Болгарерча музее кхыча дунен йоазонхошца цхьана хургья Базоркин Идриса цIи

Кириллицан лаьрхIа оттаяь цаI мара йоаца музей йола шахьар Плиска Болгарий паччахьалкхен къаьнарчарех лоархIаш я. «Двор Кириллицы» яхача аллее долаш да кириллица ларде яздеш мел долча халкъий кхоллама йоазонхошта лаьрхIа оттадаь Культурно-исторически цIа. Цига, кхыча дунен йоазонхой цIерашца цхьана дIаоттае лерхI гIалгIай халкъа йоазонхочун Базоркин Идриса цIи.

Из музей хьаяьча Алексанян Карена дагадохарца, ГIалгIайчен Культура министерствос лаьрхIадар цу кхыча халкъий йоазонхоел хIамма а эшашагI воацача гIалгIай халкъа йоазонхочун Базоркин Муртаза Идриса цIи цу музее белгалъе. Цун цIи белгалъеш бола аламбекъа е кхы дола гIулакх дар нийса хургда, хIана аьлча ший хьамсарча ГIалгIайче хезача а ца Iеш, гаьнна кхыча паччахьалкхенашка дIахезай йоазонхочун ший цIи а, дукхача наха дукхабезабеннача цун кхоллама цIи а.
Цу Болгарерча аллее иштта белгалъяха дIаовттаяь я кхыча эрсий йоазонхой цIераш, уж ба: Александр Пушкин, Сергей Есенин, Лев Толстой иштта кхыбараш а. Цу цIихезача боккхача эрсий йоазонхошца цхьана хургья Базоркин Идриса цIи. Цул совгIа, цига белгалъяха хьоахаяь я кириллица ларде яздеш хиннача дукхача цIихезача йоазонхой цIераш.
Цу гIулакха вай мехкара Болгаре йодаш йолча тоабан хьалхале ГIалгIайчен Культураи Архиваи министерства кулгалхочунга ГIазданаькъан Маретага я. МоллагIа ший чам болаш волча саго цун цIи белгалъеш дIахьоргдолча вIашагIкхетаре цу дийнахьа дакъа лаьцача нийса хургда ший аьттонга хьежжа.

И. Айюбов

№ 107-108 (12043-104), шоатта, 21 июль, 2018 шу. Суббота, 21 июля 2018 года

Добавить комментарий

Ваш e-mail не будет опубликован. Обязательные поля помечены *