«ГIалгIай Республика кагирхойи берии юкъарлен объединенешта паччахьалкхен новкъостал дарах долча», ГIалгIай Республика Закона 2 а 11 а статьяшта хувцамаш юкъедахьара хьакъехьа

ТIаийцад ГIалгIай Республика Халкъа Гуллама 2023 шера саькура бетта 22 ди

Статья 1
«ГIалгIай Республика кагирхойи берии юкъарлен объединенешта паччахьалкхен новкъостал дарах долча», 2022 шера аьтинга бетта 3 дийнахьарча, № 22-РЗ йолча ГIалгIай Республика Закона (интернет-газет «ГIалгIайче» (www. gazetaingush. ru), 2022 шера аьтинга бетта 3 ди) юкъехьо Iобелгалдаь хувцамаш:

1) 2 статьяйна тIатохар де Iобелгалбаь чулоацам болча 4 даькъаца:
«4. Российски берии кагорхои болама паччахьалкхен новкъостал дара белгалонаш дIаоттаю, «Российски берии кагирхои боламах долча», 2022 шера кIимарса бетта 14 дийнахьарча № 261-ФЗ йолча Федеральни законаца.»;

2) 11 статьяй 5 даькъа 3 пункте дешаш «кхыча паччахьалкхен агента декхараш кхоачашду коммерчески йоаца организацеш» хувца дешашца «кхыча паччахьалкхен агенташ».

Статья 2
Ер Закон низаца чIоагIденна болх бе долалу, ер официально кепатехача дийнахьа денз.

ГIалгIай Республика Мехкдаь декхараш кхоачашдер Сластенин В. В.

г. Магас
2023 шера «3» ди тушоли бетта

Закон № 21-рз