Iалам лораде вай

«Крышки добра» яха Iалам лорадира хетаяь йола акци дIайихьар Назранерча ялхлагIча ишколе. Цу вIашагIкхетаре вийха къаьста хьаьша вар Калиматнаькъан Адам, Iалам лорадиргахь дукха пайдане а, лерхIаме а проекташ кхелла вола къона говзанча. «Крышки добра» яха акци йолайира никъ байзийтар цу гIулакха хьалхалатташ волча, Iалама цIено лорайира къаьста болх лелабарца белгалваьннача Адама. Февраль бетта хьалхарча дийнахь болабеннаб акцех бола лерхIаме болх. Калиматнаькъан Адам вар доккха совгIат дар берашта: цунна кийчдаь хаттараш берий Iаламацара чам гойташ а, цар цIена уйла-нигат хьокхаш а дар.
«Акхар баь болх — боккха къахьегам болга гуш да тайп-тайпарча шушай ногIарех дизза тускараш зийча» — белгалдаьккхар Адама, цар баь болх тахка ваьлча.
ХIаьта берий къахьегам зехьа хиланзар: цар шоашта кийчдаь совгIаташ дIаийцар. Уж кхаь моттига дийкъар, тIаккха хоржам а баь, дIа-хьа далар.

Хьалхара моттиг: диплом +кино билеташ
ШоалагIа моттиг: диплом + экошушаш
КхоалагIа моттиг: диплом + брошюраш
ХIаьта дукхагIа къахийгарашта лаьрхIа: диплом + брошюра + футболка

8»а» классера дешархоша 3428 ногIар гулдир, царна хьалхара моттиг ялар, хIаьта 10-ча классо 3069 ногIарах дизар шоай тускар. Уж шоалагIа моттиг яккхарца белгалбаьлар. КхоалагIа моттиг кхаьчар 9-ча класса, I592 ногIар гулдир бахьан долаш, 8 «б» — йиълагIа моттиг, 9 «а»- пхелагIа моттиг! ХIаьта цу акцех кадайгIа хинначара цIераш ераш я:

Шадыжева Амина — 8а
Мержоев Чингисхан — 9а
Картоева Мадина — 10 х/б
Арчакова Хади — 9б
Чахкиева Лейла — 8а

Берий Iалама ЦIено лелайирцара чам денна совбаха безалга белгалдаьккхар Калиматнаькъан Адама. Цудухь дIахо цу тайпара акцеш дIакхухьаш, къахьега лаьрхIа ва из. Цо баркал оал ялхлагIча ишкола директора а, дешархошта а ше доладаь гIулакх барт болаш, массане кхоачашдирах.

Новрузнаькъан Макка

№ 34-35 (12169-170), ера, 7 март, 2019 шу / Четверг, 7 марта 2019 года

Добавить комментарий

Ваш e-mail не будет опубликован. Обязательные поля помечены *