ГIАЛГIАЙ РЕСПУБЛИКА ЗАКОН

ГIалгIай Республика паччахьалкхен 1аьдала органий къахьегамах болча хоама тIакхьоаче хилара хьакъехьа

ТIаийцад
ГIалгIай Республика
Халкъа Гуллама 2019 шера 31 октябре

Укх Законо дIа-хьа нийсду, ГIалгIай Республика паччахьалкхен Iаьдала органий къахьегамах бола хоам, хоамах пайда эцараш тIакхоаче хиларах дола къаьста дешаш «Паччахьалкхен органий а моттигерча шедоалдара органий а къахьегамах бола хоам тIакхоаче хилара кхоачо ярах долча» Федеральни законаца нийса (дIахо-Федеральни закон).

Статья 1. Укх Закона дIа-хьа нийсдара декхараш а предмет а

1. Укх Закона декхар да гражданий, организацей, юкъарлен объединеней ГIалгIай Республика паччахьалкхен Iаьдала органий къахьегама-с болча хама тIакхачара хьалаш Iалашдар (дIахо иштта-паччахьалкхен органаш).
2. Укх Законо дIа-хьа нийсдеча предметех да гражданаш, организацеш, юкъарлен объединенеш ГIалгIай Республика паччахьалкхен Iаьдала органий къахьегамах болча хоама тIакхоаче хиларах йола юкъ-моттигаш лораяр.

Статья 2. ГIалгIай Республика паччахьалкхен Iаьдала органий къахьегамах болча хоама тIакхоаче хиларах дола ГIалгIай Республика законодательство

1. ГIалгIай Республика паччахьалкхен Iаьдала органий къахьегамах болча хоама тIакхоаче хиларах дола, ГIалгIай Республика законодательствона ларде этта да, Российски Федераце Конституци, «Паччахьалкхен органий а моттигерча шедоалдара органий а къахьегамах бола хоам тIакхоаче хилара кхоачо ярах дола» 2009 шера 9 февралера №8-ФЗ йола Федеральни закон (дIахо — «Паччахьалкхен органий а моттигерча шедоалдара органий а къахьегамах бола тIакхоаче хилара кхоачо ярах дола» Федеральни закон), кхыдола федеральни законаш а боарама бокъон акташ а, ГIалгIай Республика Конституци а, законодательство латташ да укх Законах, ГIалгIай Республика кхыйолча, укх даькъе бакъон юкъ-моттигаш лораечабоарама бокъон актех.
2. Укх Закона пайда эцаш дола керттера кхетамаш пайда эцаш леладу «Паччахьалкхен органий а моттигерча шедоалдара органий а къахьегамах бола хоам тIакхоаче хилара кхоачо ярах долча» Федеральни законе пайда эца маIан долаш.

Статья 3. Укх Законо болх бар

1. Укх Законо дер дIа-хьа дарж, хоамах пайда эцараш ГIалгIай Республика паччахьалкхен Iаьдала органий къахьегамах болча хоама тIакхачара бувзам болча юкъ-моттигашка.
2. Нагахьа санна Российски Федераце субъекташа леладара предметех долча ГIалгIай Республика законошца а кхыйолча боарама бокъон акташца а, белгалдаь дале, паччахьалкхен Iаьдала органий къахьегамах бола хоам дIабалара башхало хилча, укх Закона положенейх пайда эц, цу законаша а ГIалгIай Республика кхыйолча боарама бокъон акташа а белгалъяьча башхалоний терко еш.
3. Укх Законо дер дIа-хьа дарж, паччахьалкхен Iаьдала органаша дуккханешка хоам бара средстваша дIабехарах, шоай къахьегамах бола къаьста хоам дIабаларца, Российски Федераце дуккханешка хоам бара средстваех долча законодательствос дIа-хьа нийсданза долча даькъе.
4. Укх Законо дер дIа-хьа даржац:
1) паччахьалкхен Iаьдала органаша чакхдоахаш долча, персональни даннешта тIакхачара кхоачо ярца бувзам болча юкъ-моттигашца;
2) паччахьалкхен органаша гражданий дехараш тахкара аргIа;
3) паччахьалкхен органо, Российски Федераце паччахьалкхен Iаьдала органашка, Российски Федераце субъектий паччахьалкхен Iаьдала органашка, кхыйолча паччахьалкхен Iаьдала органашка, моттигерча шедоалдара органашка, белгалъяьча органаша шоай полномочеш кхоачашъярца бувзам бола хоам дIабалара аргIа.

Статья 4. ГIалгIай Республика паччахьалкхен органий къахьегамах болча хоама тIакхача аьттув Iалашбар

1. Паччахьалкхен органий къахьегамах болча хоама тIакхачара Iалашо яр кхоачашду, паччахьалкхен органаша, шоай полномочей боараме оттаяьча аргIах, «Паччахьалкхен органий а моттигерча шедоалдара органий а къахьегамах бола хоам тIакхоаче хилара кхоачо ярах долча» Федеральни законо дIадехараш лорадеш.
2. Паччахьалкхен органий къахьегамах бола хоам чуоттабу, юкъара пайда эцача хоам бара системе, цу даькъе хоам-бара телекоммуникационни сете «Интернет», иштта белгалъяь органаш чуйолча фусамашка а цу декхарашта къоастаяьча моттигашка а «Паччахьалкхен органий а моттигерча шедоалдара органий а къахьегамах бола хоам тIакхоаче хиларах долча» Федеральни законо оттаяьча аргIах.
3. Хоамах пайда эцарашта паччахьалкхен органий къахьегамах бола, ГIалгIай Республика библиотечни а архивни а фондашка бола хоам бовзар кхоачашду библиотечни а архивни а хьакъехьа долча Российски Федераце законодательствос а оттаяьча аргIанца нийса, царца нийса тIаийцача боарама бокъон акташца нийса, иштта ГIалгIай Республика библиотечнии архивнии гIулакхех долча законодательствос а оттаяьча аргIанца а цунца нийса тIаийцача паччахьалкхен органий боарама бокъон акташца а.
4. Паччахьалкхен органаша, шоай къахьегамах бола хоам тIакхоаче хилар вIаштIехьдаккхара декхарашта белгалъю аргIа йола подразделенеш е уполномоченни даржера нах. Белгалъяьча подразделеней а даржерча наьха а бокъонаши декхараши дIаоттаду паччахьалкхен органий регламенташца а (е) аргIа йолча паччахьалкхен органий къахьегам дIа-хьа нийсбара йолча боарама бокъон акташца.

Статья 5. ГIалгIай Республика паччахьалкхен органий къахьегамах хоам дIабалара кеп

1. ГIалгIай Республике кхоачо ю паччахьалкхен органий къахьегамах бола хоам дIабалара, «Паччахьалкхен органии моттигерча шедоалдара органии къахьегамах бола хоам тIакхоаче хилийтара кхоачо ярах долча» Федеральни законо, кхыдолача федеральни законаша а Российски Федераце кхыйолча боарама бокъон акташа белгал ма дарра йолча кепашца.
2. ГIалгIай Республика паччахьалкхен органий къахьегамах бола хоам, къамаьла кепе а документированни хоама кепе а балар могаду, цу даькъе экстронни документа кепе а.
3. Паччахьалкхен органий къахьегамах бола, юкъара тIакхоаче бола хоам, паччахьалкхен органаша дIалу, боарам боацаш дукхача наха лаьрх1а, «Интернет» сете чу а оттабеш, дийллача данней кепе.
4. Паччахьалкхен органий къахьегамах бола хоам йоазон кепе дlалу, хоамах пайда эцачар йоазон кепе дIабийхача, нагахьа санна цар къахьегамах бола хоам д1абалара кхыдола куц дIадехарца белгалдаь а паччахьалкхен органо технологически кхоачашде аьттув а бале.
5. Нагахьа санна паччахьалкхен органий къахьегамах бола хоам, дIабехача кепе д1абала аьттув ца хилча, из дIалу паччахьалкхен органе болча кхоачон боараме.
Хоамах пайда эцачунга хоам дIабе беза, дIабехача кепе хоам дIабала аьттув ца хиларах, хоамах пайда эцачо дIабехача кепе дIакхачийта тар ца далара бахьан а довзийташ.
6. Хоамах пайда эцарашта, паччахьалкхен органий къахьегамах бола хоам дIалу къамаьла боараме, уж тIаэцача хана. Белгалбаь хоам дIалу справочни службай телефонашца е даржашкарча наьха телефонашца, из дIабала викал яьча паччахьалкхен органо.

Статья 6. ГIалгIай Республика паччахьалкхен органий къахьегамах болча, «Интернет» сете чуоттабеча хоамий перечень

1. Паччахьалкхен органаша шоай къахьегамах бола хоам чуоттабе пайда эц, «Интернет» сетах, цига шоай официальни сайташ хьа а еш, электронни почта адресаш белгал а доахаш, цига гIолла хоам хьабеха а хьабийха хоам хьаэца а аьттув хургболаш.
2. Паччахьалкхен органий официальни сайтах пайда эцара технологически, программни а лингвистически а кхоачонах дIадехараш, шоай полномочей боараме дIаоттаду белгалъяьча органаша.
3. ГIалгIай Республика Халкъа Гуллама къахьегамах болча хоама перечень, иштта цун къахьегамах болча, «Интернет» сете чуоттабеча хоама тIакхоаче хиларах а дар дIачIоагIду ГIалгIай Республика Халкъа Гуллама соцамца.
4. ГIалгIай Республика Мехкдаь къахьегамах болча хоама перечень а «Интернет» сете хоам чуоттабара аргIа а дIачIоагIъю ГIалгIай Республика Мехкдаь указаца.
5. ГIалгIай Республика Правительства, моттигерча шедоалдара органий къахьегамах бола, «Интернет» сете чуоттабеча хоамий перечнеш а цунна тIакхоаче хилара аргIа а дIачIогIъю ГIалгIай Республика Правительства соцамца.
6. Паччахьалкхен кхыйолча органий къахьегамах болча хоама перечнеш а цунна тIакхачара аргIа а дIачIоагIъю паччахьалкхен органаша.
7. ГIалгIай Республика Хоржамий комиссен къахьегамах болча, «Интернет» сете чуоттабеча хоама перечень а цунна тIакхачара аргIа а д1ач1оаг1ъю, ГIалгIай Республика Хоржамий комиссен соцамца.
8. ГIалгIай Республике гIолларча сага бокъонех волча Уполномоченне къахьегамах бола, «Интернет» сете чуоттабеча хоама перечень дIачIоагIъю, ГIалгIай Республика гIолларча сага бокъонех волча Уполномоченне амалтаца.
9. ГIалгIай Республика гIолларча предпринимателий бокъонех волча Уполномоченне къахьегамах бола, «Интернет» сете чуоттабеча хоамех йола перечень дIачIоагIъю, ГIалгIай Республике гIолларча, предпринимателий бокъонаш лораяра волча Уполномоченне амалтаца.
10. Паччахьалкхен органий къахьегамах болча хоамий перечень дIачIоагIъеча хана, хоам Интернет» сете чуоттабара хан-йовкъаш белгалъю, дийллача данней кепе чуоттабу хоам ца лаьрх1ача, из кердабаккхара хан-йовкъаш, цунца хоамах пайда эцараша шоай бокъонаши законни лоIамаши ханнахьа кхоачашде а лораде а аьттув хургболаш, иштта белгалбаь хоам чуоттабара кхыдола дIадехараш.

Статья 7. Паччахьалкхен коллегиальни органий кхечатенашка а иштта ГIалгIай Республика паччахьалкхен органий коллегиальни органий кхетаченашка а хилар

Паччахьалкхен коллегиальни органаша кхоачо ю, гражданаш (физически лицаш), цу даькъе организацей (юридически лицай), юкъарлен объединеней, Российски Федераце паччахьалкхен Iаьдала органий, Российски Федераце субъектий паччахьалкхен Iаьдала органий, паччахьалкхен органий а моттигерча шедоалдара органий а викалаш шоай кхетаченашка хилийтара, хIаьта кхыйолча паччахьалкхен органаша – шоай коллегиальни органий кхетаченашка хилар. Белгалбаь нах цу кхетаченашка хилар кхоачашду, паччахьалкхен органий регламенташца е ГIалгIай Республика боарама бокъон акташца нийса.

Статья 8. ГIалгIай Республика паччахьалкхен органий къахьегамах бола хоам хьабаларах мах баккхар

1. ГIалгIай Республика паччахьалкхен органий къахьегамах бола хоам хьабаларах мах боаккх, нагахьа санна, из хьабийха хилча, хьабийхача а хьаийцача а хоама боарам, федеральни законодательствос мах боацаш дIабала белгалбаьча боарамал совнагIа хилча. Мах баккхара аргIа дIаоттаю федеральни законодательствос.
2. Нагахьа санна укх статьяй 1 даькъо белгалъяча моттиге, хоамах пайда эцачо мах дIалу, хьадехача документий а (е) материалий а копеш хьадарах, иштта уж почте гIолла дIадахьийтарах хиннача расходашта а.
3. Паччахьалкхен Iаьдала органий къахьегамах бола хоам дIабаларах хьаийца ахчаш, ГIалгIай Республика республикански бюджете дIадахьийта деза.
4. Хоам дIабеннача паччахьалкхен органо, цу тIа нийса доаца сведенеш хилча, из деккарийла я, мах боацаш, хоамах пайда эцачун йоазон заявленех, из оттаме хиларах кхоачамбоацараш дIадаха.

Статья 9. ГIалгIай Республика паччахьалкхен Iаьдала органий къахьегамах бола хоам тIакхоаче хилийтара тIахьожам лоаттабар

1. ГIалгIай Республика паччахьалкхен Iаьдала органий къахьегамах бола хоам, тIакхоаче хилийтара тIахьожам лоаттабар кхоачашду паччахьалкхен органий кулгалхоша.
2. ГIалгIай Республика паччахьалкхен Iаьдала органий къахьегамах бола хоам тIакхоаче хилийтара, тIахьожам лоаттабара аргIа дIаоттаю, паччахьалкхен органий боарама бакъон акташца.

Статья 10. ГIалгIай Республика паччахьалкхен органий къахьегамах болча хоама тIакхачара бокъо толхаярах бола бехктокхам

ГIалгIай Республика паччахьалкхен органий даржера нах, паччахьалкхен граждански служащеш, паччахьалкхен органий къахьегамах болча хоама тIакхачара бокъо толхаярах бехке хилча, бехктокхаме овтт Российски Федераце законодательстваца нийса.

Статья 11. Ер Закон низаца чIоагIдалара аргIа

Ер Закон низаца чIоагIденна болх бе долалу, ер официально кепатеха итт ди чаккхдаьннача дийнахьа денз.

ГIалгIай Республика
Мехкда Келаматнаькъан М.М.
г. Магас
2019 шера 5 ноябре
№ 37-рз
———————————————————————-

ГIАЛГIАЙ РЕСПУБЛИКА

ЗАКОН

ГIалгIай Республика бюджета, ГIалгIай Республика бюджета дефицита гIонна, федеральни бюджетера бюджетни кредит даларах долча ГIалгIай Республикаи Российски Федераце финансай министерстванеи юкъе Барт барашта 2015-2017 шерашка СовнагIа барт бараш дIачIоагIдара хьакъехьа

ТIаийцад
ГIалгIай Республика
Халкъа Гуллама 2019 шера 31 октябре

Статья 1
ДIачIоагIде укх Законаца, ГIалгIай Республика бюджета, ГIалгIай Республика бюджета дефицит дIаяккхара гIонна, федеральни бюджетера бюджетни кредит даларах долча ГIалгIай Республикаи Российски Федераце финансай министерстванеи юкъе Барт барашта 2015-2017 шерашка СовнагIа барт бараш, Российски Федерацена хьалхашка долча декхарашта (ахчан декхарашта) бюджетни кредитех реструктуризаци елга белгалдеш:
1) 2015 шера 15 июлерча №01-01-06/06-106 йола, СовнагIа барт бар №5 йола ГIалгIай Республика бюджета, ГIалгIай Республика бюджета дефицит дIаяккхара гIонна, федеральни бюджетера бюджетни кредит даларах долча Барт бара тIатоха;
2) 2015 шера 22 декабрерча №01-01-06/06-259 йола. СовнагIа барт бар №5 йола ГIалгIай Республика бюджета, ГIалгIай Республика бюджета дефицит цхьа дакъа дIаяккхара гIонна, федеральни бюджетера бюджетни кредит даларах долча барт бара тIатоха.
3) 2016 шера 9 ноябрерча №01-01-06/06-245 йола, СовнагIа барт бар №4 йола, ГIалгIай Республика бюджета, ГIалгIай Республика бюджета цхьа дакъа дIаяккхара гIонна, федеральни бюджетера бюджетни кредит даларах долча барт бара тIатоха;
4) 2016 шера 16 декаберча №01-01-06/06-268 йола, СовнагIа барт бар №4, ГIалгIай Республика бюджета, ГIалгIай Республика бюджета дефицит дIаяккхара гIонна, федеральни бюджетера бюджетни кредит даларах долча барт бара тIатоха;
5) 2017 шера 7 декабрерча №01-01-06/06-306 йола, СовнагIа барт бар №4 йола, ГIалгIай Республика бюджета, ГIалгIай Республика бюджета дефицит цхьа дакъа дIаяккхара гIонна, федеральни бюджетера бюджетни кредит даларах долча барт бара тIатоха.

Статья 2
Ер Закон низаца чIоагIденна болх бе долалу, ер официально кепатехача дийнахьа денз.

ГIалгIай Республика
Мехкда Келаматнаькъан М.М.
г. Магас
2019 шера 5 ноябре
№ 38-рз
————————————————————————

ГIАЛГIАЙ РЕСПУБЛИКА

ЗАКОН

«Г1алг1ай Республика доазон т1а гражданаша, шоай г1улакха дахчаш 1алашъяра арг1ах а боарамех а, дахчан доаца хьун рузкъаш гулдара а 1алашдара а арг1ах, хьунаг1ара кхачан рузкъаш гулдара арг1ах а, дарбан баьцаш гулъяра араг1ах а» долча Г1алг1ай Республика Закона хувцамаш юкъедахьара хьакъехьа

Т1аийцад
Г1алг1ай Республика
Халкъа Гуллама 2019 шера 31 октябре

Статья 1
«Г1алг1ай Республика доазон т1а гражданаша шоай г1улакха дахчаш 1алашъяра арг1ах а боарамех а, дахчан доаца хьун рузкъаш гулдара а 1алашдара а арг1ах, хьунаг1ара кхачан рузкъаш гулдара арг1ах а, дарбан баьцаш гулъяра араг1ах а» долча Г1алг1ай Республика 2008 шера 11 апрелерча №1-РЗ йолча Закона (газет «Г1алг1айче», 2008, 29 апреле;2011, 8 феврале) юкъехьо 1обелгалдаь хувцамаш:
1) 3 статье дешаш «Г1алг1ай Республика хьун боахамах йолча комитете д1ахо -Комитет» хувца дешашца «Г1алг1ай Республика 1аламан ресурсехи экологехи йола министерство (д1ахо-Министерство)»;
2) 4 статье дош «Комитет» хувца дешаца «Министерство»;
3) 5 статье дош «Комитет» хувца дешаца «Министерство»;
4) 8 статье дош «Комитет» хувца дешаца «Министерство»;
5) 11 статьяй 1 даькъе:
а) дешашта «цунца лоарх1аш» т1ехьа т1атохар де дешашца «йокъаенна 1олийга дахчаш»;
б) дешашта «корсаш йолча фух йола» т1ехьа т1атохар де дешашца «кердача шера ц1айшта лаьрх1а»;
6) 12 статьяй 3 даькъе дош «Комитето» хувца дешаца «Министерствос».

Статья 2
Ер Закон низаца ч1оаг1денна болх бе долалу, ер официально кепатехача дийнахьа денз.

ГIалгIай Республика
Мехкда Келаматнаькъан М.М.
г. Магас
2019 шера 5 ноябре
№ 39-рз
————————————————————————

ГIАЛГIАЙ РЕСПУБЛИКА

ЗАКОН

«Лаьттан юкъ-моттигаш д1а-хьа нийсъярах» долча, Г1алг1ай Республика Закона хувцамаш юкъедахьара хьакъехьа

Т1аийцад
Г1алг1ай Республика
Халкъа Гуллама 2019 шера 31 октябре

Статья 1
«Лаьттан юкъ-моттигаш д1а-хьа нийсъярах» долча 2007 шера 14 декабрерча №50-РЗ йолча Г1алг1ай Республика Закона (газет «Сердало», 2007, 22 декабре; 2009, 15 декабре; газет «Г1алг1айче», 2010 17 июне; газет «Сердало», 2011, 15 январе; газет «Г1алг1айче», 2011, 6 октябре; 2013, 7 ноябре; 2014, 8 ноябре; Официальни бокъон хоама интернет-портал (www.pravo.gov.ru), 2015, 1 июне; 2016, 6 мае, 2 июне; газет «Г1алг1айче», 2016, 29 ноябре; 2018, 29 декабре) юкъехьо 1обелгалдаь хувцамаш:
1) 5 статьяй 4 даькъе:
1 пункт ший низ д1абаьнна ларх1а:
3 пункте дешаш «Ца1 йола, д1а-хьа хьош доацача рузкъан а цунца сделкаш яра а бокъонех йолча паччахьалкхен реестра» хувца дешашца «Ца1 йолча д1а-хьа хьош доацача рузкъан паччахьалкхен реестра»;
2) 6 статьяй 3 даькъа 11 пункте деша «сервитут» т1ехьа т1атохар де дешашца «, доалахьа сервитут»;
3) 16 статья укх редакце д1аязъе:
«Статья 16. Наьха доалахьа долча лаьттан даькъах цхьан боараме пайда эцар (сервитут, публични сервитут)
1. Сервитут д1аоттаю граждански законодательстваца нийса, х1аьта паччахьалкхен е муниципальни доалахьа долча лаьттан даькъа хьакъехьа, Российски Федераце Лаьттан кодекса V.3 керто белгалъяьча башхалоний терко еш.
2. Сервитут оттае йиш я паччахьалкхен 1аьдала кхоачашдара органа е моттигерча шедоалдара органа соцамах, паччахьалкхен е муниципальни эшача г1улакхашта, иштта моттигерча бахархошта эшарашта а лаьттан дакъа хьа ца доаккхаш (публични серпвитут).
3. Публични сервитут оттаю Российски Федераце Лаьттан кодексаца нийса. Публични сервитут оттаярах, кхоачашъярахи соцаярахи хьахинна бокъон юкъ-моттигашка, Российски Федераце сервитутах долча Граждански кодекса положенейх, Российски Федераце Лаьттан кодекса V.3 керта положенейх пайда эцац.
4. Публични сервитут оттаю декхарашта:
1) лаьттан даькъ т1а г1олла г1аш е транспортаца д1а-хьа вахара, цу даькъе гражданаш духьале йоацаш, юкъара пайда эцача хин обьекта, цун берда йистошка т1акхача аьттув балара;
2) лаьттан даькъ т1а межевой знакаш, паччахьалкхен геодезически сетей геодезически пункташ, нивелирни пункташ оттае а царна т1аваха аьттув хилийта а;
3) лаьттан даькъ т1а дренажни балхаш д1адахьа;
4) хин обьекташкара а хий молачара а хин ресурсаш хьаэца (хьалдаха);
5) лаьттан даькъ т1а г1олла юртбоахама хьайбаш д1а-хьа лехка;
6) йол хьакха, юртбоахама хьайбаш доажаде, оттаяьча арг1анца нийса, моттигерча 1адаташцта а хьалашта а нийса д1оахал оттадаьча хан-йовкъашка, лаьттан доакъош т1а;
7) лаьттан даькъах чарахьал де, чкъаьрий лувцара, аквакультура (чкъаьрий кхедара) пайда эцара;
8) лаьттан даькъах укх Кодекса 3937 статьяс белгалдаьча декхарашта пайда эцар.
5. Публични сервитут оттаяр могаду цхьан е массехк лаьттан доакъошта а (е) лаьтташта а.
Лаьттан дакъа сервитутаца, публични сервитутаца халонга даккхарах, цу тайпарча лаьттан даькъа бокъо йолчунгара д1аяккхац, из доалахьа хилара а (е) доал дара бокъонах.
6. Публични сервитутаца, халонга даьккхача лаьттан даькъа бокъонаш кхычунга ялар, публични сервитутаца халонга даьккха паччахьалкхен е муниципальни доалахьа, гражданий е юридически лицай доалахьа дола лаьттан дакъа д1адалар к1ийле хинна оттац, публични сервитут соцаяра а (е) из кхоачашъяра условеш хувцара а.
7. Сервитута хан-юкъ белгалъю оаг1онаша баьча бартаца. Паччахьалкхен е муниципальни доалахьа долча лаьттан даькъа сервитута хан-юкъ белгалъю, Российски Федераце Лаьттан кодекса 3924 статьяй 4 пунктаца белгалдаь бехкамаш теркаме а эцаш.
Публични сервитута хан-юкъ белгалъю, из оттаярах болча соцамца.
Паччахьалкхен е муниципальни эшарашта резервировать даьча лаьттай доазонца долча, лаьттан даькъа хьакъехьа йолча сервитута, публични сервитута хан-юкъ, дукхаг1а хила йиш яц, цу тайпара лаьтташта резервировани яьча хан-юкъал.
8. Сервитут, публични сервитут д1аоттае а кхоачашъе а еза лаьттан даькъах пайда эцар, к1езигах халонга хургдолаш, цунах пайда эцара целевой декхарга а пайда эцара мукъа баларга а хьежжа.
9. Юртбоахама лаьттаех долча лаьттай а лаьттан доакъой а хьакъехьа сервитут, публични сервитут оттаяр кхоачашду, лаьттаех овсаре пайда эцара коачо яра терко еш.
10. Нагахьа санна лаьттан даькъ т1а Российски Федераце Лаьттан кодекса 3937 статьяй 1 подпунктаца белгал ма дарра обьект оттае, Российски Федераце Лаьттан кодекса 3944 статьяй 1 пункта 4 подпунктаца белгалъяьча хан-юкъал совнаг1а пайда эца мукъа балара боараме пайда эцар кхоачашде е цох пайда эцара аьттув, нонаг1о халонга баьнна хилча, белгалъяь г1ишло гражданина е юридически лицон лаьттан даькъ т1а оттаяр, публични сервитута условешца кхоачашдац. Цу моттиге белгалъяь г1ишло хьалъяр кхоачашде йиш я лаьттан дакъа паччахьалкхен е муниципальни эшарашта хьадаьккхачаул т1ехьаг1а, Российски Федераце Лаьттан кодекса 49 а 563 статьяша белгалъяь условеш лора а еш.
11. Сервитут, публични сервитут оттаярца, ший хьакъехьа къахьегам лаьттан даькъ т1а д1абахьар кхоачашде могаду, цун целевой декхарашка а пайда эцара мукъа баларга а хьежжа а доацаш, цу тайпара къахьегам д1абахьар белггалча зонай, лаьттай а доазоний доазонашца оттама боараме мегийташ доацалга ца лаьрх1ача.
12. Сервитутаца халонга даьккхача лаьттан даькъа бокъо йолчун бокъо я, сервитут шоай ло1ама декхарашта оттаяьча нахагара хьакъ дола мах хьабеха, нагахьа санна кхыдар Российски Федераце Лаьттан кодексо е федеральни законо оттадаь деце.
13. Нагахьа санна публични сервитут оттаярах лаьттах пайда эцара нонаг1о халонаш хилча, цун бокъо йолаш вар, бокъо йолаш ва, публични сервитут оттаяьча паччахьалкхен органагара е моттигерча шедоалдара органагара, хьакъ дола мах хьабеха, нагахьа санна кхыдар Российски Федераце Лаьттан кодексо оттадаь деце.
14. Публични сервитут оттаяр шоай бокъонехи законни ло1амехи хьокхалуш бола нах, шоай бокъонаш судебни арг1ах лоарае йиш йолаш ба.
15. Ца1 йолча д1а-хьа хьош доацача рузкъан паччахьалкхен реестре, сервитутаца халонга доаккхача лаьттан доакъоех а (е) цу тайпарча лаьттан доакъой оттаме доазоний координатех дараш, цу тайпарча лаьттан доакъой бокъонех бола къовсам латтар, духьале хинна оттац публични сервитут оттаяра.
16. Лаьттан даькъ т1а халонаш яр аьнна духьале хилац цу лаьттан даькъа публични сервитут оттаяра, нагахьа санна лаьттан даькъах хьалхаг1а оттадаь бехкамаш хинна моттигаш ца лаьрх1ача, публични сервитуто мегийташ дац къахьегам д1абахьар, цун кхоачо е публични сервитут оттаяь хиларца.
17. Сервитуташта паччахьалкхен регистраци е еза «Д1а-хьа хьош доацача рузкъанна паччахьалкхен регистраци ярах долча» Федеральни законаца нийса, Российски Федераце Лаьттан кодекса 3925 статьяс белгалъяь сервитуташ ца лаьрх1ача. Публични сервитутех дола сведенеш юкъехьу Ца1 йолча д1а-хьа хьош доацача рузкъан реестре.
18. Лаьттан доакъой а (е) лаьттай публични сервитут оттаяр Российски Федераце Лаьттан кодекса 3937 статьяс белгал ма дарра, пайда эцара арг1а, публични сервитута хан-юкъ, из кхоачашъяра условеш, цу сервитутах мах балара арг1а д1аоттаю Российски Федераце Лаьттан кодекса V.7 кертаца.
19. Автомобильни наькъаш хургдолча моттига доазонца долча лаьттан доакъой сервитут, публични сервитут оттаяра башхалонаш д1аоттаю, «Российски Федераце автомобильни наькъех а, наькъа къахьегамах а, Российски Федераце къаьстача законодательни акташта хувцамаш юкъедахьарах а долча», 2007 шера 8 ноябрерча №257-ФЗ йолча Федеральни законаца.
4) 201 статье:
а) 3 даькъе:
хьалхарча абзаце дешаш «инвестиционни проект» хувца дешашца «инвестиционни проект»;
2 пункт ух редакце д1аязъе:
«2) инвестиционни проект белгалъяь я, инвестораи Г1алг1ай Республика инвестиционни политиках уполномоченни йолча органаи юкъе оттабаьча инвестиционни барт барца, цунца белгалду г1ишлош хьалъяр, уж хьалъяро, из ший доазон т1а йолча муниципальни образоване 150-нел к1езигах йоаца балха моттигаш 1алашъергйолаш а (е) арг1а йолча муниципальни образоване доазон т1а хьаэца налогаш 3 миллион сомал к1езигах хургйоацаш совъяргйолаш.»;
4 пункт ший низ д1абаьнна ларх1а;
б) т1атохар де ер чулоацам болча 4 даькъаца:
«4. Социально-культурни а коммунально-бытовой декхарашта, оттаяь йоккха инвестиционни проекташ, укх статьяс белгалъяьча критерешта нийса йий хьажар кхоачашду, Г1алг1ай Республика инвестиционни политиках уполномоченни йолча органо.
Социально-культурни а коммунально-бытовой декхарашта оттаяь йоккха инвестиционни проекташ, укх статьяс белгалъяьча критерешта нийса йий хьажара арг1а д1аоттаю, Г1алг1ай Республика Правительствос.».

Статья 2
Ер Закон низаца ч1оаг1денна болх бе долалу, ер официально кепатехача дийнахьа денз.

ГIалгIай Республика
Мехкда Келаматнаькъан М.М.
г. Магас
2019 шера 5 ноябре
№ 40-рз

Добавить комментарий

Ваш e-mail не будет опубликован. Обязательные поля помечены *