Перейти к основному содержанию
ГIалгIай Республика Закон № 64-рз 2021 шера 28 декабре

ГIалгIай Республика муниципальни образованей моттигерча шедоалдара органашта а ГIалгIай Республика паччахьалкхен Iаьдала органашта а юкъе градостроительни къахьегамах йола полномочеш дIа-хьа хьожаяра хьакъехьа

ТIаийцад ГIалгIай Республика Халкъа Гуллама Закон № 64-рз 2021 шера 28 декабре

Укх Законо Российски Федераце Градостроительного кодекса 82 статьяйца, «Российски Федераце субьекташка законодательни (представительни) паччахьалкхен Iаьдала кхоачашдара органаш вIашагIйохкара юкъарча принципех долча», 1999 шера 6 октябрерча № 184-ФЗ йолча Федеральни закона 263 статьяй 61 пунктаца а «Российски Федераце моттигера шедоалдар вIаштIехьадакхара юкъарча принципех долча», 2003 шера 6 октябрерча № 131-ФЗ йолча Федеральни закона 17 статьяй 12 даькъаца а нийса дIа-хьа нийсъю, градостроительни даькъе йола къаьста полномочеш, ГIалгIай Республика муниципальни образованей моттигерча шедоалдара органаштеи ГIалгIай Республика паччахьалкхен Iаьдала органаштеи юкъе йола юкъ-моттигаш.

Статья 1
1. ГIалгIай Республика паччахьалкхен Iаьдала органаша кхоачашъю, градостроительни даькъе йола, ГIалгIай Республика муниципальни образованей моттигерча шедоалдара органий Iобелгалъяь полномочеш:

1) ГIалгIай Республика муниципальни образованей доазон тIа йола, капитальни гIишлон обьекташ хьалъяра, реконструкци яра мукъа баларах соцам тIаэцаш хилча, нагахьа санна Российски Федераце Градостроительни кодекса 51 статьяйца нийса, уж моттигерча шедоалдара органий компетенце дIаенна хилча, белгалбаь мукъа балараш дIадIаьхдара, цу даькъе гIишло хьалъяра, гIишло хьалъяра мукъа балара юкъе хувцамаш де е гIишлош яра мукъа балара ханаца хувцамаш дара духьале еш, цу даькъе ГIалгIай Республика муниципальни образованей моттигерча шедоалдара органаша, ГIалгIай Республика паччахьалкхен Iаьдала органаша, ГIалгIай Республика муниципальни образованей моттигерча шедоалдара органаша дIаденнача мукъа боларий хьакъехьа градостроительни даькъе аргIа йола полномочеш кхоачашъеча денга кхачалехь;

2) капитальни гIишлон обьекташ эксплуатаце дIаяларах мукъа дIабалар е капитальни гIишлон объекташ эксплуатаце дIаялара мукъа ца луш духьале яр, нагахьа санна Российски Федераце Градостроительного кодекса 55 статьяс белгал ма дарра, моттигерча шедоалдара органий компетенце дIаденна хилча, цу даькъе ГIалгIай Республика муниципальни образованей моттигерча шедоалдара органаша уж хьалъяра мукъа дIабенна хилча, капитальни гIишлон объекташ эксплуатаце дIаяларах белгалдаь соцамаш тIаэцара, ГIалгIай Республика паччахьалкхен Iаьдала органаша ГIалгIай Республика муниципальни образованей моттигерча шедоалдара органаша, градостроительни даькъе аргIа йола полномочеш кхоачашъе йолаеча денга кхачалехь.

2. Укх статьяй 1 даькъе белгалъянза йола, ГIалгIай Республика муниципальни образованей моттигерча шедоалдара органий градостроительни даькъе йола полномочеш, цар шоай лоIамах кхоачашъю, Российски Федераце Градостроительни кодексаца, Российски Федераце кхыйолча боарама бокъон акташца а ГIалгIай Республика боарама бокъон акташца а нийса.

3. Укх статьяй I даькъе белгалдаь документаш кийчдар а дIачIоагIдар а кхоачашду, ГIалгIай Республика Правительствас викал яьча, ГIалгIай Республика паччахьалкхен Iаьдала кхоачашдара органо (дIахо — уполномоченни орган).

4. Укх Законо ГIалгIай Республика муниципальни образованей моттигерча шедоалдара органашта а ГIалгIай Республика паччахьалкхен Iаьдала органаштаа а юкъе дIа-хьа хьожаяь полномочеш кхоачашъяра ца хилча даргдоаца документаши хоами дIакхачийта деза, уполномоченни органага, ГIалгIай Республика муниципальни образованей моттигерча шедоалдара органаша, аргIа йола дIадехар хьакхаьча балха кхоъ ди доалача ханачухь.

Статья 2
1. Укх Законо, ГIалгIай Республика муниципальни образованей моттигерча шедоалдара органашта а ГIалгIай Республика паччахьалкхен Iаьдала органаштаа а юкъе полномочеш дIа-хьа ялара оттаяь ха 5 шу да.

2. Укх Закона 1 статьяс белгалъяь полномочеш кхоачашъю, республикански бюджета средстваех.
Статья 3
I. Ер Закон низаца чIоагIденна болх бе долалу, 2022 шера 1 январе денз.

2. Ер Закон чIоагIденнача дийнахьа денз 2022 шера 1 марте кхаччалца дIаоттаю дIа-хьа далара хан-юкъ.

3. ДIа-хьа далара хан-юкъа, ГIалгIай Республика муниципальни образованей моттигерча шедоалдара органашка, уполномоченни органо хиланза даргдоаца хувцамаш ду, гIишлош яра мукъа баларца, объекташ эксплуатаце дIаялара мукъа баларца а долча балхий регламенташка, иштта укх Законаца нийса дIа-хьа хьожаяь полномочеш кхоачашъяра ца хилча даргдоаца документаши хоами дIа а луш.

4. Укх Закона 1 статьяй 1 даькъе белгалъяь полномочеш кхоачашъе уполномоченни орган йолалу, 2022 шера 1 мартал тIехьа а ца йоалаш.

ГIалгIай Республика Мехкда Келаматнаькъан М. М.

г. Магас
2021 шера «28» декабре № 64-рз