Беке къонгаш

Февраль бетта 2 дийнахьа Наьсарен культура цIагIа гIалгIай йоазонхочо Боканаькъан ХIаме Ахьмада «Беке къонгаш» яхача романа тIа гIолла оттаьча спектаклага хьажа баьхка дукха нах бар. Цецваллал йиза яр йоккха зал. Дега хоза хийтар дукха нах хьажа бахка безам хиларах. Нах дукха хилар бахьан, кхы а гIандаш увттадеш моттигаш Iалаш е йийзар культура цIен болхлой. Сатийнна, сага новкъале ца еш хьажар хIаравар.

Сагаца бала боацаш сага ца зувш, цу зале ше цаI волаш санна сатийна багIар гулбеннараш. Гуш дар, вай къаман дай хана хиннача вахарца цар боакха лерхIам болга а из ха цар безам болга а. Доакха масал да аьнна хет сона цу спектакле хьежархой а актераш а гойтар. Гуш дар вай гIалгIай къаман эхь, эздел, воакхагIал, зIамагIал. Актерашца боагIача боараме бувзам бар хьежархой, цу заман чухь шоаш болаш санна, сцена тIара вахар шоай таханар ди долаш санна хоза бувзам бар царна юкъе.

Базенаькъан Милаграс

№ 18-19 (12153-154), шоатта, 9 февраль, 2019 шу / суббота, 9 февраля 2019 года

Добавить комментарий

Ваш e-mail не будет опубликован. Обязательные поля помечены *