Перейти к основному содержанию
ГIалгIай Республика Закон № 65-рз 2021 шера 28 декабре

«ГIалгIай Республика культурни тIехьлен объектах (истореи культураи памятникех) долча», ГIалгIай Республика Закона № 65-рз 2021 шера 28 декабре хувцамаш юкъедахьара хьакъехьа

ТIаийцад ГIалгIай Республика Халкъа Гуллама 2021 шера 28 декабре

Статья 1
«ГIалгIай Республика культурни тIехьлен объектех (истореи культураи памятникех) долча», 2009 шера 7 маерча, № 21-РЗ йолча ГIалгIай Республика Закона (газет «ГIалгIайче», 2009, 26 мае; газет «Сердало», 2011, 9 апреле; газет «ГIалгIайче» 2013, 14 мае, 7 ноябре; 2014, 6 мае, I6 октябре; Официальни бокъон хоама интернет-портал (www. pravo. gov. ru), 2015, 7 октябре; 2017, 2 мая, 14 декабре; 2018, 4 сентябре; 2019, 6 марте; интернет-газета «ГIалгIайче» (www. gazetaingush. ru), 2021, 2 июне) юкъехьо Iобелгалдаь хувцамаш:

1) 9 статье:

а) 41 пункте дош «бIаргаIунал» хувца дешашца «тIахьожам (бIаргаIунал)», дош «бIаргаIунал» хувца дешашца «тIахьожам (бIаргаIунал)»;

б) 42 пункте дош «бIаргаIунал» хувца дешашца «тIахьожам (бIаргаIунал)»;

2) 10 статьяй 31 пункте деша «поселеней» тIехьа тIатохар де дешашца", муниципальни округаш";

3) 12 статья укх редакце дIаязъе:
«Статья 12. Культурни тIехьлен объектий хьалага, Iунал дара, лоряра, пайда эцара популяризаци а паччахьалкхен лораяра а тIахьожам (бIаргаIунал) лоаттадар

1. ГIалгIай Республика культурни тIехьлен объекташ лораяра региональни паччахьалкхен тIахьожам (бIаргаIунал) лоаттадар кхоачашду, ГIалгIай Республике культурни тIехьлен объекташ лораяра региональни лораяра органаша, ГIалгIай Республика Правительствос дIачIоагIъеча положенеца нийса.

Культурни тIехьлен объекташ лораяра региональни паччахьалкхен тIахьожам (бIаргаIунал) лоаттадара предмет да, юридически лицаша, индивидуальни предпринимателаша а гражданаша а региональни лоархIам бола, мотттигера (муниципальни) лоархIам бола культурни тIехьлен объекташ лораяр а Федеральни закона 3 статьяйца нийса, керда гучаяьха культурни тIехьлен куцаш дола объекташ, региональни лоархIам болча культурни тIехьлен объекташ лораяра зонаш, моттигера (муниципальни) лоархIам бола культурни тIехьлен объекташ лораяра зонаш, иштта исторически поселеней (цар доазонаш тIа йола, шоай перечень Российски Федераце Правительствос, Федеральни закона 9I статьяй I пунктаца, федеральни законашца, царца нийса тIаэцача Российски Федераце кхыйолча боарама бокъон акташца нийса дIачIоагIъю, федеральни лоархIам бола культурни тIехьлен объекташ ца лаьрхIача), ГIалгIай Республика законашца а кхыйолча боарама бокъон акташца а моттигерча шедоалдара органий культурни тIехьлен объекташ лораяра кхоачашдинза даргдоаца дIадехараш, царца долаш:

культурни тIехьлен объекташ шоай доалахьа йолча е из шоай доалахьа йолчар лораярах дола дIадехараш;

культурни тIехьлен объект лелаяра а пайда эцара а дIадехараш;

культурни тIехьлен объект лораяра, культурни тIехьлен объекта тIакхоаче хилара Iалашо ярах дола дIадехараш;

культурни тIехьлен объект лораяра доазонашцарча зонай, достопримечательни моттигий, градостроительни регламентех дIадехараш, исторически поселене доазонашца а цу доазонашца оттадаьча лаьттаех пайда эцара белггала къаьста болча оттама терко а еш;

культурни тIехьлен объект лораяра йолча культурни тIехьлен объекташ лораяра региональни органаша, культурни тIехьлен объекташ лораяра муниципальни органаша хьаденннача мукъа балара документаша дIадехараш, культурни тIехьлен объекташ лораярах долча законодательствоца нийса;

культурни тIехьлен объект лораяра Iалашо ю балхаш дIадахьарах дIадехараш, цу даькъе барта дихьача проектни документаце балхашца нийса а уж лораяра балхаш дIадахьа мукъа а луш;

культурни тIехьлен объекта доазон тIа, культурни тIехьлен объект лораяра къахьегар, лораяра зонай доазонашца, культурни тIехьлен объекта зона лораяра, достопримечательни моттига доазонашца, исторически поселене доазонашца е лаьттан даькъах, хин обьектах е цун даькъах пайда эцара дIадехара дIаоттамах, шоай доазонаш тIа археологически объект йолча, Федеральни законо а ГIалгIай Республика Законо а отта ма дарра;

социальни, инженерни и транспортни инфраструктураш еш йола услугаш заIапхой тIакхоаче хилийтара дIадехараш;

Российски Федераце халкъий цаI йолча культурни тIехьлен объектий (истореи культураи памятникаш) реестре чуйихьа культурни тIехьлен объект, керда гучаяьккха культурни тIехьлен объект, иштта культурни тIехьлен объекта куцаш дола культурни тIехьлен объект лораяра эша кхоачо яр, Федеральни закона 3 статьяйца нийса, изыскательски, проектни, лаьттан, гIишлон, мелиоративни, боахама балхаш дIахьош, укх Закона 27 статье белгал ма дарра, хьунех пайда эцаш, цу даькъе проектни документаце тIа белгалдаь, гIишлон балхаш дIахьош, реконструкци еш, капитальни гIишлон объекташ капитально тоаеш балхаш деш, культурни тIехьлен объекташ лораяра Iалашо ю балхаш деш.

2. Культурни тIехьлен объектий оттама хьал, уж лораяра, пайда эцара, популяризаци яра, паччахьалкхен лораяра паччахьалкхен тIахьожам (бIаргаIунал) делга вIаштIехьдаккхар а кхоачашдар а дIа-хьа нийсду «Российски Федераце паччахьалкхен тIахьожамах (бIаргаIуналах) а муниципальни тIахьожамах а долча», 2020 шера 31 июлерча, № 248-ФЗ йолча Федеральни законо.

3. ГIалгIай Республика кхоачашдара Iаьдала органаша а моттигерча шедоалдара органаша а культурни тIехьлен объекташ лораяра полномочеш кхоачашъяра паччахьалкхен тIахьожам (бIаргаIунал) бар лоаттаду, культурни тIехьлен объекташ лораяра федеральни органо, культурни тIехьлен объекташ лораяра региональни органо, «Российски Федераце субъектий законодательни (представительни) органаш а паччахьалкхен Iаьдала кхоачашдара органаш а вIашагIйохкара юкъарча принципех долча», 1999 шера 6 октябрерча № 184-ФЗ йолча Федеральни закона а «Российски Федераце моттигера шедоалдар вIаштIехьдаккхара юкъарча принципех долча», 2003 шера 6 октябрерча, № 131-ФЗ йолча Федеральни закона а положенешца нийса.«;

4) 24 статья укх редакце дIаязъе:

«Статья 24. Культурни тIехьлен обьектах болча хоамах пайда эцара бокъо

Физически а юридически а лицай бокъо я культурни тIехьлен обьекташ лораяра федеральни органагара, культурни тIехьлен обьекташ лораяра республикански органагара, Федеральни закона 20 статьяй 2 а 3 а пункташка белгалдаь сведенеш хьаэца, Федеральни закона 20 статьяй 3 пункта 4 подпункте белгалдаь реестрера сведенеш ца лаьрхIача, иштта Федеральни закона 20 статьяй I0 пункте белгалъяьча перечне дараш а.
Нагахьа санна реестре Федеральни закона 20 статьяй 3 пункта 10 а 6 — 81 а подпункташка белгалдаь сведенеш хилча, реестрерча выписка тIа дIалу духхьал паччахьалкхен Iаьдала органо тIаийцача акта (актий) таьрахь а тIаийца ха а белгалъю сведенеш.»;

5) 30 статьяй 2 даькъа 14 пункт укх редакце дIаязъе:
«14) реестре чуйихьача культурни тIехьлен объектий хьала тохкам бар а фотофиксаци яр а кхоачашду пхе шера цкъа, реестре чуйихьача культурни тIехьлен объектий технически хьал тахкарах акташ а оттаеш, уж лораяра де дезараш белгалдахара декхарашта.».

Статья 2
Ер Закон низаца чIоагIденна болх бе долалу, ер официально кепатехача дийнахьа денз.

ГIалгIай Республика Мехкда Келаматнаькъан М. М.
г. Магас
2021 шера «28» декабре № 65-рз