Къаманна эшаш вар из

Укх шера 65 шу дузаргдар Оздоев Ислама Iамархана, бакъда нийсса пхи шу ха я из вайца воаца. Ший кховзткъа шу даьннача хана, массанена дукха везаш хинна иллиалархо бакъдунен чу дIавахар. Хала хет, новкъа да цун вахар сов лоаца хинна, Iоажал соцае халкъа низ кхоачаш хилча, Iамархан хIанз а вахаш хургвар. Цо хьабенача новкъа дика лар мара хиннаяц, дIахо ваьхача а цох пайда баргбар аьнна хет духхьал вай зIамигача ГIалгIайченна баьнна ца Iеш, берригача вай боккхача мехка. Ислама Iамархан кхалхав 2015-ча шера. Тахан вай цунна дергдолаш дола эггара доккхагIдола дика да, из дагавоагIаш хилар, хьоахавеш, сий деш хилар. оздоев ваь хиннав 1955-ча шера Буро тIа. Цига дIайолаеннай цун дешара юхьиг, тIаккха Минеральные Воды оалача шахьар тIа деш цо школа яккхалца. Ший оаз дика дIайодилга ховш вола зIамига саг деша отт цигарча ашарий училище, из нийсделар 1972-ча шера. Кхы а цхьа шу даьлча, эскаре амал де вода, Бакурча округе лаьттача фецарча низашта духьаллаттача бIухой мугIаре волаш. Эпсара дарж долаш чакхдоаккх цо ший тIема гIулакх, бухсоццаш цох хул капитан. Iамархан хьинар долаш саг хинначох тара ва, шийна карагIдаьнначох кхоачам баь ца Iеш, даим кердача лакхаленашка кхача гIерташ никъ баьб цо, Къилбаседа Кавказера ваьнна Гаьнарча Малхбоале кхаччалца. Ший ткъо шу даьннача заман чухь (1975) Хабаровск оалача шахьар тIарча искусствай училищен иллиалархой отделене деша отт вай мехкахо. Цигара дийша ваьлча, ше Iомадаьр кIоаргдеш, поалхам йолча нахаца оагIув буллаш, 1979 шера Хабаровскерча ашарий театре болх бе дIаволалу из. дIахора цун кхел цхьан юкъа ювзаенна хул Владивосток оалача гIалаца. ХIанз из деша отт цигарча хьехархой институте, иллеш доахача наьха говзал Iомае дагахьа. ВорхI шера (1990-1997) шерашка къахьег Хабаровскерча ашарий театре, ховш ма хиллара цхьацца оперни спектаклашка дакъа лоацаш хиннав из цу хана а цул тIехьагIа а. Цунца болх беш хиннай, из ше санна хоза илли доаккхаш, тамашийна оаз Къаманна эшаш вар из ков ИбрахIима, кхычар. Бакъда Iамархана, сона хеташ, массарел дикагIа аьннадар из. Цох тамаш елга а дац, оперни иллиалархочунна говзал Iомаеш итташ шераш даьхача, ше а нах Iомабеш волча сагага кхоачалургбац цу гIулакха эша лаьрххIа дешар дийша а из болх баь а боаца нах. Цудухьа дар из илли оздоева оазага товш а къаьстта хоза декаш а. Ховш ма хиллара, осмиев Хьамзата из байт язъяь хиннай вай Сибре дигарах лаьца. Массехк мугI дагабохийтаргба аз шоана: Мехках ваьнна, арахьа лелаш, МоллагIа хIама дайча, Се цу мехка волаш санна, Даьймохк дагаухар сона. йола цун фусам-нана Мизерная Татьяна. Волгоградерча ашарий театре къахьега хьех уж шаккхе а, дIахо Ислама Iамархан ший даьймехка кхоач. Наьсарерча оперни студе болх беш, дуккхача вайцига хулача концерташка дакъа лоац дезала дуэто (2001- 2004). Сона хезачох, Магасе квартира а еннаяр царна. Цу хана воагIаш-водаш хийла бIаргаго йиш яр иллиалархо Магасе а Наьсаре а. Куц-сибат эздийча сага долаш вар из, цу сахьате зе йиш йолаш дар из лакхара культура йолча наха юкъе кхувш венилга, цхьа моллагIа вола мугIарера саг воацилга, хIаьта цунца вIалла куралах-сонталах хIама доацаш санна хеталора. Цо вайцига къахьегаш яьккхача хана, моттигерча иллиалархошта цхьацца гIо-новкъостал ду цо ший хьехамашца, хIана аьлча цу хана из духхьал иллиалархо хинна ца Iеш, хьехархо а вар. 2003 шера оздоевна лу «ГIалгIай республикан халкъа артист» яха цIи. арахьа волча хана а ший къам дагадоагIаш, цунна пайдане хургдар де гIерташ хьавоагIа из. Масала, 2005 шера цо вIашагIйолл «ГIалгIайче» яха Волгоградера юкъарло, цун керте латташ дикка ха а йоаккх. Из болх цо тарбора Волгоградерча музыкальни комеде театра артиста гIулакхаца. Хьехархо хиларах тарра, цигарча искусствайи культурани паччахьалкхен институте къа а хьегар Iамархана, иллиалархой къона ноахалаш кхедеш. ХIаьта 2010-ча шера денз, оздоев вар вай республикан президента Волгоградски областе гIолла вола викал. духхьал вай мехка яйза ца Iеш, цун оаз, иллиалархочун говзал йовзаш яр доазол арахьарча мехкашка а. Из ше а вар каст-каста дунен бе-беча мехкашка водаш, балхаца дувзаденна кердадараш, деза-доккха дараш довза гIерташ, Iомадеш, балха тIа царех пайда эцаш. Масала, Ислама Iамархан хиннавар СШа, Японе, Итале, Корее, Китае, Швейцаре, Германе. Вай мехкарча йоккхийча шахьарашка хезаяр цун оаз. дукхагIйолча хана концерташка цо иллеш доахар ший вахара а балха а новкъост йолча Мизернаяйца. Ше Волгоградерча театре яьккхача хана, цо дакъа лаьцад дунен йовзаш йолча оперни спектаклашка. Цо ловзаяьй альфреда («Травиата»), Паччахьа Густава III-чун («Бал-маскарад»), Базилио («Фигарос саг йоалаяр»), Эдвина («Сильва»), данилай («Сакъердаме жеро»), айзенштейна («Iимаьшк»), иштта кхычар йовхьамаш. ГIалгIай меттала дIааьнна, сона дагадоагIаш, цхьа илли дар цун. Из дар осмиев Сосе Хьамазата байт ларде улла «даьймохк дагаухар сона» яха илли. Из илли цул хьалха дIааьннадар дуккхача иллиалархоша: Медов Мустафас, Наурбиев руслана, БеКIайча боамбе аргIаш санна, Сайса морхаш яйча, Царех нана-лоамаш хийте, Даьймохк дагаухар сона. Баь тIа даьржа жаIул санна, Лакхе седкъий дайча, Наьсаренгахьа уйла лесте, Даьймохк дагаухар сона. Къонах, кхалсаг е бер денна, Iаьржа таьзет дайча, Наьна из боарз духьалъэтте, Даьймохк дагаухар сона…» Из илли дIаяздеча хана, Iамархан бокъонца цун деррига дешаш дагахьа Iомадаь вацар, цудухьа бедоаллаш каьхат долаш, цу тIара Iо а дешаш, даьккхадар цо из гIайгIане илли. Цхьа хIама новкъа да, цхьаннахьара, кхыметтел интернета чура, цо дIаоалаш дола из илли лаха маганзар сона. айса харцахьа лехадий-м хац сона. ладувгIа безам болча сага атта корадоагIаргдолаш, из цу чу латташ хилча дика хургдар аьнна хеталу. Иштта дагахьа висав сона а дуккхача вай мехкахошта а башха иллиалархо оздоев Ислама Iамархан. Къаман ашарий вахаре хоза оагIув йитай цо шийна тIехьа. АРчАКОв С.