Перейти к основному содержанию
«ГIалгIай Республика Халкъа Гуллама депутата статусах долча» ГIалгIай Республика Закона юкъе хувцамаш юкъедахьара хьакъехьа

ТIаийцад ГIалгIай Республика Халкъа Гуллама 2021 шера 24 июне

Статья 1

«ГIалгIай Республика Халкъа Гуллама депутатий статусах долча», 2004 шера 8 июлерча № 18-РЗ йолча ГIалгIай Республика Закона (газет «ГIалгIайче», 2004, 13 июле; 2006, 28 феврале; 2007, 21 июне; газет «Сердало», 2008, 10 январе; газет «ГIалгIайче», 2011, 7 июне;

2012, 11 декабре; 2013, 15 июне; 2015, 5 феврале; Официальни бокъон хоама интернет-портал (www. pravo. gov. ru), 2016, 4 июле; 2018, 27 феврале, 4 декабре; 2019, 7 июне; интернет-газет «ГIалгIайче» (www. gazetaingush. ru), 2019, 2 декабре; 2020, 23 июне, 30 июне;) юкъехьо Iобелгалдаь хувцамаш:
1) тIатохар де ер чулоацам болча 11 статьяйца:

«Статья 11. Халкъа Гуллама депутат ГIалгIай Республика паччахьалкхен даржий системе

1. ГIалгIай Республика Халкъа Гуллама депутата статус белгалъю, ГIалгIай Республика Конституцеца, федеральни законаца, укх Законаца а кхыйолча боарама бокъон акташца а.

2. ГIалгIай Республика Халкъа Гуллама массазарча профессиональни кIийлен тIа къахьегача депутата статус дIанийсъю, ГIалгIай Республика кхоачашдара Iаьдала региональни министра статусаца нийса, ГIалгIай Республика Халкъа Гуллама Председатела а цун заместителий а даржий статус дIанийсъю, ГIалгIай Республика Правительства Премьер-министра а цун хьалхарча заместитела а статуса ше-ший аргIах, хIаьта Халкъа Гуллама комитета председатела даржа статус дIанийсъю, ГIалгIай Республика Правительства Премьер-министра заместитела даржа.»;
2) 5 статьяй 1 даькъа 1 пункте дешаш «Российски Федераце Федеральни Гуллама Федераце Совета доакъашхочо» хувца дешашца «Российски Федераце сенаторо»;

3) 11 статьяйна тIатохар де ер чулоацам болча 4, 5 доакъошца:

«4. ГIалгIай Республика Халкъа Гуллама депутат, Халкъа Гуллама кхетаченашка хадданда дакъа лоацаш ца хиларах бола хоам кепатох, официальни кепайоазон издане тIа е Халкъа Гуллама официальни сайта чу оттабу, ца хилча даргдоацача моттиге харжархой теркамга дIакхоачийт.

5. Халкъа Гуллама депутата бокъо я ГIалгIай Республика Правительства, ГIалгIай Республика кхоачашдара Iаьдала органий кхетаченашка дакъа лаца, дагавала бокъо йолча боараме.»;

4) 24 статье тIатохар де ер чулоацам болча абзацаца:
«Ший керттерча къахьегама тIера а ца воалаш къахьегача депутата, ший полномочеш кхоачашъеча тешам лу, цун балха (даржа) моттиг цунга юташ, ГIалгIай Республика законо оттабаьча боараме, из ха хила йиш яц вIашагIтехача бетта балха шин денал кIезигах а балха ялх денал совнагIа а.»;

5) 25 статье:
3 дакъа укх редакце дIаязде:

«3. Массазарча профессиональни кIийлен тIа къахьегача Халкъа Гуллама депутата, хIара бетта ахча лу депутатски къахьегама бувзам болаш ийсбIаьи дезткъеи итт туман боараме (низаца чIоагIденна болх бе долалу 2022 шера 1 январе денз).»;

тIатохар де ер чулоацам болча 31 даькъаца:

«31. Профессиональни массаза йоацача кIийлен тIа къахьегача депутата хIара бетта ахча лу, депутатски къахьегамца бувзам болаш, къахьегамах кIезигах болча пхе боараме, из хержача дийнахьа денз.»;

6) 31 статьяй 2 дакъа укх редакце дIаязде

«2. Халкъа Гуллама депутата бокъо я ший удостоверени дIагойтача, аэропорташкарча, аьшкамашиннаькъа вокзалашкарча а автостанцешкарча официальни наьха а делегацей а (VIP) залах мах боацаш пайда эца.»

Статья 2

Ер Закон низаца чIоагIденна болх бе долалу, ер официально кепатеха итт ди чакхдаьннача дийнахьа денз

ГIалгIай Республика Мехкда Келаматнаькъан М. М.