«Эппаз Iа а даьккхача, эппаз аз а даьккхача…»

МоцагIа, совета Iаьдала хана цхьан тика чу латташ зокх болаш цхьа саг хиннав, Батыр яхаш. Цхьан сомах кийла шекар ийцачул тIехьагIа эппаз совдоалаш ха яр из. Шоана ма харра цхьа сом 100 кепик я, хIаьта эппаз – 20 кепик. Цу эппазах берашта кIезига конфеташ е кхыйола, мерза хIама йоагIар цу хана. Тика чу латтар ше нахаца бег бара тIера хиларга хьажжа, цунца а бора наха бегаж. Цхьацца доацар оалар сакъердама духьа, вож кхетаргволга а ховш. Бакъда цхьаццачара-м из цIенхашта а кхетадора. Царех цаI дар, Батыра ше тика чура хIама йохкаш хилча шийна ахча сецаду, яхаш.
Иштта цхьан дийнахьа Батыр волча тика чу кIаьнк вена хинав. Сом дIа а кховдадаь аьннад цо, цхьа кийла шекар да сона, совдаьнначох конфеташ я сона, аьнна. ТIаккха Батыра кIирвенна кIаьнка бIара а хьажа, аьннад: «КIаьнк, эппаз Iа а даьккхача, эппаз аз а даьккхача, гучадовргдий-хьогI вай шиъ?»

Бохтаранаькъан ХIарон

№198-200 (12133-135), шоатта, 29 декабрь, 2018 шу / Суббота, 29 декабря 2018 года

Добавить комментарий

Ваш e-mail не будет опубликован. Обязательные поля помечены *