ГIалгIай Мехка унахцIено Iалашъяр

ГIалгIайчен Мехкдаь Евкурнаькъан Баматгире Юнус-Бекаи, балха даькъе мехка венача Къилбаседа Кавказа Федеральни округе Росси паччахьа йизза бокъо йолча викала Матовников Александраи балха вIашагIкхетар хилар ГIалгIай Мехка керттерча шахьаре Магасе.

Матовников Александра белгалдаьчох, тIехьарча хана ГIалгIай Мехка цIенхашта болх дIабихьаб унахцIено Iалашъяра даькъе. «Мехка хьайийлай массехк дарба дара гIишлош, царех я перинатальни юкъарче, берий мехка больница, онкологически диспансер, мехка поликлиника. Царшка гIолла мехка бахархой могашал Iалашъе аьттув ба шун тахан», — аьлар паччахьа йизза бокъо йолча викала.
ДIахо цо хьоахадир, ГIалгIай Мехка къахийга, дешийта кийчбаь лакхача боарамах бола говзанчаш болаш хилар. «Керттерчарех цхьа декхар да вайна хьалхашка латташ, керда хьайийлача дега-пхаьний юкъарчен эшаш бола говзанчаш Iалашбар», — аьнна дийцар Матовников Александра дIахо.
Паччахьа викал тешаш ва 2024 шерага кхачалца йолча хан чухьа ГIалгIай Мехка эшаш бола унахцIенои, могашали Iалашъярах бола говзанчаш вIаштIехьа барг хилар.
Мехкдас Баматгире Юнус-Бека ший оагIорахьа Къилбаседа Кавказа Федеральни округе Россе Федерацен паччахьа йизза бокъо йолча викала Матовников Александра баркал аьлар, ГIалгIайчен доазон тIа кхоачашъеш йола проекташ бахьан долаш.
«ГIалгIай Мехка тахан вай дIадихьа вIашагIкхетар шийгахьа лерхIам болаш дар. Тахан Наьсаре вай хьайийлар ГIалгIайчен мехка клинически больница хьалхара дега-пхаьний юкъарче. Iа кулгал а деш, хьа Iуналца вIаштIехьадаьннад из гIулакх. Дега хулаш долча лазарашца къовсам лоаттабе а, унахошта ханнахьа доагIа дарба де а аьттув хургба хIанзчул тIехьагIа, вIаштIехьа а яьха Iооттаяь дика оборудованеш хилар бахьан долаш. «Развитие сферы строительства, архитектуры и ЖКХ» яхача паччахьалкхен программа кхоачашъерца хьалъяь дега-пхаьний юкъарче мехка унахцIено Iалашъяра даькъа лерхIаме гIа баккхар да, — аьлар Мехкдас Баматгире Юнус-Бека.
Юкъарчен эшаш бола говзанчаш Iалашбара гIулакх кхоачашхургдолаш ГIалгIайчен кулгалхоша лерхI балха говзал лакхъе доазол арахьа лораш дIаахийта

Матенаькъан Илез

№ 8-9 (12143-144), ера, 24 январь, 2019 шу / четверг, 24 января 2019 года

Добавить комментарий

Ваш e-mail не будет опубликован. Обязательные поля помечены *