Овлаш тахкар

Вай кагирхой къахьегаш болга гуш да тlехьарча хана доахача толамашка хьажача. Университеташка, колледжашка, школашка тайп-тайпара lилмаш тохкаш болх дlакхахьар бахьан долаш, кагирхой салolама ха дlалаьцай къахьегамо! Дешарцара чам совбоахаш я, тleххьарча хана арахеца проекташ.

Ше хана зlамига яле а, дукха хlама кхоачашде кхийнад хlанз вай ювцаргйолча Йовлой Дианай. Цо ца дешаш, ца тохкаш дешарче йисайий-хьогI. Йоl кадай йолга гуш да, цо карадерзадаь lилман доакъош белгалдаьхача.
Йовлой Дианас дика дешарца белгалъяларца чакхъяьккхай Гlалгlай паччахьалкхен университет, метта говзал тахкаргахьа совъювлаш. Цу университетаца цо йистеяьккхар «Колледж сервиса и быта» яха колледж, «Туризм» яха lилма карадерзадеш. Шиннахьа ше деша ягlашшехь цун вlаштlехьдоалар Тоачнаькъан Мухьмада хьайийлача «7 voice» яхача центре диктора никъ lомабе. Дукха дипломаш да Дианайга. Хlара диплом тахан йи1а накъадаьннад. Хlаьта дlадахача шера из дакъалоацаш хилар «Машук» яхача форуме.
Из тахан кулгалхо я тайпаш хьахилар а, хьадалар а тохкаш йолча «Моя история» яхача проекте. Эрсий меттала «Генеалогия» оал цу тайпарча гIулакхах. Керда проект ийца из яха хилар ше деша яьгlача колледже. Хlаранена цо тlадилла гlулакх дар тайпаш хьахилара наькъаш тахкар.
Хlара фусаме нийслу овлаш дика довзаш бола боккхий нах. Тахан аьттув болаш, цар дувцар дlаязде сихвала веза ший тайпа тахка уйла йола саг.
Из болх дIахьо волонтераш лохаш я Диана.Колледже деша багlа кагирхой гlадбахар цу тайпара хоам хезача. Уж раьза бар цун оагlув хьаллаца а, шоашта волонтера декхар тIаэца а.
«Моя история» яха проект вlашагlъеллар «Волонтеры Победы» яхача проекто уйла хьалхаяккхарца, хlаьта болх дlабахьа новкъостал дер я Россе паччахьалкхен гуманитарни университета историко-архивни институт Общественни палато РФ дакъалацарца.
Диана раьза яр тохкама болх дlахьош шийца иштта дукха новкъостий нийсбенна! Хlанз санна майра, кадай, хьаькъале болх бе Дала аьттув боаккхалба Дианай а, кхыча кагирхой а.

Новрузнаькъан Макка

№ 37-38 (12172-173), ера, 14 март, 2019 шу / Четверг, 14 марта 2019 года

Добавить комментарий

Ваш e-mail не будет опубликован. Обязательные поля помечены *