Шоана йовзий кхерех тIаяьнна хьу?

Цхьа ший тайпара тамашийна низ болаш я буни – адам цецдаккхар. Лакхача лоамашка а, шерача гувнашка а, йоккхийча хьунашка а, кIоаргача фордашка а дукха тамашаш го йиш я. Цхьайолча хана вай цецдоахаш, вайга йоккха тамаш яйташ бIаргаш ца тешшал хIама бIаргагу вайна буни тахка айттача, е дунен тIа гIолла гобаха доладелча. ХIаьта дIахо оаха шуга хоам бергба ЧIинхой Мехкарча кхерий хьунах лаьца.

Ший тайпара тамашийна ба ЧIинхой Мехкарча буне чулоацам. Цига да дихка хьунах тара а долаш латташ лоамаш, бакъда, гIаьнаш доацаш, хьорх доацаш яле а кхерий хьу гаьнех латташ санна я. Лоаман зIогалаш дукха я цига, цудухьа цу моттигах Шилина хьу оал. Кхы а, дукха гIишлош ягIаш йола бIарчча шахьар лархIа йиш йолаш да уж лоамаш,
ДукхагIдола цу кхерий хьуна лоамаш доххьал урагIа долхаш дале а, цхьадараш хьайбай а адама а сибате хул. Царех цхьадараш бокъонца дийнаденна картинаш санна товш да. Ший тамашийнача кепаца адам чIоагIа цецдоаккхаш да уж хоза зIогалаш дола лоамаш. Шо нийсденнадий цу моттигашка? Дале язде тхога.

Матенаькъан Илез

№ 18-19 (12153-154), шоатта, 9 февраль, 2019 шу / суббота, 9 февраля 2019 года

Добавить комментарий

Ваш e-mail не будет опубликован. Обязательные поля помечены *