттигерча шедоалдара органашца цхьана къахьег, паччахьалкхен социальни новкъостал дIаэцара социальни адаптацен программах, белгалъяь программа кхоачашъеш га-лоадам бара декхарашта.
6. Социальни адаптацен программа оттаю социальни контракто болх беча хан-юкъа.
7. Социальни контрактаца цхьана, социальни адаптацен программа дIа а техе цу тIа кулгаш язду заявителои гражданин вахача е из дIаваха хулача моттигерча бахархошта социальни Iалашо яра органа кулгалхочои.
8. Социальни контракта кIийлен тIа паччахьалкхен социальни новкъстал дар оттаду цхьа беттагара цхьан шерага кхоачалца, социальни адаптацен программа чулоацамга хьежжа. Из хан-юкъ, бахархой социальни Iалашо яра органо дIайIаьхъяр могаду, ГIалгIай Республика Правительствос оттаяьча кIийленаш тIа.
9. Социальни контракта кIийлен тIа, паччахьалкхен социальни новкъостал дарах, укх Законаца нийса, социальни контракт ца хиларах, паччахьалкхен социальни новкъостал дар оттаделга а соцадац,е духьале а яц.
10. Социальни контаркта кIийлен тIа паччахьалкхен социальни новкъостал дара мониторинг ю, бахархошта социальни Iалашо яра органаша, ГIалгIай Республика Правительствос оттаяьча аргIанца нийса.
11. Социальни контракта кIийлен тIа, паччахьалкхен социальни новкъостал дара овсарлен мах хоадабара методика дIачIоагIъю, Российски Федераце Правительствос оттаяьча аргIанца нийса.
Статья 9. Паччахьалкхен социальни новкъостал ца деш духьале яр
Нагахьа санна заявитель ший дезала оттамах, пайдаехи ший (ший дезала) доалахьарча рузкъахи дола сведенеш дизза доацаш а (е) бакъдоацаш а дIаденна хилча, из вахача е дIаваха хулача моттигерча социальни Iалашон органо духьале ю, цунна паччахьалкхен социальни новкъостал делга отта ца деш.
Цу кIийленаш тIа шийна паччахьалкхен новкъостал ца деш духьале йич,а заявитело из дош лоткъаде йиш я, бахархошта социальни Iалашо яра лакхе латтача органе (е) суде г1олла.
Статья 10. Паччахьалкхен социальни новкъостал дар соцадара кIийленаш
1. Заявитель декхарийла ва, шийна паччахьалкхен социальни Iалашо яр оттадаьча, бахархошта социальни новкъостал дара органа, шийна ший дезала паччахьалкхен социальни новкъостал дар оттадара дIахо дахьара а кIийле хинна хьалаш хувцадаларах, ший дезала оттамах, пайдаехи (цун дезала) доалахьарча рузкъах бола хоам дIабе, уж белгалдаь хувцамаш хинна ши кIира доалача ханачухь.
2. Нагахьа санна, бахархошта социальни Iалашо яра органо, заявитела дезалах,пайдаехи цун (цун дезала) доалахьарча рузкъахи дола сведенеш бакъдоацаш хилар оттадой, е белгалдаь хьал хувцаденна моттиг хилча, заявитель (цун дезал) паччахьалкхен социальни новкъостал ца деш вут (бут), ГIалгIай Республика бахархой социальни Iалашон органаша оттаяьча хан-юкъа, цхьабакъда заявитела белгалдаь новкъостал дар законаца доацаш дIаденнача хан-юкъал дукхагIа а доацаш.
Бахархой социальни Iалашбара органо ший оагIорахьара, социальни контракта кIийлен тIа паччахьалкхен социальни новкъостал соцадар могаду, нагахьа санна из новкъостал дIаэцачар, социальни адаптацен программаца белгалъяь мероприятеш кхоачаш ца йой, е ГIалгIай Республика боарама бокъон акташца оттадаьча моттигашка.
3. Паччахьалкхен социальни новкъостал дар соцадар заявитело лоткъаде йиш я лакхе латтача социальни Iалашон органе а (е) суде г1олла.
Статья 11. Паччахьалкхен социальни новкъостал дара тайпаш
Паччахьалкхен социальни новкъостал дар кхоачашду укх тайпара:
1) ахча далар (социальни пособеш, субсидеши кхыдола ахчаши);
2) рузкъан новкъастал (кхатуллар, кхачан продукташ, барзкъаш, маьчаш, дарбан молхаш а кхыдола рузкъан новкъостала тайпаш).
Статья 12. Социальни гIо дара финансироване источникаш
Ледара торо йолча бахархошта, социальни гIо дара финансировани ю республикански бюджета средстваех.
ХIара шера керте республикански бюджете белгалду, ледара торо йолча бахархошта социальни гIо дара тIадерзадаь средстваш, бюджета аргIнарча финансови шера, ший пайдаех кхаь процентал дукхагIа а доацаш.
Статья 13. Ер Закон низаца чIоагIдалар
Ер Закон низаца чIоагIденна болх бе долалу ер официально кепатеха итт чаккхдаьннача дийнахьа денз.
Ер Закон низаца чIоагIденнача дийнахьа денз, ший низ дIабаьнна лархIа «Ледара торо йолча бахархошта социальни гIо дарах» дола 2004 шера 31 декабрера, №40-РЗ йола ГIалгIай Республика Закон, «Ледара торо йолча бахархошта социальни гIо дарах» дола ГIалгIай Республика Закона хувцамаш юкъедахьарах дола», 2006 шера 26 апрелера №43-РЗ йола ГIалгIай Республика Закон, «Ледара торо йолча бахархошта социальни гIо дарах» дола ГIалгIай Республика Закона хувцамаш юкъедахьарах дола», 2014 шера 4 мартера №7-РЗ йола ГIалгIай Республика Закон,

ГIалгIай Республика
Мехкда Евкурнаькъан Б.Ю.
г. Магас
2018 шера 13 июне
№ 24-рз
————————————————————————-

ГIАЛГIАЙ РЕСПУБЛИКА
ЗАКОН

«ГIалгIай Республике стратегически планированех долча» ГIалгIай Республика Закона хувцамаш юкъедахьара хьакъехьа

ТIаийцад
ГIалгIай Республика
Халкъа Гуллама 2018 шера 7 июне

Статья 1
«ГIалгIай Республике стратегически планированех долча» 2016 шера 28 мартерча №9-РЗ йолча ГIалгIай Республика Закона (газет «ГIалгIайче», Официальни бокъон хоама интернет-портал (www.pravo.gov.ru), 2016, 30 марте, 29, ноябре) юкъехьо ер хувцамаш:
1) 6 статье:
а) 2 даькъа 3 пункта «в» подпункт укх редакце дIаязъе:
«в) Российски Федераце шин е кхы дукхагIча субъектий доазон планироване схема, ГIалгIай Республика доазон планироване схема.»;
б) 3 даькъа 5 пункт укх редакце дIаязъе:
«5) муниципальни программаш.»;
2) 9 статьяй 4 дакъа дешашта «доазон планироване схемаш» тIехьа тIатохар де дешашца «Российски Федераце шин е кхы дукхагIча субъектий доазон планироване схема, ГIалгIай Республика доазон планироване схема»;
3) 15 статья укх редакце дIаязъе:
«Статья 15. Российски Федераце шин е кхы дукхагIча субъектий доазон планироване схема, ГIалгIай Республика доазон планироване схема
Российски Федераце шин е кхы дукхагIча субъектий доазон планироване схема, ГIалгIай Республика доазон планироване схема вIашагIйохк Российски Федераце субъекташ социально-экономически оттаме дегIайоалара декхарашта, царна ларде латт Российски Федераце субъекташ, макрорегионаш социально-экономически дегIаахара стратегей положенеш, а Российски Федераце стратегически планироване стратегей отраслевой документаш а, Российски Федераце Градостроительни кодексо а Российски Федераце доазон планироване схемашца а белгалдаь дIадехараш теркалдеш.».
4) 16 статье:
а) 1 даькъе дешаш «районашка а городской округашка» хувца дешаца «образованешка»;
б) 2 даькъе дешаш «ГIалгIай Республика муниципальни районашка а городской округашка а» дIадаха.
Статья 2. Ер Закон низаца чIоагIдалар
Ер Закон низаца чIоагIденна болх бе долалу ер официально кепатеха итт ди чаккхдаьннача дийнахьа денз.

ГIалгIай Республика
Мехкда Евкурнаькъан Б.Ю.
г.Магас
2018 шера 13 июне
№ 25-рз
————————————————————————-

ГIАЛГIАЙ РЕСПУБЛИКА
ЗАКОН

«ГIалгIай Республика доазон тIа этилови спирт, алкогольни а спирт доала а продукци лелаяр паччахьалкхен дIа-хьа нийсдарахи алкогольни продукцех пайда эцара (малара) доазув тохарахи долча» ГIалгIай Республика Закона 43 статяй а «ГIалгIай Республика доазон тIа административни бехктокхамах долча» ГIалгIай Республика Закон 172 статьяй хьалхарча абзаца а низ дIабаьнна лархIара хьакъехьа

Т1аийцад
ГIалгIай Республика
Халкъа Гуллама 2018 шера 7 июне

Статья 1
Ший низ дIабаьнна лархIа «ГIалгIай Республика доазон тIа этилови спирт, алкогольни а спирт доалла а продукци лелаярахи паччахьалкхен дIа-хьа нийсдарахи, алкогольни продукцех пайда эцара (малара) доазув тохарах долча», ГIалгIай Республика Закона (газет «ГIалгIайче», 2010, 28 октябре; 2012, 11 феврале; 2013, 15 июне; 2014, 7 июне; 2015, 2 апреле; Официальни бокъон хоама интернет-портал (www.pravo.gov.ru), 2016, 8 феврале) 43 статья.
Статья 2
Ший низ дIабаьнна лархIа «ГIалгIай Республика доазон тIа административни бехктокхамах долча», 2010 шера 7 декабрерча №60-РЗ йолча ГIалгIай Республика Закона (газет «Сердало» 2010, 11 декабре; газет «ГIалгIайче» 7 июне, 6 октябре; 2012, 24 марте; 2013, 12 марте, 7 декабре; 2014, 7 июне; 2015, 5 феврале; Официальни бокъон хоама интернет-портал (www.pravo.gov.ru), 2015, 1 июне, 2 декабре, газет «Сердало», 2017. 7 марте; Официальни бокъон хоама интернет-портал (www.pravo.gov.ru), 2016, 29 декабре; 2017, 29 мае, 6 июне).
Статья 3
Ер Закон низаца чIоагIденна болх бе долалу ер официально кепатехача дийнахьа денз.

ГIалгIай Республика Мехкда Евкурнаькъан Б.Ю. г. Магас 2018 шера 13 июне № 26-рз

№ 90-91 (12026-027), шинара, 19 июнь, 2018 шу. Вторник, 19 июня 2018 года

Добавить комментарий

Ваш e-mail не будет опубликован. Обязательные поля помечены *