Перейти к основному содержанию
«Бахархойи доазонаши Iаламани техногеннии чоалханерча хьалех лорадарах» долча ГIалгIай Республика Закона хувцамаш юкъедахара хьакъехьа

ТIаийцад ГIалгIай Республика Халкъа Гуллама 2022 шера 14 апреле

Статья 1
«Бахархойи доазонаши Iаламеи техногеннии чоалханерча хьалех лорадарах» долча, 2010 шера 27 февралерча, № 9-РЗ йолча ГIалгIай Республика Закона (газета «Сердало», 2010, 6 марте; 2011, 12 апреле; газет «ГIалгIайче», 2012, 6 декабре; 2013, 15 июне, 7 ноябре; 2014, 6 мае, 31 декабре; 2015, 7 мае; Официальни бокъон хоама интернет-портал (www. pravo. gov. ru), 2016, 4 июле; 2019, 7 июне; интернет-газет «ГIалгIайче» (www. gazetaingush. ru) 2021, 4 марте) юкъехьо Iобелгалдаь хувцамаш:

1) 41 статьяйна тIатохар де, ер чулоацам болча 24 даькъаца:
«24. ГIалгIай Республика чоалхане хьалаш ца хилийтараи хиннарех даьнна зе дIадаккхараи йолча, цIера кхерамзлен кхоачо яра комиссено, муниципальни образованей чоалхане хьалаш ца хилийтараи хиннарех даьнна зе дIадаккхараи йолча, цIера кхерамзлен кхоачо яра комиссено соцам тIаэц, эвакуационни мероприятеш дIаяхьара, ше-ший аргIах региональни, муниципалитеташта юкъера а муниципальни куц дола чоалхане хьалаш хилара кхерам хилча е чоалхане хьал эттача.»;

2) 6 статье:
а) 1 даькъа хьалхара абзац укх редакце дIаязъе:

«1. Бахархои доазонаши чоалханерча хьалех лорадара даькъе болча хоамаца да, чоалханера хьал хилара прогнозехи хиннача чоалханерча хьалех дари, царех даьнна зе белгалдари, бахархои доазонаши лорадар, аварийно-кIалхарбахара а кхыдола а динза даргдоаца балхаш дара, чоалханера хьалаш дIадахара юкъеэзача низехи средстваехи, иштта радиационни, химически, лорий-биологически, лелхара, цIера а экологически а кхерамзлен хьалех дола сведенеш, аргIа йолча доазонаш тIа.»;

б) 2 даькъе:
дешаш «организацей администрацеш» хувца дешаца «организацеш».;

тIатохар де ер чулоацам болча шоллагIча абзацаца:
«ГIалгIай Республика паччахьалкхен Iаьдала органаш, моттигерча шедоалдара органаш а организацеш а декхарийла я оттаяьча аргIанца ше-ший ханачухь, чоалхане хьалаш ца хилийтара а хиннарех даьнна зе дIадаккхара а цаI йолча доазон подсистема урхалдара органашка, бахархои доазонаши чоалханерча хьалех лорадара даькъе бола хоам дIабала».;

в) 3 даькъа цхьоалагIча абзаце дешаш «даржашкарча наха» тIехьа тIатохар де дешашца «организацеша а»;

3) 8 статье:
а) 2 даькъа 6 пункт укх редакце дIаязъе:
«6) региональни а муниципалитеташта юкъера а чоалхане хьалаш хилара кхерам хилча е чоалхане хьалаш эттача, эвакуационни мероприятеш дIаяхьара кхоачо ю;»;

б) 21 даькъа хьалхарча абзаце дешаш «ГIалгIай Республика бахархои доазонаши чоалханерча хьалех лорадара кхоачо яра Урхалле» хувца дешашца «ГIалгIай Республика граждански оборонаи чоалханерча хьалии гIулакхех йола Министерство»;

в) 3 даькъе:
3 пункт укх редакце дIаязъе:
«) хьахинна чоалхане хьалаш муниципальни куц долча чоалханерча хьалашца дIалархIарах соцам тIаэц, чоалханерча хьалаш хилара кхерам эттача е чоалхане хьалаш эттача, вIаштехьа а йоах дIа а хьу эвакуоционни мероприятеш;»;

тIатохар де ер чулоацам болча 18 пунктаца:
«18) федеральни, реиональни, муниципалитеташта юкъерча а муниципальни а чоалханерча хьалех даьнна зе дIадоаккхача хана оттаду, чоалханера хьалаш долча моттигерча нах бахача фусамашка, Российски Федераце гражданаш, кхыча паччахьалкхен гражданаш, гражданство йоаца нах бахаш хилар, цар вахара хьалаш толхадарахи цар рузкъа дайна хилари, чоалханера хьалаш оттарах.»;

4) 10 статье:
а) 1 даькъа 8 пункте дешаш «чоалханерча хьалех бахархои доазонаш лорадарах бола хоам, оттаяьча аргIах дIабалар, иштта а» дIадаха;

б) 2 даькъе тIатохар де дешашца«, иштта эвакуационни мероприятеш дIаяхьара а.»;

в) 3 даькъе дешаш «чоалханерча хьалий кулгалхо» хувца дешашца «чоалханера хьал дIадаккхара кулгалхо»;

5) 13 статье тIатохар де ер чу чулоацам долча 6 пунктаца:
"6) чоалханера хьал оттара кхерам болча е чоалханерча, хьала зона доазон тIара эвакуационни мероприятеш дIаяхьарах хоам хьаийцача, эвакуаце вахар.".\

Статья 2
Ер Закон низаца чIоагIденна болх бе долалу, ер официально кепатеха итт ди чаккхдаьннача дийнахьа денз.

ГIалгIай Республика Мехкда Келаматнаькъан М. М.

2022 шера "25" апреле
№10-рз