Долакоа керда гIишлош йоттаргйолаш я

Укх деношка Долакоа бахархой вIашагIкхетар хилар, цига дакъа лоацаш вар ГIалгIайчен Мехкда Евкуранаькъан Баматгире Юнус-Бек.

Гулбеннача наха теркам тIабахийта айдаь дийца хаттараш дар, юрта социально-экономически хьал тоадарах.
Шоай хаттарашкахьа юртахоша Мехкдаьга хьоадир газа а хий а чудиларах дола гIуакх, новостройкашка свет чуйиллар, наькъаш тоадайтара теркам тIабохийташ дола хаттараш.
Долакоахошка ладийгIа Баматгире Юнус-Бека наькъа хьал теркал дий цу гIулакха бехктокхаме болчарга чоалханеча хаттарашкахьа дола кхоачамбоацараш юстар даха аьнна тIадиллар.
Цул совгIа, юртахоша теркам тIабахийтар юрта эшаш йолча школан, детский сада, физкультурно-оздоровительни гIишло хьалъе езаш хилара.
Евкуранаькъан Баматгире Юнус-Бека аьлар керда хургйола объекташ хьалъе еза цхьан-шин шерашка. Цул совгIа, къаьнарча школан тIехкар тохарца из чIоагIъе аьнна а тIадиллар.
Мехкадаь Долакоа юртахошца вIашагIкхетар дIадахар безамеи, чам болаши.

БАЗЕНАЬКЪАН Милаграс

№124 (12060), шинара, 21 август, 2018 шу Вторник, 21 августа 2018 года

Добавить комментарий

Ваш e-mail не будет опубликован. Обязательные поля помечены *