Перейти к основному содержанию
ГIалгIай Республика муниципальни районии городской округии моттигерча шедоалдара органашка бахархой 2020 Ерригроссийски дIаязбара кийчо яра а дIадахьара а къаьста паччахьалкхен полномочеш дIаялара хьакъехьа

ТIаийцад ГIалгIай Республика Закон Халкъа Гуллама 2021 шера 24 июне

Ер Закон вIашагIделлад «Российски Федераце субьектий законодательни (представительни) а кхоачашдара а органаш вIашагIйохкарах долча» 1999 шера 6 октябрерча № 184-ФЗ йолча, «Бахархой юхадIаязбарах долча», 2002 шера 25 январерча 8-ФЗ йолча, «Российски Федераце моттигера шедоалдара юкъарча принципех долча», 2003 шера 6 октябрерча № 131-ФЗ йолча федеральни законашца, ГIалгIай Республика Конституцеца нийса, дIа-хьа нийсъю ГIалгIай Республика муниципальни районии городской округии моттигерча шедоалдара органашка, бахархой, 2020 шера Ерригроссийски бахархой юха дIаязбара кийчо яра а дIадахьара а къаьста паччахьалкхен полномочеш дIаялара юкъ-моттигаш.

Статья 1.

Моттигерча шедоалдара органашка дIалуш йола къаьста паччахьалкхен полномочеш.
Укх Законаца нийса, ГIалгIай Республика муниципальни районии городской округии моттигерча шедоалдара органашка (дIахо — моттигера шедоалдара органаш) дIалу Iобелгалъяь Российски Федераце къаьста паччахьалкхен полномочеш, Ерригроссийски бахархой юха дIаязбара кийчо яра а дIадахьара а декхарашта, ГIалгIай Республика паччахьалкхен Iаьдала кхоачашдара органашка кхоачашъе дIаенна (дIахо — къаьста паччахьалкхен полномочеш):

1) лораеш йола, чухьнахьа мебель а бувзама кхоачо а йолаш, бахархоех дола сведенеш гулдара юкъеэза нах Iомабе а цар къахьегам дIабахьа а мегаргйолча фусамашца кхоачо яр;

2) Ерригроссийски бахархой юха дIаязбара листаш а кхыдола документаш лорадеш ухкаде аьттув болча ха деш йолча фусамашца кхоачо яр;

3) ца хилча яргйоаца транспортни средстваш а бувзама а кхоачо ялар.

Статья 2.

Моттигерча шедоалдара органаша къаьста паччахьалкхен полномочеш кхоачашъю хан-юкъ ГIалгIай Республика моттигерча шедоалдара органаша, къаьста паччахьалкхен полномочеш кхоачашъяр дIалу, Ерригроссийски 2020 шера бахархой юха дIаязбара хан-юкъа, федеральни законодательстваца нийса.

Статья 3. Моттигерча шедоалдара органий, къаьста паччахьалкхен полномочеш кхоачашъяра бокъонаши декхараши

1. Моттигерча шедоалдара органий къаьста паччахьалкхен полномочеш кхоачашъяра бокъо я:

1) къаьста паччахьалкхен полномочешта финансови кхоачо яр дIахьу, ГIалгIай Руспублика бюджетера моттигашкарча бюджеташта луча субвенцейх;

2) къаьста паччахьалкхен полномочеш кхоачашъяра дешаех ГIалгIай Республика Правительства паччахьалкхен Iаьдала кхоачашдара уполномоченни органагара де дезараш белгалдахар хьаэцар;

3) шоашка дIаенна къаьста паччахьалкхен полномочеш кхоачашъе дIаденнача ший доалахьа долча финансови средстваех а рузкъах а пайда эцар, муниципальни образоване Уставо белгалъяьча моттигашка а аргIах а;

4) къаьста паччахьалкхен полномочеш кхоачашъярца а укх Законо оттаяь положенеш кхоачашъярца а бувзам бола муниципальни бокъон акташ тIаэцар;

5) къаьста паччахьалкхен полномочеш кхоачашъеш гучадаьнна толхадараш дIадахарах, ГIалгIай Руспублика паччахьалкхен Iаьдала органаша йоазонца денна декхараш судебни аргIанца лодкъадар.

2. Къаьста паччахьалкхен полномочеш кхоачашъеш, ГIалгIай Руспублика моттигера шедоалдара органаш декхарийла я:

1) къаьста паччахьалкхен полномочеш хьакъ долча боараме кхоачашъе, къаьста паччахьалкхен полномочеш кхоачашъяра дешаех Российски Федераце а ГIалгIай Руспублика а законодательстваца а нийса;

2) къаьста паччахьалкхен полномочеш кхоачашъе ГIалгIай Руспублика бюджетера дIаденнача ший доалахьа долча финансови средстваех овсаре, кхом болаш а целевой а пайда эцар;

3) къаьста паччахьалкхен полномочеш кхоачашъеш хинна толхадараш дIадахарах дола, уполномоченни органо йоазонца денна декхараш кхоачашдар;

4) къаьста паччахьалкхен полномочеш кхоачашъярца а цу декхарашта хьахьожадаь финасови средстваех пайда эцарах а бувзам бола, ца хилча баргбоаца хоам уполномоченни органа дIабалар;

5) Российски Федераце законодательстваца, ГIалгIай Руспублика законодательстваца белгалдаь дола, къаьста паччахьалкхен полномочеш кхоачашъярца бувзам бола кхыдола декхараш кхоачашдар.

Российски Федераце законодательстваца, ГIалгIай Руспублика законодательстваца нийса, моттигера шедоалдара органий хилар могаду кхыйола бокъонаш, къаьста паччахьалкхен полномочеш кхоачашъеш.

Статья 4.

Моттигерча шедоалдара органаша къаьста паччахьалкхен полномочеш кхоачашъяр дIахьоча хана йола бокъонаши декхараши

1. Уполномоченни органа бокъо я:

1) моттигерча шедоалдара органаша къаьста паччахьалкхен полномочеш кхоачашъярца бувзам бола боарама бокъон акташ тIаэца а уж кхоачшъяра тIахьожам лоаттабе а;

2) моттигерча шедоалдара органашта къаьста паччахьалкхен полномочеш кхоачашъяр вIаштIехьдаккхара методически новкъостал дар;

3) моттигерча шедоалдара органашкара къаьста паччахьалкхен полномочеш кхоачашъе дIаденнача финансови средстваех цар пайда эцарах бола, ца хилча баргбоаца хоам хьаэцар;

4) нагахьа санна моттигерча шедоалдара органаша, къаьста паччахьалкхен полномочеш кхоачашъяра дешаех дар, хьа ца лой е ший ханачухь ца лой, тохкамаш дар вIаштIехьдакха а дIадахьа а.

2. Уполномоченни орган декхарийла я:

1) къаьста паччахьалкхен полномочеш кхоачашъярца а цу декхарашта хьахьожадаь финасови средстваех пайда эцарах а цу декхарашта хьаденнача финансови средстваех пайда эцарах а тIахьожам лоаттабар;

2) моттигерча шедоалдара органашта, цар къаьста паччахьалкхен полномочеш кхоачашъярца бувзам болча дешай хьакъехьа новкъостал дар.

Российски Федераце законодательстваца, ГIалгIай Руспублика законодательстваца нийса уполномоченни органа хилар могаду, кхыйола бокъонаш, моттигерча шедоалдара органаша къаьста паччахьалкхен полномочеш кхоачашъеш.

Статья 5.

Моттигерча шедоалдара органаша къаьста паччахьалкхен полномочеш кхоачашъярца ГIалгIай Республика Мехкдаь бокъонаши декхараши

Моттигерча шедоалдара органаша къаьста паччахьалкхен полномочеш кхоачашъеш ГIалгIай Республика Мехкдас:

1) укх Закона 1 статье белгалъяь къаьста паччахьалкхен полномочеш моттигерча шедоалдара органаша кхоачашъяра овсарленна а дикала тIахьожам лоаттабу;

2) нагахьа санна укх Закона 1 статье белгалъяь къаьста паччахьалкхен полномочеш, моттигерча шедоалдара органаша кхоачаш ца йича е хила ма еззара кхоачаш ца йича, белгалъяь полномочеш моттигерча шедоалдара органагара дIаяхарах хетар белгалдоаккх.

Статья 6.

Къаьстача паччахьалкхен полномочешта финансови кхоачо яр

1. Къаьстача паччахьалкхен полномочешта финансови кхоачо яр дIахьу, ГIалгIай Руспублика бюджетера моттигашкарча бюджеташта луча субвенцейх, цу декхарашта федеральни бюджетера хьалуча субвенцей боараме.

2. Къаьстача паччахьалкхен полномочешта ца хилча даргдоаца субвенцеш дIа-хьа далар кхоачашду уполномоченни органо, укх Закона тIатохарца нийса йолча методикаца.

3. Моттигерча шедоалдара органашта дийхка да, къаьста паччахьалкхен полномочеш кхоачашъе хьахьожадаь финансови а рузкъан а средстваш кхыдолча декхарашта дIадахийта.

Статья 7.

Къаьста паччахьалкхен полномочеш кхоачашъярах моттигерча шедоалдара органаша отчеташ ялара аргIа

Моттигерча шедоалдара органаша квартальни отчеташ лу къаьста паччахьалкхен полномочеш кхоачшъярах, ГIалгIай Республика Правительствос оттаяьча кепара а хан-йовкъашка а.

Статья 8.
ГIалгIай Республика кхоачашдара Iаьдала оргнаша, къаьста паччахьалкхен полномочеш кхоачашъяра тIахьожам лоаттабара аргIа

1. Къаьста паччахьалкхен полномочеш кхоачашъяра тIахьожам лоаттабара декхар да, моттигерча шедоалдара органаша къаьста паччахьалкхен полномочеш кхоачашъеча хана, Российски Федераце законодательствос, ГIалгIай Руспублика законодательствос дIадехараш лорадара кхоачо ярца.

2. ТIахьожам бар кхоачашду ГIалгIай Руспублика паччахьалкхен Iаьдала уполномоченни органаша Iобелгалъяьча кепашца:

1) моттигерча шедоалдара органий къахьегама координаци еш;

2) моттигерча шедоалдара органаша къаьста паччахьалкхен полномочеш кхоачашъярах отчеташ ялар;

3) моттигерча шедоалдара органаша къаьста паччахьалкхен полномочеш кхоачашъяра къахьегама тохкам бар, цу даькъе дIаденнача финансови а рузкъан а средстваех целевой пайда эцар а долаш;

4) боарама бокъон акташ тIаэцаш а моттигерча шедоалдара органашта, къаьста паччахьалкхен полномочеш кхоачашъеш гучадаьнна кхоачамбоацараш дIадахара де дезараш йоазон кепе довзийташ.

3. ТIахьожам белга дIахьу, къаьста паччахьалкхен полномочеш кхоачашъярах тохкамаш деш, документаш, материалаш, кхыбола хоам дIабехаш.
Статья 9. Моттигерча шедоалдара органаша дIаеннна къаьста паччахьалкхен полномочеш кхоачашъяр соцадара хьалаш а аргIа а

1.Моттигерча шедоалдара органаша къаьста паччахьалкхен полномочеш кхоачашъелга соцадар кхоачашду нагахьа санна федеральни закон, ГIалгIай Республика закон тIаийцача, бахьанаш уж долаш къаьста паччахьалкхен полномочеш кхоачашъе аьттув ца хилча.

2. Къаьста паччахьалкхен полномочеш ханна соцаяр могаду, моттигерча шедоалдара образованейх цхьанне е массехкне хьакъехьа ГIалгIай Республика закон тIаийцача:

1) нагахьа санна моттигерча шедоалдара органо къаьста полномочеш кхоачаш ца йича, хьакъ долча боараме кхоачаш ца йича е кхоачашъе аьттув ца хилча;
2) нагахьа санна моттигерча шедоалдара органаша укх Законо дIадехараш толхадаь моттигаш гучаяьлча;

3) нагахьа санна моттигерча шедоалдара органо къаьста полномочеш кхоачашъелга эшаш ца хилча;

4) Российски Федераце а ГIалгIай Руспублика а законодательстваца белгалъяьча кхыйолча кIийленашца.

3. Моттигерча шедоалдара органашта къаьста полномочеш кхоачашъе дIаденна финансови а рузкъан а средстваш юхадалара аргIа белгалъю, моттигерча шедоалдара органа къаьста полномочеш кхоачашъелга соцадарах е ханна соцадарах дар белгалду дола ГIалгIай Республика законаца.

Статья 10. Моттигерча шедоалдара органий, цар даржашкарча наьха дIаеннна къаьста паччахьалкхен полномочеш кхоачаш ца ярах е хьакъ долча боараме кхоачаш ца ярах хулаш бола бехктокхам

Моттигерча шедоалдара органаш, цар даржашкара нах, укх Законо дIаеннна къаьста паччахьалкхен полномочеш кхоачаш ца ярах е хьакъ долча боараме кхоачаш ца ярах, Российски Федераце а ГIалгIай Руспублика а законодательстваца нийса бехктокхам хул, белгалъяь полномочешта рузкъани финансовии кхоачонга хьежжа.

Статья 11. Ер Закон низаца дIачIоагIдалар

Ер Закон низаца чIоагIденна болх бе долалу, ер официально кепатехача дийнахьа денз, болх бе доладолийт 2020 шера Ерригроссийски бахархой юхаязбара кийчо яра а дIаяхьара хан-юкъа.

ГIалгIай Республика Мехкда Келаматнаькъан М. М.