Перейти к основному содержанию
ГIалгIай Республика Конституционни Закон № 1-ркз 2023 шера наджгоанцхой бетта 10 ди

«ГIалгIай Республика Правительствах» долча ГIалгIай Республика Конституционни закона хувцамаш юкъедахьара хьакъехьа

ТIаийцад ГIалгIай Республика Халкъа Гуллама 2022 шера оагIой бетта 29 ди

Статья 1
«ГIалгIай Республика Правительствах долча» I998 шера аьтинга бетта 10 дийнахьарча № 5-РКЗ йолча ГIалгIай Республика Конституционни закона (газет «ГIалгIайче», 1998, аьтинга бетта 26 ди; 1999, лайчилла бетта 20 ди; 2000, тушола бетта 22 ди; 2003, маьтсела бетта 17 ди; 2004, аьтинга бетта 10 ди; 2006, тушола бетта 23 ди; 2007, наджгоанцхой бетта 13 ди; 2011, кIимарса бетта 9 ди; 2012, аьтинга бетта 21 ди; 2013, тушола бетта 12 ди; 2014, лайчилла бетта 8 ди; 2015, маьтсела бетта 7 ди, кIимарса бетта 4 ди; 2016, кIимарса бетта 13 ди; Официальни бокъон хоама интернет-портал (www. pravo. gov. ru), 2017, аьтинга бетта 6 ди; 2018, саькура бетта 27 ди; интернет-газет «ГIалгIайче» (www. gazetaingush. ru), 2020, аьтинга бетта 30 ди; 2021, аьтинга бетта 24 ди; 2022, кIимарса бетта 14 ди) юкъехьо Iобелгалдаь хувцамаш:

1) 1 статьяй шоллагIа абзац укх редакце дIаязъе:
«ГIалгIай Республика Мехкдас вIашагIйолл ГIалгIай Республика Правительство, ГIалгIай Республика законодательствоца нийса, цун керттера къахьегама куцаш белгалду, ГIалгIай Республика Правительство отставке яхийтарах соцам тIаэц.»;

2) 4 статья укх редакце:
«Статья 4. ГIалгIай Республика Правительства законаш а кхыйола боарама бокъон акташ а кхоачашъяра бола къахьегам

ГIалгIай Республика Правительствос кхоачо ю ГIалгIай Республика доазон тIа Российски Федераце Конституци, федеральни конституционни законаш, федеральни законаш а Российски Федераце кхыйола боарама бокъон акташ а кхоачашъяра, ГIалгIай Республика Конституци, ГIалгIай Республика законаш а ГIалгIай Республика кхыйола боарама бокъон акташ а кхоачашъяра, иштта Iалашо ю ГIалгIай Республика кхыйолча, кхоачашдара Iаьдала органий къахьегам барта бихьа кхоачашбара.»;

3) 5 статьяй хьалхара абзац укх редакце дIаязъе:
«ГIалгIай Республика кхоачашдара Iаьдала органий система а структура а белгалъю ГIалгIай Республика Мехкдас, ГIалгIай Республика Конституцеца нийса.»;

4) III статья укх редакце дIаязъе:
«Статья 111. ГIалгIай Республика кхоачашдара Iаьдала органий система

ГIалгIай Республика кхоачашдара Iаьдала органий системе чубоагIа ГIалгIай Республика Мехкда, ГIалгIай Республика Правительство, ГIалгIай Республика кхоачашдара Iаьдала кхыйола органаш.
Российски Федераце Конституцеца нийса, Российски Федераце леладара боараме а Российски Федераце ГIалгIай Республика а цхьана полномочешца нийса, кхоачашдара Iаьдала федеральни органаша а ГIалгIай Республика кхоачашдара Iаьдала органаша а Российски Федераце цаI йола система хьаю.»;ГIалгIай Республика кхоачашдара Iаьдала органий система белгалъю, ГIалгIай Республика Мехкдас, ГIалгIай Республика Конституцеца нийса.;

5) тIатохар де ер чулоацам болча 121 статьяйца:
«Статья 121. ГIалгIай Республика Правительства керттера полномочеш

ГIалгIай Республика Правительствос, ГIалгIай Республика Конституцеца, ГIалгIай Республика законаца оттабаьча, ГIалгIай Республика компетенце а полномочей а бораме:

1) дакъа лоац финансай, Iилман, дешара, унахцIенал лораяра, культура, физически культураи спортеи, социальни Iалашон, наькъашка лелара кхерамзлен а экологе а хьакъехьа, цаI йола паччахьалкхен политика кхоачашъеча;

2) кхоачо ю сага а гражданина а бокъонаши моаршонаши лораяра, долахье а юкъарлен лостам а лорабара, терроризмаи экстремизмаи духьале яреи зуламашца къовсам лоаттабареи;

3) Iалашо ю ГIалгIай Республика социально-экономически дегIакхувлара даькъе къахьегара;

4) Российски Федераце доазон тIа дахача къамий этнокультурни дукхала башхалонаш, цар метташ а культура а лораяра, дегIакхувлара къахьегар ду; массаза дахача къамий а кхыдолча кIезигача къамий бокъонаш лораяра; мигрантий социальнии культурнии адаптаци яр; къамашта (этносашта) довнаш ца хилийтара профилактике лелаю, къамашта юкъеи конфессешта юкъеи барт хилийтара аьттув лох;

5) кхоачо ю унахцIено лораяра дешаш дашхара, цу даькъе тIакхоаче а дикал йолаш лорий нокъостал хилийтара, юкъарлен могашал лораяраи чIоагIъяраи, могашал тоаяра хьалаш Iалашдара, гражданаша шоай могашала бехктокхаме хилара оагIув хилийтара;

6) бахархошта социальни Iалашон тешам балара, цу даькъе социальни Iалашо яр, гражданашта адресни социальни новкъостал дар Iалашдар;

7) кхоачо ю дезал, наьнал, даьйл а берал а лорадара Iалашо еш, дезалаш мари сесаги вIашагIкхийтта хьахилийтара кхоачо яр, дезалашка бераш кхетамца кхедара новкъостал дар, иштта кхийна даьннача бераша, шоай даьй-ноаной йоакхо яра декхараш кхоачашдергдолаш;

8) вIашагI а техе ГIалгIай Республика Халкъа Гуллама теркамга дIалу, ГIалгIай Республика бюджета проект а из кхоачашдарах йола отчет а;

9) Iалашо ю ГIалгIай Республика бюджет кхоачашдара;

10) ГIалгIай Республика Правительства къахьегамах йола, хIара шерара отчеташ, вIашагIтеха шерара доклад, ГIалгIай Республика паччахьалкхен программай овсарле, ГIалгIай Республика социально-экономически дегIаахара стратеге мероприятеш кхоачашъяра план, ГIалгIай Республика социально-экономически дегIаахара мероприятей план, дIайохьийт, уж ГIалгIай Республика Мехкдас, ГIалгIай Республика Халкъа Гулламага дIалургйолаш.«;

11) ГIалгIай Республикага урхал де хьаденнача ГIалгIай Республика доалахьенна урхал ду, доал ду, ГIалгIай Республика законашца нийса, иштта урхал ду, Российски Федераце федеральни законашца, кхыйолча боарама бокъон акташца нийса ГIалгIай Республикага урхал де хьаденнача федеральни доалахьенна;

12) ГIалгIай Республика Правительствос леладу, стратегически планироване документаш вIашагIтохара а корректировка яра а аргIа белгалъю, уж документаш дIачоIагIду (могаду);

13) моттигерча шедоаладара органага, моттигерча шедоаладара органа даржерча сагага оал, цар тIаийца боарама бокъон акташ, Российски Федераце законодательстваца дIанийсъе аьле, нагахьа санна уж белгалъяь акташ, Российски Федераце Конституцена, федеральни конституционни законашта а кхыйолча боарама бокъон акташта а, ГIалгIай Республика Конституцена, ГIалгIай Республика законашта а кхыйолча боарама бокъон акташта а духьале еш хилча, иштта суде дош дIадала йиш я;

14) кхоачашъю кхыйола полномочеш, федеральньни законаша, ГIалгIай Республика Конституце, ГIалгIай Республика законаша, кхоачашдара Iаьдала федеральни органашца барт бар, отта ма дарра, иштта Российски Федераце Президента а боарама бокъон акташца а Российски Федераце Правительства боарама бокъон акташца а, Российски Федераце субъекташка кхоачашдара Iаьдала органашка, кхоачашдара Iаьдала федеральни органий къаьста полномочеш дIаялар белгалдеш йола баоарма бокъон акташ.»;

6) 14 статье:
а) 1 пункт укх редакце дIаязъе:
«1) ГIалгIай Республика Халкъа Гуллама теркамга дIалу, ГIалгIай Республика бюджета проект а из кхоачашдарах йола отчет а ГIалгIай Республика бюджет кхоачашдара Iалашо ю;»;
б) 4 пункт укх редакце дIаязъе:

«4) кийчъю ГIалгIай Республика Правительства къахьегамах йола, хIара шерара отчеташ, вIашагIтеха шерара доклад, ГIалгIай Республика паччахьалкхен программай овсарле, ГIалгIай Республика социально-экономически дегIаахара стратеге мероприятеш кхоачашъяра план, ГIалгIай Республика социально-экономически дегIаахара мероприятей план, дIайохьийт, уж ГIалгIай Республика Мехкдас, ГIалгIай Республика Халкъа Гулламага дIалургйолаш.»;

7) 21 статье:
а) шоллагIа абзац ший низ дIабаьнна лархIа;
б) кхоалагIа абзац укх редакце дIаязъе:
«ГIалгIай Республика Правительствос кхоачашъю, кхыйола, федеральни законаша, ГIалгIай Республика Конституце, ГIалгIай Республика законаша, кхоачашдара Iаьдала федеральни органашца барт барашца, иштта Российски Федераце Президента боарама бокъон акташца, Российски Федераце Правительства боарама бокъон акташца белгалъяь полономочеш, царца ГIалгIай Республика кхоачашдара Iаьдала органашка, кхоачашдара Iаьдала федеральни органий къаьста полномочеш дIаялар белгалдеш а йола полномочеш.»;

8) 22 статье:
а) кхоалагIча абзаце дешашта «ГIалгIай Республика Правительства» тIехьа тIатохар де дешашца«, ГIалгIай Республика Правительства полномочей боараме тIаийца йола,»;

б) ворхIлагIча абзаце дешашта «ГIалгIай Республика Правительства соцамаш низаца чIоагIлу, цар тIа кулг яздича денз» хувца дешашца «ГIалгIай Республика Правительства соцамаш низаца чIоагIлу, царна официально кепатехача дийнахьа денз»;

9) 23 статьяй цхьоалагIа абзац укх редакце дIаязъе:
«ГIалгIай Республика Правительства Председатела кулгалду, ГIалгIай Республика Правительствана, цун болх вIаштIехьабоаккх, федеральни законодательстваца, ГIалгIай Республика Конституцеца, республикански законашца, ГIалгIай Республика Мехкдаь акташца нийса.».

Статья 2
Ер Конституционни закон низаца чIоагIденна болх бе долалу, ер официально кепатехача дийнахьа денз.

ГIалгIай Республика Мехкда Келаматнаькъан М. М.

г. Магас
2023 шера «10» ди наджгоанцхой бетта
№ 1-РКЗ