Цогали, цогала кIориги

«Хьайбаех дола гIалгIай фаьлгаш»: оттадаьраш Д. Мальсагов, Б. Зязиков. Нохч-ГIалгIай книжни издательство, Грозный — 1961 шу.

Бийсанна лоам тIа дижа уллаш хиннад цогали, цогала кIориги. Цу лоам тIара Iохьажача бIаргагуш гаьнна шаьрача ара йоагаш цIи хиннай. Iодийша цхьа ха яьннача гIолла дижаь уллачара кIалтIа а ийккха, аьшшехь, ма чIоагIа оагIув боаг-кх са а, аьнна урахайнад цогал.

– Фу дир хьона, сево боагабир хьа из оагIув? – аьнна, хаьттад цогалга дижаь уллача кIориго.
– БIаргагаций хьона Iоа ара йоага цIи? Цу цIеро боагабир са оагIув, — аьннад цогало кIоригага.
– Со а сайна цIерага дIоахлургда, — аьнна, нанна юххе oaгIyв а теха, тIод цIерага кха а хьекха Iохайнад кIориг. Иштта Iохайна цIерага дIоахлуш дагIаш цхьа ха яьннача гIолла «аьшшехь», сийг кхийтар сона, аьнна, хьалкхоссаденнад цогала кIориг.
– ХIанз фу дувц Iа, мичара, Iоа ара apгle йоагача цIера сийг кхет хьона, харц ма ле! — аьннад цогало ший кIоригага.
– ЙIовхал кхоачача сийг кхоачилга хаций хьона, сийг кхийтар сона! — аьнна, юха жоп деннад кIориго цогалга.

Добавить комментарий

Ваш e-mail не будет опубликован. Обязательные поля помечены *