БIаьсти — къахьегама ха

БIаьсти яьннай. ХIанз хьаэттар я наха эггара чIоагIагIа къахьегаш хинна ха. Хьалха иштта дар-кх из. Беш яр ялат дIаде аравоалар, ков-карт дар из цIенде оттар, гаьнаш оахкар, кIираш тохар, цIенош цIендора чура а тIера а, кхыметтел хи йистош а наькъий йистош а цIенъеле, паргIатъяьле дIаоттар.

ХIара шера апрель бетта субботникаш дора, дерригача къахьегама цхьанкхетарашка болх бу нах арабоалар шоашта юхера моттигаш хозъе, гаьнаш дIайогIа, кхыдола балхаш де. Цу деношка къахьегаш хулар лораш, студенташ, школашка багIа дешархой, заводийи фабрикайи болхлой, вешта аьлча, массавар ше-ший дакъа юкъедахьа гIерташ хулар цу дикача а юкъарча а гIулакха. Кхыметтел йоазонхой а го йиш яр, бейоахкаш белаш йолаш. ХIанз шоана гуш дола сурт даьккхад дIадахача бIаьшарен 80-ча шерашка Шолжа-ГIалий тIа. Апрель бетта хоза денача шоатта дийнахьа болх бе городе арабаьннабар Нохч-ГIалгIай книжни издательствон болхлой. Сурта тIа шоана гу (аьрдехьара аьттехьа) редактораш Арчаков Сали, Саракаев Хьамзат, керттера редактор Гапаев Iаддал, Шадиев Султан, издательсвон директора Дзейтов Хьажбикара водитель, редактор Такилашев, технически редактор Магомаев Мансур.
А. Салиханов

№ 58 (12193), ера, 18 апрель, 2019 шу / четверг, 18 апреля 2019 года

Добавить комментарий

Ваш e-mail не будет опубликован. Обязательные поля помечены *