Имама вахарера доккха таьрахьаш

Вайна массанена дика йовзаш я къамах жIайхо хиннача, селий мехкара хьаваьннача Шамала цIи. Цун мехкахочо Гамзатов Расула имама хетаяьча ший цхьан стихотворене тIа дувц, зIамига волаш, цун оамалаш зийнача боккхача наха из фу аьле хьоахавеш хиннав. Цун сиха оамал йовзача къоаноша «воккха хилча молха доагадергда укхо» оалаш хиннад Шамалах. Цар яьхар бакъ а хинна дIаэттад. ХIана аьлча 1834-1859 шерашка эрсий паччахьаца беча тIема керте лаьттав из.

Укх шера цун вахарца дувзаденна массехк доккха таьрахь да. 1834 шера цох хиннав Кавказе дахача къамий имам. Из гIулакх тIаэца ца тугаш, дIатетташ, дикка ха яьккхай йоах цо. Юххера, Iалама наха сов чIоагIа дехарах, цар юхь яьй цо. Вешта аьлча, укх шера 185 шу дуз, цох Кавказа имамата кулгалхо хилча денз.
ШоллагIдола цун вахарера доккха таьрахь да, из эрсий паччахьа эскара караваха 160 шу дузаш хилар. Гуниб яхача юрта, ше эшара мукIарал деш, герз Iодиллад цо. Из моттиг ювцаш, сурташ кхеллад бе-беча къамех болча художникаша. Царех ва Ф. Рубо, Б. Сагов, кхыбараш.

С. Арчаков

№ 65-66 (12200-201), шинара, 30 апрель, 2019 шу / вторник, 30 апреля 2019 года

Добавить комментарий

Ваш e-mail не будет опубликован. Обязательные поля помечены *