Наха салоIам хургболаш

Укх деношка, ГIалгIайчен керттера шахьар йолча Магасе цIай вIашагIкхетар дIадихьар мехка бахархошта а хьаьшашта а лаьрхIа. ГIалгIайчен туризмах йолча комитетои шахьара администрацеcи вIаштIехьадаккхарца дIадихьар из цIай Магасерча бIаь метр лакха йолча гIала хьалхашка. Мехка бахархой а, хьаьший а, туристаш а хилар культура даькъе долча вIашагIкхетаре саъердаш, керда хIама Iомадеш.

ВIашагIкхетара доакъашхошта лаьрхIа мастер-класса оттайир ГIалгIайчен ремесленникай ассоциаце викалаша, берашта лаьрхIа хьаькъала ловзараш хьекхар. Иштта доакъашхошта лаьрхIа кийчъяь говр хахка йиш йолаш моттиг яр «Дикая дивизия» яхача тоабо, дIахо Iадсаькх кхосса а, из кхоссара гIулакхаш Iомаде а аьттув баьлар гулбенначар. ВIашагIкхетара доакъашхошта хьалхашка гIалгIай къаман даар оттадаьдар шийна ловчо чам баккха а даа а йиш йолаш.
«Укх тайпара вIашагIкхетараш хIара кIира де лаьрхIа да тхо, мехка бахархошта пайда болча гулламашка вIашагIбеттабала аьттув хургболаш. Из доацаш вай мехка хьаухаш болча туристашта а го керда хIама хургда Магасерча лерхIам болча моттиагашка хьабаьхкача», – йоах ГIалгIайчен туризмах йолча комитета кульгалхочо Мизенаькъан Беслана.
Магасера 100 метр лакха йола гIала хьалхара бIаргаяйна нах бар гулбеннарашта юкъе. Уж ба арахьара табаьхка а, тамаш елла дале а ГIалгIай Мехкара а нах. Геттара тамаш еш, хIара оагIон шоай тайпара зем боаккхаш хьежар хьалхара гIалгIай гIала бIаргаяйнараш. ХIаьта Магасе хинна сакъердаме вIашагIкхетар, шахьара тамашийна хозал интернета шоай оагIошка дувца лаьрхIа бар мехка хьаьший.

Матенаькъан Илез