ГIАЛГIАЙ РЕСПУБЛИКА ЗАКОН

«ГIалгIай Республика берий могашал лораяра, физически, духовни а эздела
а даькъе уж дегIакхувлара совгIа кхоачашде дезарех долча» ГIалгIай Республика
Закона 5 статье хувцамаш юкъедахьара хьакъе

ТIаийцад
ГIалгIай Республика
Халкъа Гулламо 2018 шера 27 июне

Статья 1
«Г1алг1ай Республика берий могашал лораяра, физически, духовни а эздела а даькъе уж дег1акхувлара совг1а кхоачашде дезарех долча» 2009 шера 17 ноябрерча, №52-РЗ йолча Г1алг1ай Республика Закона (газет «Г1алг1айче», 2009, 3 декабре; 2014, 3 июле; Официальни бокъон хоама интернет-портал (www.pravo.gov.ru), 2018, 27 феврале) 5 статье юкъехьо 1обелгалдаь хувцамаш:
1) 4 даькъе:
а) т1атохар де ер чулоацам болча 4 пунктаца:
«4) мегийташ дац, тхьамка увзалга хетийта, тхьамка доаца кечалаши г1ирсаши, кхензабарашка рознични дохкар.»;
б) 4 абзаце дешаш «Российски Федераце законодательстваца» хувца дешашца «болх беча законодательстваца»;
2) т1атохар де ер чулоацам болча белгалдарца:
«Белгалдар. Укх статьяй декхарашта пайда эц 1обелгалдаьча кхетамех: тхьамка доаца увза кечалаш — тхьамка (г1ир) доаца кечалаш, цу даькъе тхьамка доаца смесеш, увзаш дола кхерий, мезмоташ, цар аналогаш; тхьамка увзаш хетийта г1ирсаш, — г1ир д1акхоачийта электронни системаш а г1ир йоаца продукташ д1акхоачийта электронни системаш а, кальянаш, цу даькъе электронни хин 1и йоаю кечалаш а кхыйола тхьамка увзаш хетийта г1ирсаш; электронни, хин 1и йоаю кечалаш — батарея е аккумулятор йола кечалаш, 1и йоаер е 1ин генератор а коачалах 1и яра картридж а; тхьамка доаца смесеш — тхьамка доаца кечалаш, г1ир йоаца увза смесеш, сомий увзаш дола коктейлаш а цар аналогащ а йола г1ирсаш, кхачан волокней к1ийлен т1а тахьамка лордаш а тхьамка кхыйола доакъош а тоханза хьаяь йолаш, шоашца массехк 1аламан продукташ додаш (модз, патока, свеклай к1аьда юкъ, шекара эрза дог, кхыдараш), спиртана (глицерин), иштта консервантай 1аламан (искусственни) ароматизаторийла яша йоахкаяь; увзаш дола кхерий — тхьамка доаца увза кечалаш, минеральни, г1ир ца йоалла, юкъера хара йола кечалаш, ароматически мезмот, йикъа йола даьтта коачал, шийх глицерин, баьций экстракташ, растворителаши ароматизатораши йолча к1ийлен т1а хьадаь а долаш; увзаш дола мезмоташ-тхьамка ца доалла кечалаш, шоашца г1ир ца йоалла, йикъа йола, даьтта доалла кхоачалаш, глицерина, баьций экстрактий, растворителии ароматизатории к1ийлен т1айола.».
Статья 2
Ер Закон низаца ч1оаг1денна болх бе долалу ер официально кепатеха итт ди чаккхдаьннача дийнахьа денз.

Г1алг1ай Республика Мехкда Евкурнаькъан Б.Ю.

г. Магас 2018 шера 2 июля№ 27-рз

«Сердало». № 99 (12035), ера, 5 июль, 2018 шу. Четверг, 5 июля 2018 года

Добавить комментарий

Ваш e-mail не будет опубликован. Обязательные поля помечены *