ЗIамагIа йола бизнеса новкъарленаш кIезигагIа ю

Мехкдас Евкурнаькъан Юнус-Беки предприниматели бокъо лораеча викало Хаматхананаькъан Муратаи бийцар 2018 шера баь болх.
Хаматхананаькъан Мурата яхачох дIадахача пхе шера царга къаьчадар 1038 кхейкарал, царех 221 яр 2018 шера предприятеш хьаелача ханеи шоашта еча еш йола духьаленаш ювцаш.

«ДукхагI бола лоткъамаш субсидеши, гранташи, кредиташи луча ханеи, лаьттанцеи, кхыча оагIонцеи дувзаденна да. Беррига лоткъамаш оаха техкад низамо яхача бесса. ДоагIача оагIорахьа хьехам а баьб, дIакхетаабаьб», — аьлар Хаматхананаькъан М.
Цо дIахо аьнначох, къаьстта теркам баьб вай республике гIулакхеи инвестиционнеи хаоттам дикагIа хургболаш. Хадданза бизнес-тоабанга хаттараш ду, царна духьале еш малагIа хьамаш нийслу хьожаш. Хьана аьлача цу ийрча гIулакхаш дукха новкъарле ю бизнеса, уж канал балийтац.
Цул совгIа мониторинг ю тIахьожача урхаленаш тохкамаш беча хана еш йола новкъарле зувш. Уж тIахьожамаш дIадахача шера нийсса ахнел совгIа кIезига еннай.
Мехкдас дика мога бир предприниматели бокъо лораеча викалено баь болх. Цо декхар тIадилар дIахоа иштта болх бе предприниматели бокъо лоръера. Иштта баьча белхо мара лакхбергбац гIулакхи инвестиционни хаоттам. Къаьстта хьажа веза болалуча предпринимателашка.
«Реальное время» яхача тохкама службас дувцачох, ГIалгIайче зIамагIа йола бизнеса юридически доакъашхой совбаларах хьалхарачарца яь.

Д. Хасанов

№ 28-30 (12163-165), ера, 28 февраль, 2019 шу / четверг, 28 февраля 2019 года

Добавить комментарий

Ваш e-mail не будет опубликован. Обязательные поля помечены *