Перейти к основному содержанию
«ГIалгIай Республика доазон тIа долча дукха квартираш йолча цIеношкара юкъара рузкъа капитально тоадар вIаштIехьдаккхарах долча» ГIалгIай Республика Закона хувцамаш юкъедахьара хьакъехьа

Закон тIаийцад ГIалгIай Республика Халкъа Гуллама 2021 шера 24 июне

Статья 1

«ГIалгIай Республика доазон тIа долча дукха квартираш йолча цIеношкара юкъара рузкъа капитально тоадар вIаштIехьдаккхарах долча», 2013 шера 11 октябрерча № 30-РЗ йолча ГIалгIай Республика Закона (газет «ГIалгIайче», 2013, 17 октябре; 2014, 3 июле; 2015, 10 октябре;

Официальни бокъон хоама интернет-портал (www. pravo. gov. ru), 2016, 2 июне, 29 ноябре; 2017, 26 апреле; интернет-газет «ГIалгIайче» (www. gazetaingush. ru), 2019, 2 декабре) юкъехьо Iобелгалдаь хувцамаш:

1) 12 статьяй 2 даькъа 1 пункта тIатохар де ер чулоацам болча предложенешца: «ГIалгIай Республика Правительства соцамца, республикански программа юкъе ца дахьа могаду, пхеннел кIезигах квартираш йола цIенош. ГIалгIай Республика Правительства боарама бокъон акташца, капитально тоадара республикански программа юкъе ца хьош дут, ГIалгIай Республика паччахьалкхен Iаьдала органий соцамца, Российски Федераце Правительстваца барт а баь дIакъовлаш йолча, нах бахача пунктий (дIахо — дIакъовлаш йола нах баха пункташ) доазон тIа дола дукха квартираш йола цIенош. Цу тайпара цIенош республикански программа юкъера дIадахар кхоачашду, цунна актуализаци ече денга, нах баха пункт дIакъовларах соцам тIаэцарца дувзаденна.»;

2) 26 статьяй 4 даькъе шоллагIа предложени дIаяккха;

3) 30 статье:
а) 4 дакъа укх редакце дIаязде:

«4. Нагахьа санна укх статьяй 3 даькъо белгалдаь, капитально тоадара фонда средстваш, расходаш яьраш тIера а даьха дIадоахаш а услугаш еш а (е) цу дукха квартираш йолча цIагIара юкъара рузкъа капитальни тоадара оттаяьча аргIанца, Российски Федераце Правительствос соцам тIаэцалехьа из аварийни лоархIаш, фусамаш дIа-хьа екъ моттигаш доалахьа ярашта юкъе, цар капитально тоадара деннача ахчай боараме а фусамаш хьалхагIа доалахьа хиннача капитально тоадара ше-ший аргIах дIаденнача ахчан боараме а.»;

б) тIатохар де ер чулоацам болча 6 — 8 доакъошца:

«6. Нагахьа санна дукха квартираш йола, пхе квартирал кIезигах мара йоаца цIенош, республикански программа юкъера дIадахар хилча, капитальни тоадара фонда ахчаш дIа-хьа декъ, фусамаш доалахьа йолчарна юкъе, цар капитально тоадара а аргIа йола фусамаш хьалхагIа доалахьа хиннараша а дIаденнача ахчай боараме, цу дукха квартираш йолча цIагIара юкъара доалахье капитально тоаеш а хьалхагIа услугаш а (е) балхаш деш расходаш яь ахчаш тIера дIа а даьха.

7. Нагахьа санна нах баха пункт дIакъовларах а цун доазон тIа дола дукха квартираш йола цIа республикански программа юкъера дIадаккхарах а соцам тIаийцача, капитальни тоадара фонда ахчаш дIа-хьа декъ фусамаш доалахьа йолчарна юкъе, цар капитально тоадара а аргIа йола фусамаш хьалхагIа доалахьа хиннараша а дIаденнача ахчай боараме, цу дукха квартираш йолча цIагIара юкъара доалахье капитально тоаеш а хьалхагIа услугаш а (е) балхаш деш расходаш яь ахчаш тIера дIа а даьха.

8. Дукха цIенош долча цIагIа фусам доалахьа йолчоа дIадала деза, укх статьяй 6, 7 пункташа отта ма дарра белгалъяьча моттигашка, уж ахчаш лаьрххIа счет йолча дас а (е) региональни операторо дIадохьийт, фусам доалахьа йолчо, капитально тоадара фонда ахчаш, цо заявлене тIа белгалъяьча счета тIа, язъяьча заявлене кIийлен тIа Iобелгалдаь документаш шийца а долаш:

1) фусам доалахьа йолчун личноста, цун викал белгалву документ, цун полномочеш бакъ ю (физически лицашта) документаш долаш, ЦаI йолча паччахьалкхен юридически лицай реестрера выписка (юридически лицашта);

2) ЦаI йолча, дIа-хьа хьош доацача рузкъан паччахьалкхен реестрера, дукха цIенош долча цIеношкара фусам доалахьа йолчо заявлени дIаялалехьа 30 денал хьалхагIа йоацаш хьаийца йола выписка, е дукха цIенош долча цIеношкара фусам доалахьа хилара тешал ду документ, нагахьа санна доалахьа хилар «ДIа-хьа хьош доацача рузкъан паччахьалкхен регистраци ярах дола», 2015 шера 13 июлера, № 281-ФЗ йола Федеральни закон болх бе доладалехьа доалахьа хилар этта дале а белгалдаьча Федеральни законаца нийса регистраци янза а хилча;

3) паччахьалкхен е муниципальни эшарашта, дукха квартираш йола цIа тIалатта лаьттан дакъа дIадаккхарах болча соцама копи, дIа-хьа хьош доаца рузкъа паччахьалкхен е муниципальни эшарашта дIадаккхарах баьча барта копи.";

Статья 2

Ер Закон низаца чIоагIденна болх бе долалу ер официально кепатеха итт ди чакхдаьннача дийнахьа денз.

 

ГIалгIай Республика Мехкда Келаматнаькъан М. М.