Тамашийна га

ХIара дийнахьа, балха долхаш а, чудоагIаш а, е доххьал саготалла лелаш а дукха тайпара гаьнаш бIаргагу вайна, гобаьккха ягIаш. Хьех, къахьэсте, поп, къоахк, муш, Iарждакх иштта кхы а дукха тайпра, сом хьалаташ а ца латаш а гаьнаш я вай бIаргаш тIаувтташ. Цхьавола саг лаьрххIа уж тохкаш, царца сакъердалуш хул, хIаьта царца вIалла бала боацаш а цар фу кхоачаш ду ца ховраш а нийслу наха юкъе дукха. Хийлане уйла яь хургьяц мел пайда ба цу гаьнаша укх дунен чу дахача вайна хьалуш бар.

Вай мехка ягIараш кIориг долаш дукха тайп-тайпара тамашийна гаьнаш я кхычахьа доазол арахьарча мехкашка а, йоккхийча паччахьалкхеншка а хьахулаш. Хийла царех га бIаргаяйча, цецваьннача вус моллагIвола саг. Вай мехка йоацача кхычахьа хьахулаш йолча тамашийнача гаьнех цаI я Сармака га яхар.
Тропически гаьнех лоархIаш я из. ХьатIайоаллаш я Африкеи, иштта Азен къулбехьен-малхбоалеи. Из га цу тайпара цIи йолаш наха юкъе яржай дукхача ткъоврех латта цун хьорх бахьан долаш. Кеп а я цун из бIаргаяйча сармак дагабохийташ. Дукхача хана шоашта куцала а лелаю из га.
Шийгахьа геттара тамаш йолаш ба цу гаьнах боаккхаш бола Iаьржа-цIе босс бола кIув-боалоз. Геттара хьалха дIаяхача ханашкахьа сармака гаьна кIув дарбана лелабеш хиннаб наха.
Сармака га дукха яхачарех лоархIаш я. 9 эзар шерага кхаччалца ях из.

И. Айюбов

№ 1-2 (12136-137), шоатта, 12 январь, 2019 шу / суббота, 12 января 2019 года

Добавить комментарий

Ваш e-mail не будет опубликован. Обязательные поля помечены *