Перейти к основному содержанию
ГIалгIай Республика Закон № 22-рз 2022 шера 3 июне

ГIалгIай Республика кагирхои берии юкъарлен объединенеш паччахьалкхено хьаллацара хьакъехьа

ТIаийцад ГIалгIай Республика Халкъа Гуллама 2022 шера 26 мае

Статья 1. Укх Законо дIа-хьа нийсду предмет

Укх Законо «Кагирхои берии юкъарлен объединенеш паччахьалкхено хьаллацарах долча», 1995 шера 28 июнерча, № 98-ФЗ йолча Федеральни законаца нийса белгалъю, ГIалгIай Республика регионашта юкъера, региональни а моттигера а кагирхои берии юкъарлен объединенешта паччахьалкхен новкъостал дара юкъара принципаш (дIахо-кагирхои берии объединенеш).

Статья 2. Укх Законо дIа-хьа нийсъю юкъ-моттигаш

1. Укх Законо дIа-хьа нийсъю, республикански кхоачашдара Iаьдала органаша, регионашта юкъерча, региональни а моттигера а кагирхои берии объединенешта паччахьалкхен новкъостал дар оттадарца а кхоачашдарца а бувзам болаш хьахинна юкъ-моттигаш.

2. Кагирхои берии объединенеш кхоачашдара Iаьдала органашца, юридически лицашца а гражданашца а хьахинна кхыйола юкъ-моттигаш дIа-хьа нийсъю, Российски Федераце аргIа йолча боарама бокъон акташца нийса.
Укх Законо дер дIа-хьа даржац:
кагирхои берии коммерчески организацей;
кагирхои берии дина организацей;
профессиональни союзаш йолча кагирхои студентии объединеней;
политически партеша вIашагIъехкача е хьаяьча объединеней хьакъехьа.

3. Укх Закона 5 статьяй 2 даькъо, кагирхои берии объединеней хьакъехьа оттадаь дIадехараш, кIийле хинна оттац, берии кагирхои объединене оттара бокъонна доазув тохара.

Статья 3. Кагирхои берии юкъарлен объединенеш
паччахьалкхено хьаллацарах дола
ГIалгIай Республика законодательство

Кагирхои берии юкъарлен объединенеш паччахьалкхено хьаллацарах дола ГIалгIай Республика законодательство латт, Российски Федераце Конституцен положеней, «Кагирхои берии юкъарлен объединенеш паччахьалкхено хьаллацарах долча», 1995 шера 28 июнерча, № 98-ФЗ йолча Федеральни закона, федеральни кхыдолча законий, Российски Федераце кхыйолча боарама бокъон актий, укх Закона, «ГIалгIай Республике кагирхой политиках долча» 2022 шера 29 апрелерча, № 16-РЗ йолча ГIалгIай Республика Закона, ГIалгIай Республика кхыйолча боарама бокъон актий положеней ларде.

Статья 4. Кагирхои берии юкъарлен объединенеш
паччахьалкхено хьаллацарах йола принципаш

Кагирхой паччахьалкхен политика керттерча наькъий терко еш, ГIалгIай Республике кагирхои берии юкъарлен объединенеш паччахьалкхено хьаллацар кхоачашду укх принципашца нийса:
берии кагирхои юкъарлен объединеней паччахьалкхен новкъостал хьаэцара цхьатарра бокъо хилара, укх Законо дIадехарашта жоп а луш;
берии кагирхои юкъарлен объединенеш шоай лоIаме хилара а паччахьалкхен новкъостал хьаэцара белгалдаьраш къоастадара бокъо хилара бакъдар а.
ГIалгIай Республике кагирхои берии юкъарлен объединенеш, укх Законо дIадехарашта нийса паччахьалкхено хьаллацара жоп луш хилча, ГIалгIай Республика паччахьалкхен Iаьдала органаша а (е) цар даржашкарча наха пайда эца йиш яц, кагирхои берии юкъарлен объединеней законни лоIамашта духьала, иштта цар къахьегама куц хувцара а.

Статья 5. Кагирхои берии юкъарлен объединенеш
паччахьалкхено хьаллацара йола объекташ

1. ГIалгIай Республике, укх Законаца нийса, законо оттаяьча аргIанца нийса регистраци яьча кагирхои берии юкъарлен объединенешта паччахьалкхен новкъостал ду;
юкъара лоIамаш долча, 35 шерага кхаччалца ха йолча гражданий кагирхой объединенешта;

18 шерага кхаччалца ха йола, кхийна баьнна а цхьана къахьега ловш вIашагIкхийтта а бола гражданаш юкъе болча, берий объединенешта.

2. Кагирхои берии юкъарлен объединенешта паччахьалкхен новкъостал дар кхоачашду Iобелгалдаь ер хьалаш лорадича:
объединени юридически лицо я, къахьег цунна паччахьалкхен регистраци йича денз цхьан шерал кIезигах йоацача ханна;
объединенес ший къахьегам хадданза дIахьу.
Кагирхой е берий объединенес паччахьалкхен новкъостал хьадехар, укх Законо дIадехарашта нийса дий белгалду, ГIалгIай Республика кхоачашдара Iаьдала паччахьалкхен кагирхой политика кхоачашъяра органо.

3. Кагирхой объединени а берий объединени а кхыйолча кагирхой е берий объединенеца (союз) вIашагIтохар, цар шоай вIашагIтохара кортамукъал лораеш хилча, кIийле хинна оттац из паччахьалкхен новкъостал дара объекташкта юкъера дIаяккхара.

Статья 6. Кагирхои берии объединеней бокъонаш

Берии кагирхои юкъарлен объединеней бокъо я:

1) ГIалгIай Республика паччахьалкхен Iаьдала органашка, берии кагирхои лоIамех хьокхалуш дола, ГIалгIай Республика законаш а кхыйола боарама бокъон акташ а хувцарах дола хетараш дIадала;

2) ГIалгIай Республика доазон тIа паччахьалкхен кагирхой политика кхоачашъярах хетараш дIадала, уж доашхача дакъа лаца;

3) ГIалгIай Республика паччахьалкхен кагирхой политика кхоачашъяра тIаерзаяь йола паччахьалкхен а ведомственни а целевой программаш кийчъеши йоашхаши дакъа лацар.

Статья 7. Кагирхой берии объединенешта дуккханешка хоам бара а кадраш кхеяра а новкъостал дар

1. ГIалгIай Республика кхоачашдара Iаьддала органаша хоам бу, кагирхои берии объединенешка, кагирхой паччахьалкхен политиках дIахьош йолча мероприятейх.

2. Кагирхои берии юкъарлен объединеней дехарех, ГIалгIай Республика кагирхой паччахьалкхен политика кхоачашъяра йолча кхоачашдара Iаьдала органо вIаштIехьдоаккх, цу объединеней кадраш кийчбари юхакийчбари.

Статья 8. Кагирхой берии объединенеш паччахьалкхен
хьаллацара проекташ (программаш)

1. Кагирхой берии объединенеш паччахьалкхен хьаллацарца белгалду, ГIалгIай Республика кагирхой политика хьакъехьа йолча паччахьалкхен программай подпрограммашца.

Кагирхой берии объединеней проекташ (программаш) паччахьалкхен хьаллацарах соцам тIаэц, кагирхой хьакъехьа паччахьалкхен политика кхоачашъяра йолча кхоачашдара Iаьдала органо, белгалъяьча проектий (программай) конкурса чаккхенашца.

2. Кагирхой берии объединеней проекташ (программаш) хьаллацара конкурс дIахьу, кагирхой хьакъехьа паччахьалкхен кагирхой политика кхоачашъяра йолча, ГIалгIай Республика кхоачашдара Iаьдала органо оттаяьча ханачухь.

3. Кагирхои берии объединеней конкурсный проекто (программа) белгалде деза, из проект (программа) кхоачашъяра керттера декхараш, чулоацами плани, финансови, рузкъан, кадрови ресурсаши вIаштIехьдаккхара таронаши, цу объединене проект (программа) кхоачашъяра хьакъехьа.

Статья 9. Кагирхои берии объединенеш хьаллацара йолча мероприятешта финансови кхоачо яр

1. Кагирхои берии объединенеш хьаллацара йолча мероприятешта финансови кхоачо яр дIахьу, ГIалгIай Республика шоашца кагирхой политика мероприятеш юкъе йола, паччахьалкхен программаш кхоачашъе белгалдаьча средстваех.

2. ГIалгIай Республика кагирхой политика кхоачашъяра йола, кхоачашдара Iаьдала орган бехктокхаме отт, кагирхои берии юкъарлен объединенешта средстваш далар, бокъон боараме хилийтара, царех йола расходаш оттаме йий хьожаш тIахьожам лоаттабу.

Статья 10. ГIалгIай Республика кагирхои берии объединенешта паччахьалкхен га-лоадам бара йола, кхоачашдара Iаьдала органаш

1. ГIалгIай Республика кагирхой политика кхоачашъяра йолча, кхоачашдара Iаьдала органо, паччахьалкхен га-лоадам бу, кагирхои берии юкъарлен объединенеш хьаллацара.

2. ГIалгIай Республика Правительствос амалт лу, республика кхоачашдара Iаьдала органашта, кагирхои берии объединенеш къаьстта паччахьалкхен хьаллацара.

Статья 11. Паччахьалкхен га-лоадам беча кагирхои берии объединеней Республикански реестр

1. ГIалгIай Республика кагирхой политика кхоачашъяра йолча кхоачашдара Iаьдала органо вIашагIйолл, паччахьалкхен га-лоадам беча кагирхои берии юкъарлен объединеней Республикански реестр (дIахо — Республикански реестр). Республикански реестр лелаяра аргIа белгалъю, ГIалгIай Республика кагирхой политика кхоачашъяра йолча, кхоачашдара Iаьдала органо.

2. Кагирхои берии юкъарлен объединенеш, мах боацаш чуоттаю республикански реестре, кагирхои берии юкъарлен объединенеша, укх Закона 5 статьяй 2 даькъо дIадехарашта нийса дола документаши йоазон заявлении дIаенначул тIехьагIа, 30 ди доалача ханачухь.

3. Республикански реестре чуйихьача кагирхои берии юкъарлен объединенеша, шера цкъа, ГIалгIай Республика кагирхой политика кхоачашъяра йолча, кхоачашдара Iаьдала органага дIалу, кагирхой а берий а объединени, укх Закона 5 статьяй 2 даькъо дIадехарашта нийса дола документаш.

4. Республикански реестре юкъехьу кагирхой а берий а объединененйх дола Iобелгалдаь сведенеш:

1) йизза а лоацъяь а (нагахьа санна яле) цIи, цун массаза а кулгалду орган йолча моттига адрес (йола моттиг);

2) паччахьалкхен регистраци ярах дола йоазон таьрахь (керттера паччахьалкхен регистрационни таьрахь);

3) налогаш луш волчун идентификационни таьрахь;

4) учете оттаяра бахьана код;

5) Российски Федераце Пенсионни фондера регистрационни таьрахь;

6) кагирхой е берий юкъарлен объединени вIашагIйоллара, цун уставаца нийса дола декхар;

7) кагирхой е берий юкъарлен объединене кхоачашдеча къахьегамий тайпаш;

8) из Республикански реестре чуяхьара ха;

9) из Республикански реестрера араяккхара ха а кIийле а.

5. Республикански реестре юкъейихьа кагирхой е берий объединени, Реестрера дIаараяккха йиш я:

1) кагирхой е берий юкъарлен объединене хьаеннача йоазон заявленеца;

2) Республикански реестре юкъейихьача, кагирхой е берий юкъарлен объединене, оттаяьча ханачухь ГIалгIай Республика кагирхой политика кхоачашъяра йолча, кхоачашдара Iаьдала органага, кагирхой е берий юкъарлен объединени, укх Закона 5 статьяй 2 даькъо дIадехарашта нийса хиларах дола документаш дIа ца делча;

3) кагирхой е берий юкъарлен объединени, кхыча паччахьалкхен агента декхараш кхоачашдеча коммерчески йоацача организацен юкъейихьача.

6. ГIалгIай Республика кагирхой политика кхоачашъяра йолча кхоачашдара Iаьдала органо, кагирхой е берий юкъарлен объединени Республикански реестрера дIаяккхарах соцам тIаийца балха пхи ди доалача ханачухь, цу тайпарча объединенега йоазон кепе хоам бу тIаийцача соцамах.

7) Республикански реестре юкъе бола хоам, юкъара тIакхоаче а ба «Паччахьалкхен органий а моттигерча шедоалдара органий а къахьегамах бола хоама тIакхачара кхоачо ярах долча», 2009 шера 9 февралерча, № 8-ФЗ йолча Федеральни законаца нийса.

8. ГIалгIай Республика кагирхой политика кхоачашъяра йолча кхоачашдара Iаьдала органо, хIара кварталах, кагирхой политиках паччахьалкхен услугаш яра а рузкъанна урхал дара а дола декхараш кхоачашдара йолча, кхоачашдара Iаьдала органий федеральни органага дIалу, Республикански реестре чуйихьача кагирхои берии юкъарлен объединененейх дола сведенеш, укх статьяй 4 даькъе белгал ма дарра.

Статья 12. Кагирхой а берий а объединеней бокъонаш лораяр

1. Кагирхой а берий а объединеней бокъонаш лораяр цар кхоачашду биззача боараме, Российски Федераце законодательствоца нийса.

2. Нагахьа санна уж, ГIалгIай Республика доазон тIа кхоачашъяра аргIа белагалъе езаш хилча, цо доашхача дешай боараме, ГIалгIай Республика, паччахьалкхен кагирхой политика кхоачашъяра ГIалгIай Республика кхоачашдара Iаьдала органаш декхарийла я, цу тайпа аргIа белгалъе.

Статья 13. Паччахьалкхен Iаьдала органий, моттигерча шедоалдара органий даржашкарча наьха а кагирхои берии объединеней кулгахой а ер Закон кхоачаш ца дарах хулаш бола бехктокхам

1. Паччахьалкхен Iаьдала органий, моттигерча шедоалдара органий даржашкарча наьха бехктокхам ба, укх Закона положенеш кхоачаш ца ярах, Российски Федераце законодательстваца а ГIалгIай республика законодательстваца а нийса.

ГIалгIай Республика паччахьалкхен Iаьдала органий, моттигерча шедоалдара органий, ер Закон толхадеш йола, кагирхои берии бокъонашта доазув тохаш йола, е уж бокъонаш кхоачашъяр, дикка халонга доахаш йола, тIаийца боарама бокъон акташ, бакъйоацаш лоархI, болх беча законодательстваца нийса.

2. Кагирхои берии объединеней кулгалхой бехтокхаме овтт, цу объединеней къахьегамах бакъ доаца сведенеш хьаделча, рузкъан е финансови новкъостал хьаэцара духьа, болх беча законодательстваца нийса, шоаш даь зе метта а оттаду.

Статья 14. Кагирхои берии объединеней бокъонаш судебни лораяр

Кагирхои берии объединене шоай бокъонаш лораяра декхарашта, оттаяьча аргIанца нийса, Российски Федераце аргIа йолча судашка латкъар могадеш да.

Статья 15. ГIалгIай Республика къаьстача законодательни актий (законодательни актий положеней) низ дIабаьнна лархIар

Ер Закон низаца чIоагденнача дийнахьа денз, шоай низ дIабаьнна лархIа:

1) Кагирхои берии юкъарлен объединенеш хьаллацарах дола«, 1997 шера 12 октябрера № 15-РЗ йола, ГIалгIай Республика Закон (газет «ГIалгIайче», 1997, 23 октябре);

2) Кагирхои берии юкъарлен объединенеш хьаллацарах дола«, 2010 шера 23 октябрера № 59-РЗ йола, ГIалгIай Республика Закон (газет «Сердало», 2010, 11 декабре);

3) «Кагирхои берии юкъарлен объединенеш хьаллацарах долча», 2012 шера 2 апрелера № 11-РЗ йолча, ГIалгIай Республика Закона 7 статьяй I даькъа низ дIабаьнна лархIарах дола«, ГIалгIай Республика Закон (газет «ГIалгIайче», 2012, 5 апреле).

Статья 16. Ер Закон низаца чIоагIденна болх бе доладалар

Ер Закон низаца чIоагIденна болх бе долалу, ер официально кепатеха итт ди чаккхдаьннача дийнахьа денз.

ГIалгIай Республика Мехкда Келаматнаькъан М. М.

г. Магас
2022 шера «3» июня № 22-рз