1.5 эзара гаргга саго дергда 2019 шера Хьажол

Мехкдаьца Евкурнаькъан Юнус-Бекаца къамаьл деш ГIалгIайчен Хьажол деча комитета кулгалхочо Теркакийнаькъан Ахьмада аьлар, цхьа эзар ах эзар гаргга бусалба саг вай мехкара Макка ваха йиш йоллаш ва аьнна.

«Вайна бокъо яннай 1400 саг вахийта 2019шера Хьажий цIагIа. Цу гIулакха кхахьегаш болча Россен хадж-оператораш оалача наха лаьрхха сертификаташ дIаенний. Тийша болх бе дага дехача наха аьттув баргбоацаш кийчяьй уж», — аьлар Ахьмада.
Укх шера вайна енна квота соахкара чунга хьажжа яь, из еррига кхочаш йир вай, — аьнна белгалдир цо.
ХьалхагIа кхейкадаьча бесса, 16 январе Россен викалаши Саудовски Аравера Хьажол министерстваси Эр-Рияде кулг яздир «Хадж-2019» яхача договора. Цо лаьрхад Россера ткъо бIаь ах бIаь эзар саг хьажол де бокъо йолаш болга. Хьажол кхоачаш деш бола нах дIааха болалургба июль бетта.

ОагIо кийчъяр Д. ХАСАНОВ

№ 25 (12160), ера, 21 февраль, 2019 шу / четверг, 21 февраля 2019 года

Добавить комментарий

Ваш e-mail не будет опубликован. Обязательные поля помечены *