Мехкахочун каш тIа

Со зIамига волаш, Джабагиев Висан-Гири а цун дезалера нах а дикача оагIорахьа хьоахабе йиш йолаш бацар. Цу хана лаьттача Iаьдало халкъа моастагIий лоархIар царех. Бакъда зама а массаза цхьа бос болаш, цхьа лостам болаш хилац. Иштта хувцаелар из вай мехка а.
Тахан Джабагиев Ижех шийх а цох хьабаьннача нахах а дукха йоазош даьд, цар цIерагIа я улицаш. Джабагиев Висан-Гире цIерагIа литературни преми а яр.
ХIана дагабехаб сона уж укх наькъа? Укх шера 135 шу дизад, Иже Висан-Гири ваьча денз. Къаман хьалхле лелаяьча нахах цаI хиннав из. Керда советий Iаьдал доалача хана Къаман совета кулгалхо а хиннав. Цо яхача хIаманга ладувгIа тигадац гIалгIаша. Цар хьаллаьцав Серго Орджоникидзе а цо шоашта дахьа Iаьдал а. Из дика гу вайна Гойгов Iаддал-Хьамида язъяьча «Серго» яхача повеста тIара. Цудухьа укх мехкара дIавахав Висан-Гири. Юххьанца Франце, тIаккха Польше, тIеххьара Стамбуле ваьхав из. 1961 шера цига вала а веннав.
Туристаш санна Туркий мехка ухаш йола вай къаман интеллигенци, цун зерат де из дIавеллача моттиге ухаш нийслу. Иштта шоаш Стамбуле нийсбеннача хана, Нохч-ГIалгIай паччахьалкхен университета хьехархой Банхаев Хьажбийкари Нальгиев Азамати баха хиннаб цIихезача шоай мехкахочун каш тIа, царца хиннай цу хана Висан-Гире йоI Тамара, из яхаш я туркий мехка. Вож ши йоI – Хьалимати Джаннети – боаца дикка ха я.

№162-163 (12098-099), ера, 1 ноябрь, 2018 шу/Четверг, 1 ноября 2018 года

Добавить комментарий

Ваш e-mail не будет опубликован. Обязательные поля помечены *