ГIалгIайчен законаш

ГIАЛГIАЙ РЕСПУБЛИКА
ЗАКОН

«ГIалгIай Республика градостроительни къахьегамах долча»
ГIалгIай Республика Закона хувцамаш юкъедахьара хьакъехьа

ТIаийцад
ГIалгIай Республика
Халкъа Гуллама 2019 шера 30 мае
Статья 1
«ГIалгIай Республика градостроительни къахьегамах» долча 2009 шера 17 декабрерча №61-РЗ йолча ГIалгIай Республика Закона (газет «ГIалгIайче», 2009, 31 декабре; (газет «Сердало», 2010, 9 ноябре; газет «ГIалгIайче», 2011, 6 октябре; 2013, 15 июне; 2014, 8 ноябре; Бокъон хоама официальни интернет-портал (www.pravo.gov.ru), 2015, 1 июне, 14 декабре; 2017, 26 апреле; 2018, 27 феврале); юкъехьо Iабелгалдаь хувцамаш:
1) 5 статьяй 3 даькъе деша «кийчонна» тIехьа тIатохар де дешашца «Российски Федераце шин е кхы дукхагIча субьекта доазон планироване документаш»;
2) 6 статьяй 1 даькъа пункташ 6,8, 9, 111 шоай низ дIабаьнна лархIа;
3) 7 статье:
а) 2 даькъа 2 пункт укх редакце дIаязъе:
«2) Российски Федераце шин е кхы дукхагIча субьекта доазон планироване схема, ГIалгIай Республика доазон планироване схема;»;
б) тIатохар де 31-33 доакъошца:
«31. Российски Федераце шин е кхы дукхагIча субьекта доазон планироване схема дIачIоагIдаь документ хилар е цу документа кийчо яра духьале яц, ГIалгIай Республика доазон планироване документашта кийчо яра а иштта ГIалгIай Республика доазон планироване документашта хувцамаш юкъедахьара а»;
32. ГIалгIай Республика доазон планироване документаш дIанийсде деза, Российски Федераце шин е кхы дукхагIча субьекта доазон планироване дIачIоагIдаьча документашца нийса, нагахьа санна ГIалгIай Республика доазон планироване документаша, Российски Федераце шин е кхы дукхагIча субьекта доазон планироване документашца региональни обьекташ оттаяра духьале йой. ГIалгIай Республика доазон планироване документаш, Российски Федераце шин е кхы дукхагIча субьекта доазон планироване дIачIоагIдаьча документашца нийсдалехьа, ГIалгIай Республика доазон планироване документех пайда эцалга хила йиш яц, Российски Федераце шин е кхы дукхагIча субьекта доазон планироване дIачIоагIдаьча документашта духьале еча даькъе, из дIачIоагIдаьча дийнахьа денз.
33. Муниципальни образованей доазон планироване документех пайда эца йиш яц, ГIалгIай Республика доазон планироване документаш, Российски Федераце шин е кхы дукхагIча субьекта доазон планироване дIачIоагIдаьча документашта духьале еча доакъошка,»;
в) 4 даькъе:
дешаш «Градостроительни кодекса документашца,» хувца дешашца «Градостроительни кодекса, Российски Федераце шин е кхы дукхагIча субьекта доазон планироване документашца,»;
г) тIатохар де ер чулоацам болча 4¹ а 42 а доакъошца;
«4¹. Российски Федераце шин е кхы дукхагIча субьекта доазон планироване документех пайда эца йиш яц, ГIалгIай Республика доазон планироване документашта, муниципальни образованей доазон планироване документашта кийчо еш а дIачIоагIдеш а царна юкъе хувцамаш деш а белгалдаьча документашта хувцамаш делга мегийташ дац, уж кхоачашдаро, цига йола е хьалъе лаьрхIа йола, федеральни лоархIам болча объекташта эксплуатаци е аьттув бехкаш хиларах.
42. Муниципальни образованей доазон планироване документашта кийчо еш а дIачIоагIдеш а царна юкъе хувцамаш деш а белгалдаьча документашта хувцамаш делга мегийташ дац, уж кхоачашдаро, цига йола е хьалъе лаьрхIа йола, региональни лоархIам бола объекташта эксплуатаци е аьттув бехкаш хиларах.»;
д) 7 даькъе деша «проектаца» тIехьа тIатохар де дешашца «Российски Федераце шин е кхы дукхагIча субьекта доазон планироване документех,»;
е) 8 даькъе деша «проектаца» тIехьа тIатохар де дешашца «Российски Федераце шин е кхы дукхагIча субьекта доазон планироване документех,»;
ж) 9 даькъе деша «проектаца» тIехьа тIатохар де дешашца «Российски Федераце шин е кхы дукхагIча субьекта доазон планироване документех».
4) 9 статья укх редакце дIаязъе:
«Статья 9. ГIалгIай Республика доазон планироване документий чулоацам
1. ГIалгIай Республика доазон планироване доументий чулоацама схемах дIадехараш белгалду Российски Федераце Градостроительни кодекса 14 статьяйца нийса.
2. ГIалгIай Республика доазон планироване доументий схема тIа белгалъяь хила еза обьектий тайпаш, Российски Федераце Градостроительни кодекса 14 статьяй 3 даькъаца региональни лоархIам болчарца лоархIаш йола.».
5) 10 статье:
а) 1 даькъа тIатохар де ер чулоацам болча абзацаца:
«Российски Федераце шин е кхы дукхагIча субьекта доазон планироване схема проект, ГIалгIай Республика доазон планироване доументий схема проект барта яхьа еза, кхоачашдара Iаьдала федеральни органаца, федеральни лоархIам болча, лаьрххIа лорадеча Iаламан доазон тIа оттае лерхIача, региональни лоархIам болча обьекташа бе тарлуча воча Iоткъама даькъе, нагахьа санна ГIалгIай Республика доазон тIа, федеральни лоархIам бола, лаьрххIа лораду Iаламан доазонаш дале, иштта федеральни доалахьа йолча хин обьекташка оттае лерхIача региональни лоархIам болча обьекташа во Iоткъам бе тарлуш хилча.»;
б) 11 даькъа укх редакце д1аязде:
«11. Барт бара комиссено хьаденнача документии материалии кIийлен тIа, ГIалгIай Республика Правительствос, Российски Федераце шин е кхы дукхагIча субьекта доазон планироване схема проект шоай хьакъехьа кийчъяьча доазоний е доазоний доакъой, бокъо я белгалъяь схема дIачIоагIъярах соцам тIаэца е белгалъяьча схема проект дIататта, из дIахо тоае дIалургйолаш, хIаьта Российски Федераце Градостроительни кодекса 63 статьяй 13 даькъаца белгалъяьча моттигашка, белгалъяьча схема проект дIайохьийт Российски Федераце Градостроительни кодекса 63 статьяй 13 даькъаца белгалъяьча, Российски Федераце субьектий паччахьалкхен Iаьдала законодательни (представительни) органашка дIачоIоагIъергйолаш е дIахо тоаергйолаш. Барт бара комиссено хьаденнача документии материалии кIийлен тIа, ГIалгIай Республика Правительства бокъо я Российски Федераце субьекта доазон планироване схема проект дIачIоагIъеш соцам тIаэца е белгалъяь схема проект дIататта, тоаергйолаш дIаяхьийта.»;
в) 12 даькъе деша «проекташ» тIехьа тIатохар де дешашца «Российски Федераце шин е кхы дукхагIча субьекта доазон планироване схемаш,».
6) 14 статья укх редакце д1аязье:
«Статья 14. Муниципальни района доазон планироване схема чулоацам
1. Муниципальни района доазон планироване схема чулоацам а из могаярах йола материалаш а тIаэц Градостроительни кодекса 19 статьяйца нийса.
2. Муниципальни района доазон планироване схема тIа белгалде деза моттигера лоархIам болча, Российски Федераце Градостроительни кодекса 19 статьяй 3 даькъа 1 пункто белгальяьча, обьектий тайпашца.».
7) 17 статья укх редакце дIаязъе:
«Статья 17. Городской округа, юрта а городской а поселене генеральни плана чулоацам
1. Городской округа, юрта а городской а поселене генеральни плана чулоацам а цун оттаме кIийле хиларах йола материалаши а тIаэц Градостроительни кодекса 23 статьяйца нийса.
2. Поселене, городской округа генеральни плана тIа белгалъе еза, Градостроительни кодекса 23 статьяй 5 даькъа 1 пункте белгалдаьча даькъе чуйоагIа, моттигера лоарх1ам болча болча обьектий тайпаш.».
8) 18 статье:
а) цIерца дешашта «дIайихьача а» тIехьа тIатоха дешаш «юкъарлен тохкам бар а е»;
б) тIатохар де ер чулоацам болча 31 даькъаца:
«31. Сага вахара эша дика хьал хилийтара бокъо лораеш, генеральни планий проектех, лаьттан доакъоех пайда эцара а гIишлош яра а бокъоний проектех, планировка яра проектех, доазонна межевани яра проектех, лостам бара проектех, белгалдаьча, дIачIоагIдаьча документех цхьанне тIа хувцамаш юкъедахьара проектех, лаьттан даькъах е капитальни гIишлонах условни пайда эцар могадарах соцам балар белгалдеш, гIишлош яра мукъа балара тIех долча боарамах дIа-хьа валар могадеш, капитальни гIишлонна реконструкци яра (дIахо укх статье-проекташ), муниципальни образоване уставаца а (е) предстваительни органа боарама бокъон акташца нийса, Российски Федераце, Градостроительни кодекса положенеш теркалъеш, лаьттан доакъой а капитальни гIишлоний а бокъо йолча наьха лоIамаш а бокъонаш а лораяра духьа, дIахьу юкъарлен дувцараш е публични ладувгIараш, Градостроительни кодексо а кхыдолча федеральни законаша а белгалъяь моттигаш ца лаьрхIача.»;
в) 7 дакъа укх редакце дIаязде:
«7. Генеральни плана проект юкъарлен тохкам е публични ладувгIараш дIа ца хьош йита йиш яц, муниципальни образоване уставаца а (е) муниципальни образоване предстваительни органа боарама бокъон акташца белгал ма дарра, Градостроительни кодекса 28 статьяй положенеша белгалдерий терко еш. Поселеней, городской округий генеральни планий проектех юкъарлен тохкам е публични ладувгIараш дIахьош, лоIам мел болча наха хетарий текро цхьатарра аьттув балара духьа, нах бахача пункта доазон тIа юкъарлен тохкам е публични ладувгIараш дIадахьар доакъошца декъа мегаш да.
Цу доазон тIа регистраци яьча наьха тIехдола дукхала таьрахь, 20 эзар сагал совнагIа хила йиш яц.»;
9) 19 статье:
а) 2 даькъе дешашта «Кхоачашъяр» тIехьа тIатохар де дешашца «Российски Федераце шин е кхы дукхагIча субьекта доазон планироване документашца,»;
б) тIатохар де ер чулоацам болча 21 даькъаца:
«21. «Российски Федераце шин е кхы дукхагIча субьекта доазон планироване схема, ГIалгIай Республика доазон планироване схема кхоачашъяр дIахьу, Российски Федераце субьекташта юкъе Российски Федераце законодательстваца нийса, шоай доазоний е доазоний доакъой хьакъехьа Российски Федераце шин е кхы дукхагIча субьекта доазон планироване схема дIачIоагIъяь хилча, Российски Федераце белгалъяьча субьектий лакхехьарча паччахьалкхен Iаьдала кхоачашдара органаша дIачIоагIъяьча паччахьалкхен программашца, Российски Федераце белгалъяьча субьектий паччахьалкхен Iаьдала лакхехьарча кхоачашдара органий боарама бокъон акташца е Российски Федераце субьектий паччахьалкхен Iаьдала лакхехьарча кхоачашдара органаша оттадаьча соцамех, Российски Федераце белгалъяьча субьектий бюджета средстваш керттерча дIа-хьа хьожадар кхоачашдечар, е ше-шегIа йолча монополей субьектий инвестиционни программашца.»;
в) тIатохар де ер чулоацам болча 44 даькъаца:
«44. Нагахьа санна поселеней, городской округий генеральни планашта юкъе хувцамаш юкъедихьа хилча, коммунадьни, транспортни, социальни инфрастурктура обьекташ хьалъе е реконструкци е, уж моттигера лоархIам бола обьекташ йолаш, уж поселеней, городской округий коммунальни инфраструктура комплексни дегIаахара, поселеней, городской округий транспортни инфраструктура комплексни дегIаахара, поселеней, городской округий социальни инфраструктура комплексни дегIаахара белгалйича, уж программаш дIанийсъе еза поселеней. городской округий генеральни планашца кхо бутт боалача ханачухь, поселеней, городской округий генеральни планашта аргIа йола хувцамаш юкъедихьача хана денз.»;
г) 5 даькъе дешаш «бакъда белгалдаьча доазон планироване документашца белгалданза» тIехьа тIатохар де дешашца «е нагахьа санна доазон планироване документашта юкъе федеральни лоархIам бола обьекташ, региональни лоархIам бола обьекташ оттаярах хувцам баь хилча»;
10) 24 статьяй 1 даькъе:
а) 1 пункт укх редакце д1аязъе:
«1) пайда эцара мукъа беннача лаьттан доакъой а капитальни гIишлон обьектий а тайпаш;
б) 3 пункт укх редакце дIаязъе:
«3) лаьттан доакъойх а капитальни гIишлонех а пайда эцара боарам оттабар, Российски Федераце Лаьттан кодекса 27 статьяйца нийса отта ма дарра.»;
в) тIатохар де ер чулоацам болча 4 пунктаца:
«4) коммунальни, транспортни, социальни инфрастурктура обьекташца кхоачо яра кIезигах дола расчетни гойтамаш а белгалъяь обьекташ бахархошта доазон тIакхоаче хилара расчетни гойтамаш а, нагахьа санна доазон зона доазонашца ший хьакъехьа градостроительни регламент оттадаь, доазув комплексни а оттаме а дегIадоаладар белгалдаь дале.».
11) 28 статья укх редакце д1аязъе:
«Статья 28. Лаьттан даькъа градостроительни план
1. Лаьттан даькъа градостроительни план дIалу, лаьттан даькъа доазонашца, градостроительни субьекта архитектурно-гIишлош яра проектировани, гIишлош яра, капитальни гIишлошта реконструкци яра декхарашта эша хоам бара духьа.
2. Градостроительни плана кийчо яра хоам хьалураш да доазон планироване а градостроительни зонироване а документаш, градостроительни планироване боарамаш, доазон планировка яра документаци, федеральни доазон планироване паччахьалкхен хоам бара система, градостроительни къахьегама кхоачо яра хоам бара система ЦаI йола, дIа-хьа хьош доацача рузкъан паччахьалкхен реестрера сведенеш, иштта капитальни гIишлон обьекташ, инженерно-техкнически кхоачо яра сетешта дIахоттара (технологически дIахоттара) техкнически условеш.
3. Лаьттан даькъа градостроительни планаца ба, Российски Федераце Градостроительни кодекса 573 статьяй 3 даькъе белгалбаь хоам.
4. Нагахьа санна Российски Федераце Градостроительни кодексаца нийса, капитальни гIишло оттаяр доазонна планировка яра документаци ца хиларах мегийташ деце, лаьттан даькъа архитектурно-гIишлош яра проектировани яра, цу тайпара капитальни обьект хьалъяра мукъа хьаэцар мегийташ да, доазон планировка яра цу тайпара документаци дIачIоагIдаьчул тIехьагIа.
5. Лаьттан даькъа градостроительни план хьаэцара декхарашта, лаьттан даькъа бокъонаш йолчо, лаьттан дакъа долча йолча моттигерча шедоалдара органага заявлени дIалу. Лаьттан даькъа градостроительни план хьаэцарах йола заявлени заявитело дIаялар могаду дукха функциональни центре гIолла.
6. Моттигерча шедоалдара органо, укх статьяй 5 даькъе белгалъяь заявлени дIаийца балха ткъо ди доалача хан-юкъа, Iалашо ю лаьттан даькъа градостроительни план кийчъеш, тIаккха дIалу заявитела. Лаьттан даькъа градостроительни план заявитела дIалу мах а боацаш.
7. Лаьттан даькъа градостроительни план кийчъеш, моттигерча шедоалдара органо, из тайпара документ хьадаларах йола заявлени дIаийца ворхI ди доалача юкъа, инженерно-техкнически кхоачо яра сетешта эксплуатаци еча организацешка, хьалъе лаьрхIа е реконструкци е лаьрхIа йола капитальни гIишлон обьекташ, инженерно-техкнически кхоачо яра сетех дIахоттара (технологически дIахоттара). Белгалъяь технически условеш моттигерча шедоалдара органага дIаяла еза Российски Федераце Градостроительни кодекса 48 статьяй 7 даькъе белгалъяьча хан-юкъа.
8. Нагахьа санна заявлене тIа лаьттан даькъах пайда эцара декхарех бола хоам ца хилча, инженерно-техкнически кхоачо яра сетешта эксплуатаци еча организацено, инженерно-техкнически кхоачо яра сетех дIахеттача моттигашка хила тарлуш бола тIехбола Iоткъам белгалбу, лаьттах пайда эцара а гIишлош яра а бокъонашка долча сведенешца нийса.
9. Лаьттан даькъа градостроительни плана тIа болча хоамах пайда эцар могаду проектни документаци кийчдеча, гIишлош яра мукъа хьаэца, из хьаийцача дийнахьа денз кхо шу чаккхдаллалца. Из ха йистеяьлча лаьттан даькъа градостроительни плана тIа болча хоамах, укх статья тIа белгалдаьча декхарашта пайда эцар мегийташ дац.».
Статья 2
Ер Закон низаца чIоагIденна болх бе долалу, ер официально кепатехача дийнахьа денз.

ГIалгIай Республика
Мехкда Евкурнаькъан Б.Ю.
г. Магас
2019 шера 7 июне
№ 13-рз
—————————————————————————————————————-
ГIАЛГIАЙ РЕСПУБЛИКА
ЗАКОН
ГIалгIай Республика цхьайолча законодательни акташта
хувцамаш юкъедахьара хьакъехьа

ТIаийцад
ГIалгIай Республика
Халкъа Гуллама 2019 шера 30 мае

Статья 1
«Сага иммунодефицита вирусах дола цамагар долча наха а ВИЧ- инфицированни болча наха лорий новкъостал деча говзанчашта а социальни гIо дарах долча», 2004 шера 3декабрерча №44-РЗ йолча ГIалгIай Республика Закона (газет «ГIалгIайче», 2005, 3 феврале; 2006, 25 апреле; 2015, 2 апреле) 3 статьяйна хувцам юкъехьо, укх редакце дIа язъеш:
«Статья 3. Сага иммунодефицита вирусах дола цамагар долча наха а ВИЧ- инфицированни болча наха а лорий новкъостал деча говзанчашта а социальни гIо дар
Укх Закона 2 статье белглбаьча наьха бокъо Iобелгалдаь социальни новкъостала тайпаш хьаэца:
ВИЧ- инфицированни болча наха амбулаторни хьалашка дарба дара духьа, мах боацаш молхай кхоачо хьаэца;
ВИЧ- инфицированни болча наха диагностика яра а дарба дара а система болхлой, иштта сага иммуннодефицита вирусаш йолча материалашца болх беча наьха бокъо я, лоацъяь балха ха йолаш къахьега, зене йолча а (е) кхераме долча хьалашка къахьегарах, хIара шера мах луш йола отпуск хьаэца, Российски Федераце законодательствоца нийса.
ВИЧ- инфицированни болча наха диагностика яра а дарба дара а система болхлой а иштта шоай кхаьегам сага иммунодефицита вирусаш йолча метериалашца бувзам болча къахьегача наьха балха хана а хIара шера мах луш йолча отпуска а боарам белгалбу Российски Федераце Правительствос.
Зене йолча а (е) кхераме йолча хьалашка болх беча унахцIено лораяра ВИЧ- инфицированни болча наха диагностика яра а дарба дара а система болхлой а иштта шоай кхаьегам сага иммуннодефицита вирусаш йолча метериалашца бувзам болча къахьегача кхыча наьха балха алапе боарам белгалбу, ГIалгIай Республика Правительствос оттаяьча аргIанца нийса.
ВИЧ- инфицированни болча наха диагностика яра а дарба дара а унахцIено лораяра система болхлой а иштта шоай кхаьегам сага иммунодефицита вирусаш йолча материалашца бувзам болча къахьегача кхыча наха а балха тIа хила тарлуча хатарех а профессиональни лазарех ца йича йиш йоаца социальни страховани е еза, Российски Федераце законодательствоца нийса отта ма дарра.».
Статья 2
«ГIалгIай Республика унахцIено лораяра, психиатрически новкъостал деча болхлошта социальни гIо дарах долча», 2004 шера 31 декабрерча №39-РЗ йолча ГIалгIай Республика Закона (газет «ГIалгIайче», 2005, 3 феврале; газет «Сердало» 2006, 28 феврале; газет «ГIалгIайче», 2015, 2 апреле) 3 статьяйна хувцам юкъехьо, укх редакце дIа язъеш:
«Статья 3. ГIалгIай Республика унахцIено лораяра, психиатрически новкъостал деча дакъа лоацача болхлошта социальни гIо дар
Укх Закона 2 статье белгалбаьча наьха бокъо я, балха ха лоаца хилийтара, зене йолча а (е) кхераме долча хьалашка къахьегарах хIара шера мах луш йола отпуск хьаэца, Российски Федераце законодательствоца нийса.
Психиатрически новкъостал дарца къахьегаш болча наьха балха хана а хIара шера мах луш йолча отпуска а боарам белгалбу, Российски Федераце Правительствос.
Психиатрически новкъостал дарца, зене йолча а (е) кхераме долча хьалашка къахьегаш болча наьха балха алапе боарам лакхбара боарам белгалбу, ГIалгIай Республика Правительствос.
Психиатрически новкъостал дарца зене долча а (е) кхераме долча хьалашка къахьегара ха лоацъяр, алапен боарам лакхбар, хIара шера мах луш йола отпуск ялар кхоачашду, лаьрххIа къахьегама хьалаш тахкарца.
Психиатрически новкъостал деча дакъа лоацача, ГIалгIай Республика лорий организацей болхлошта, къахьегаме хила тарлуча хатарех а профессиональни лазарех а ца йича йиш йоаца социальни страховани е еза, Российски Федераце законодательствоца оттаяьча арг1анца нийса.».
Статья 3
«Вахара хьалаш тоаде дезача ветеранашта, заIапхошта а бераш –заIапхой долча дезалашта а фусамаш ялара кепах а аргIах а долча» 2009 шера 21 октябрерча №47-РЗ йолча ГIалгIай Республика Закона Закона (газет «ГIалгIайче», 2009, 24 октябре; 2011, 12 апреле, 2012, 16 июне) юкъехьо Iобелгалдаь хувцамаш:
1) 1 пункте дешашта «чурча гIулакхий органий» тIехьа тIатохар де дешашца «къаман гварде эскарий»;
2) 3 пункте дешашта «чурча гIулакхий органий» тIехьа тIатохар де дешашца «къаман гварде эскарий».
Статья 4
Ер Закон низаца чIоагIденна болх бе долалу, ер официально кепатеха итт ди чакхдаьннача дийнахьа денз.

ГIалгIай Республика
Мехкда Евкурнаькъан Б.Ю.
г. Магас
2019 шера 7 июне
№ 16-рз

№ 84 (12219), шинара, 11 июнь, 2019 шу / вторник, 11 июня 2019 года

Добавить комментарий

Ваш e-mail не будет опубликован. Обязательные поля помечены *