Паччахьалкхен Думе лерхI пенси баха ха гарга гIартарашта 10 млрд хьожаде

Паччахьалкхен Думе оттадир 2020-2022 шерашка федеральни бюд-жеташ тоаер. Цу гIулакха регионашка хьожадир 10,2 млрд, 50 шера тIехь баьннача бахархошта йола образовательни программашта лаьрхIа. Из болх болабир «Демографи» яхача къаман проектах.

ХIара шера хьожаде лаьрхIар 3,4 млрд. Эггара дукхагIа хьаэцаргдар я Краснодарски край — 153,4 млн, яхаш хоам бу «Известес». Изданес белгал-дечох, цу регионе 375 эзар пенси баха ха гарга ераш ба, царех болх бераш — 200 эзар гаргга саг ва. Къахьегам министерствас яхачох, болх бе моттиг лохаш бола ха яха бахархой йиш хургъя центр занятости тIа а баха, кхы а образовани эца. ШоллагIа даькъе, ведомстве яхачох, болх хьалушволчун таро хургъя, ший дIадахар юха метта а оттадергдолаш, пенси баха ха йола нах Iомабе. 50 шерал совгIа ха яьнна РФ бахархошта хетаяь образовательни про-граммаш цхьа дакъа да «демографи» яхача къаман проекта йолча «ЙоккхагIа ноахал» яха федеральни программи. Цу программа шер-шера 5 млрд дIаахийта лаьрхIад, царех 3,4 регионашта субсиден хьожадергда. Юхедисар хьожаду профессиональни сообществаш дегIайоалаеча агенстван «Къона профессионалаш» яхача союза бюджета.

Добавить комментарий

Ваш e-mail не будет опубликован. Обязательные поля помечены *