ГIАЛГIАЙ РЕСПУБЛИКА ЗАKOH

«Г1алг1ай Республика Халкъа Гуллама депутаташ харжарах» долча Г1алг1ай Республика Закона 57 статье хувцамаш юкъедахьара
хьакъехьа

Т1аийцад
Г1алг1ай Республика
Халкъа Гуллама 2020 шера 18 июне

Статья 1
«Г1алг1ай Республика Халкъа Гуллама депутаташ харжарах» долча, 2007 шера 13 ноябрерча №40-РЗ йолча Г1алг1ай Республика Закона (газет «Г1алг1айче», 2007, 17 ноябре; 2009, 23 июне; 2011, 16 апреле, 7 июне, 9 июле, 18 августе, 24 ноябре; 2013, 12 январе, 31 августе; 2014, 8 ноябре; 2015, 2 апреле, 9 июне, 29 декабре; 2016, 16 апреле; Официальни бокъон хоама интернет-портал (www.pravo.gov.ru), 2016, 24 мае; интернет-газет «Г1алг1айче» (www.gazetaingush.ru), 2019, 11 марте) 57 статье юкъехьо 1обелгалдаь хувцамаш:
1) 2 даькъа 1 пункт укх редакце д1аязъе:
«1) хоржамий объединене доалахьа дола средстваш, хоржамий объединене хоржамий фондера яьча ерригача расходел совнаг1а хила йиш яц, укх Законо отта ма дарра;»;
2) 3 даькъе таьрахь «6» хувца таьрахьаца «20».

Статьи 2
Ер Закон низана ч1оаг1денна болх бе долалу,, ер официально кепатеха итт ди чаккхдаьннача дийнахьа денз.

Г1алг1ай Республика
Мехкда Келаматнаькьан М.М.

Maгас
2020 шера 23 июня

№ 16-РЗ

Г1АЛГ1АЙ РЕСПУБЛИКА
ЗАКОН

Г1алг1ай Республика доазон т1а тхьамка ца доалла, г1ир йола продукци, тхьамка озар санна долча куцех эргаш пайда эцар
дехкара хьакъехьа

Т1аийцад
Г1алг1ай Республика
Халкъа Гуллама 2020 шера 18 июне

Статья 1
Укх Законо, граждански вахара а могашал лораяра а йола бокъо лораеш д1аоттаду, Г1алг1ай Республика доазон т1а тхьамка ца доалла, г1ир йола продукци тхьамка озар санна долча куцех эргаш пайда эцар дехкара декхарашта.

Статья 2
Укх Законо декхарашта пайда эц укх кхетамех: тхьамка ца доалла, г1ир йола продукци-г1ир йола, моллаг1ча а куцашца пайда эцаш лелаеш йола продукци (Российски Федераце законодательстваца нийса регистраци яь тхьамка доалла изделеш а дарбан средстваш а ца лаьрх1ача).

Статья 3
Тхьамка ца доалла, г1ир йола продукци лелаяр (хьаяр, чакхъяккхар, лораеш уллаяр, д1а-хьа яхьар, д1а-хьа яхьийтар, маьхала яккхар, д1а-хьа нийсъяр, 1алашъяр, пайда эцар), из тхьамка озарал эргаш долча куцашца пайда эцаш лелаяр, Г1алг1ай Республика доазон т1а дийхка да.

Статья 4
Укх Законо д1адехараш толхадарах бехктокхам хул, «Г1алг1ай Республика доазон т1а къаьста зуламаш дарах административно бехктохкамах» долча Г1алг1ай Республика Законо отта ма дарра.

Статья 5
Ер Закон низаца ч1оаг1денна болх бе долалу ер официально кепатеха итт ди чаккхдаьннача дийнахьа денз.

Г1алг1ай Республика
Мехкда Келаматнаькъан М.М.
г. Магас
2020 шера 23 июня
№ 17-РЗ