Турнир «Битва в горах 8» дIахьоргйолаш я июль бетта 20 дийнахьа

ГIалгIайчен хозача юрта ТIаргама июль бетта 20 дийнахьа дIахьоргдолаш да бархIлагIдола вIашагIэдаьча латарех йолча Халкъаштаюкъерча турнира М-1 Challenge дола «Битва в горах» яха латараш. Карарча хана турнирага кийчо яр миштад Мехкдаьга Евкурнаькъан Юнус-Бекага дийцар ГIалгIайчен спорта министра Оалхазарнаькъан Дауда.

Министра яхачох, ГIалгIайчен вIашагIэдаьча латарех йолча ММА яхача федерацес М-1 Global яхача юкъарченца цхьана хургйолча турнира доакъашхой лоаттам белгалбаьккхаб.
«Дерригаш 13 латар хургда уж, царех 7 мехкара низъоамалхой товсабаларца дIахьоргдолаш да. Цунга уж боагIача боараме кийча хургболаш шиъ тренировочни гулдалар дIадахьа лерхI. Турнирага иштта дакъа лаца лерхIаш ба ближнии дальнии зарубежера спортсменаша. Берригача доакъашхой список тIехьагIо хьакхайкаергья», — аьнна дийцар Оалхазарньакъан Дауда.
Турнирага тIехдика кийчбаларал совгIа, цу доккхача латарий вIашагIкхетарга хьежархой тIаозара болх а дIабахьа беза, аьнна белгалдир Мехкдас Баматгире Юнус-Бека.

Матенаькъан Илез

№ 78 (12213), шинара, 28 май, 2019 шу / вторник, 28 мая 2019 года

Добавить комментарий

Ваш e-mail не будет опубликован. Обязательные поля помечены *