Перейти к основному содержанию
ГIалгIай Республик Закон № 2-рз 2023 шера наджгоанцхой бетта 10 ди

ГIалгIай Республика доазон тIа хий диллареи хий къоастадареи даькъе йолча льготни тарифий хьакъехьа

ТIаийцад ГIалгIай Республика Халкъа Гуллама 2022 шера оагIой бетта 29 ди

Статья 1. Укх Закона дIа-хьа нийсду предмет

Укх Законо «Хий дилларахи хий къоастадарахи долча», 2011 шера оагIой бетта 7 дийнахьарча № 416-ФЗ йолча Федеральни законаца нийса, гражданаша хий далареи хий къоастадареи коммунальни услугех луча маьха индексаш лакх ца ялийтар духьа (дIахо иштта — коммунальни услугаш), белгалбу хий диллареи хий къоастадареи даькъе льготни тарифий бокъо йола нах (дIахо — льготни тарифаш), оттаю льготни тарифаш ялара кIийленаши шийла хий диллара а хий къоастадара а йолча организацей (дIахо — ресурсаш дIалу организацеш), льготни тарифаш оттаярах дIадувла пайдаш меттаоттадара аргIеи дIаоттаю.

Статья 2. Укх Законе пайда эца керттера кхетамаш

Укх Закона декхарашта пайда эц, Iобелгалдаьча кхетамех:
1) хий дилларахи хий къоастадарахи мах балара йола льготаш (дIахо-льготаш) — къаьсттача пайда эцарашта совле ялар, хий дуллаши хий къоастадеши, царна хий диллари хий къоастадари льготни тарифех кхоачашдеш, кхыча пайда эцарашца дистача;

2) хий дилларца, хий къоастадарца льготни тарифаш — ГIалгIай Республика кхоачашдара Iаьдала, хий диллареи хий къоастадареи даькъе маьхаш (тарифаш) паччахьалкхен оттадара уполномоченни йолча органо, экономически оттаме болча боарамал лохагIа оттадар, хий диллареи хий къоастадареи даькъе;

3) тIехъйола (максимальни) индексаш — ГIалгIай Республика Мехкдас, ГIалгIай Республика муниципальни образованешка гIолла, аргIанарча финансови шера дIачIоагIъю, проценташца белгалъяь индексаш, коммунальни услугех гражданаша аьттув мел ба луча маьха боарам хувцаш, хий диллареи хий къоастадареи даькъе, дIадода финансови шу кхоачалуча ханага;

4) бахархошца нийса лаьрхIа пайда эцараш — дукха квартираш йолча цIеношта урхалдара организацеш, фусамаш доалахьа ярий товариществаш, фусама кооперативаш, лаьрххIа йола пайда эцара кооперативаш, кхыйола, бахархошта хий диллареи хий къоастадареи декхарашта коммуцнальни услугаш еш а юкъара пайда эцача моттигашка лостам беш а къахьега организацеш;

5) коммунальни услугех гражданаша луш болча маьха боарам лакхбалар — коммунальни услугех луш болча маьха боарам карарча финансови шера совбалар дIадахача шера, гражданаша коммунальни услугех дIадахача финансови шера дIабала оттабаь хиннача маьха боарамца бистача.
Укх Законе пайда эца кхыдола кхетамаш пайда эцаш леладу, Российски Федераце законодательствас а ГIалгIай Республика законодательствас а белгалдаь маIан долаш.

Статья 3. Льготни тарифий бокъо йола нах

Льготни тарифий бокъо я:
ГIалгIай Республика доазон тIа баха а бахаш, шоай доалахьа а (е) доалахьен бокъонца е кхыйолча законни кIийлен тIа пайда эцаш лелаеш нах чубаха фусам йола, хий диллареи хий къоастадареи даькъе коммунальни услугех пайда эца физически нах;

бахархошца нийса лаьрхIа пайда эцари категореш: дукха квартираш йолча фусамаш доалахьа ярий товариществаш, фусама-гIишлон кооперативаш, лаьрххIа йола пайда эцара кооперативаш е кхыйола урхалдара организацеш, е Российски Федераце Фусама кодексаца нийса цу тайпара йолга бакъдаь йола, бахархошта хий диллареи хий къоастадареи декхарашта коммунальни услугаш еш а юкъара пайда эцача моттигашка лостам беш а къахьегара услугаш дIаэцаш йола;

наймодателаш (е цар уполномоченни нах), Российски Федераце Фусама кодексаца нийса, цу тайпара йолга бакъдаь йолаш, гражданашта, лаьрххIча фусама фондашкара фусамаш дIалуш йола, бахархошта хий диллара а (е) хий къоастадара а декхарашта къахьегама услугаш дIаэцар.

Статья 4. Льготни тарифаш ялара бокъоний кIийленаш

1. Укх Закона 3 статье белгалбаьча наха льготни тарифаш ялара кIийле хинна латт, ГIалгIай Республика кхоачашдара Iаьдала, маьхаш (тарифаш) дIа-хьа нийсъяра йолча уполномоченни органа боарама бокъон акт, шийца льготни тариф оттаярах бола соцам а болаш.

2. Пайда эцарашта хий диллареи хий къоастадареи даькъе льготни тариф дIаоттаю, нагахьа санна ГIалгIай Республика муниципальни образоване доазон тIа, гражданаша луш бола мах лакхбелча, хий къоастадареи тарифах пайда а эцаш мах белча, гражданаша коммунальни услугех дIалуш долча ахчан боарам, къаьсттача муниципальни образованешка могабаьча тIехболча боарамал совбаьлча, ГIалгIай Республике белгалъяьча индексий боарамаца дистача, ГIалгIай Республике Мехкдас аргIа йолча хан-юкъа отта ма дарра, иштта экономически оттаме йолча тарифах, гражданаша ГIалгIай Республике гIолла юкъара хьаийцача коммунальни услугех луш бола ахчан боарам, Российски Федераце Правительствас дIачIоагIбаьчул совгIа хилча.

Статья 5. Ресурсаш дIалуча организацешта хьа ца хулаш биссача пайданна компенсаци яра аргIа

1. Ресурсаш дIалуча организацешта хьа ца хулаш биссача пайданна компенсаци яр кхоачашду, ресурсаш дIалуча организацешта субсидеш луш, паччахьалкхен доалахьен объекташта софинансировани яра, республикански бюджета средстваех капитальни вложенеш елга кхоачашде луш дола субсидеш доацаш (дIахо — субсидеш).

Бюджетни меттаоттаде дезаш да, ресурсаш дIалуча организацешта хьа ца кхоачаш дисса пайдаш, цар хий диллареи хий къоастадареи даькъе кхоачо еш хиннача расходий боарам, аргIа йолча шера нийсдара хиннача расходашца дистача, укх Закона 4 статьяй I даькъе белгал ма дарра, цу декхарашта хиннача расходашца йистача, хий диллареи хий къоастадареи даькъе льготни тарифех;

2. Субсидеш дIадалара кIийле хинна отт, хий диллареи хий къоастадареи даькъе йолча, ресурсаш дIалуча организацено, коммунальни услугех пайда эцарашца, финансировани еча хан-юкъа оттадаь договораш хилар бакъдича, цу даькъе хий диллареи хий къоастадареи даькъе дола публични договораш а долаш.

3. Субсидеш дIалу ГIалгIай Республика паччахьалкхен Iаьдала, фусама-коммунальни боахама хьакъехьа кхоачашдара Iаьдала органо, ГIалгIай Республика паччахьалкхен Iаьдала фусама-коммунальни даькъе декхараш кхоачашдеча органаи ресурсаш дIалуча организацеште юкъе оттадаьча барт барашца нийса.

4. Субсидеш дIалу республикански бюджета средстваех, юридически лицашта, субсидей боараме, ГIалгIай Республика Правительствас оттаяьча аргIанца нийса.

Статья 6. Ер Закон кхоачашдара Iалашо еш финансови кхоачо яр

Ер Закон кхоачашадара финансови Iалашо ю, ГIалгIай Республика бюджета средстваех, нагахьа санна ГIалгIай Республика бюджета, федеральни бюджетера софинансировани ергйолаш. ГIалгIай Республика бюджета средстваех расходни декхарашта софинансировани е субсиди луш, Российски Федераце субъекта расходни декхараш кхоачашдара оттабаьча софинансироване тIехболча боарамца, Российски Федераце Правительствос дIачIоагI ма дарра.

Статья 7. Ер Закона низаца чIоагIдалар

Ер Закон низаца чIоагIденна болх бе долалу, 2023 шера наджгоанцхой бетта I дийнахьа денз.

ГIалгIай Республика Мехкда Келаматнаькъан М. М.

2023 шера «10» ди наджгоанцхой бетта
№ 2-рз