Перейти к основному содержанию
ГIалгIай Республика Закон № 66-рз 2021 шера 28 декабре

«ГIалгIай Республика доазон тIа гражданашта мах боацаш юридически новкъостал дара цхьадолча дешаех долча» ГIалгIай Республика Закона хувцамаш юкъедахьара хьакъехьа

ТIаийцад ГIалгIай Республика Халкъа Гуллама 2021 шера 28 декабре

«ГIалгIай Республика доазон тIа гражданашта мах боацаш юридически новкъостал дара цхьадолча дешаех долча», 2013 шера 6 июнерча № 12-РЗ йолча ГIалгIай Республика Закона (газет «ГIалгIайче», 2013, 15 июне; интернет-газет «ГIалгIайче» (www. gazetaingush. ru), 2018, 13 июне) юкъехьо Iобелгалдаь хувцамаш:

1) 2 статья укх редакце дIаязъе:

«Статья 2. Гражданашта мах боацаш юридически новкъостал дара паччахьалкхен система боарамах, мах боацаш юридически новъостал хьаэца бокъо йолча гражданий категореш

ГIалгIай Республика доазон тIа мах боацаш юридически новкъостал хьаэца бокъо йолаш ба:

1) реабилитаци яь нах а политически репрессейх Iоткъам хинна лоархIаш бола нах а;

2) Сийлахьа Даьймехка тIема ветеранаш, Российски Федераце Турпалаш, Советски Союза Турпалаш, Социалистически Къахьегама турпалаш кхелха бисса истий;

3) шоай даржий декхараш кхоачашдеш байнача бокъолораяра болхоех бисса истий;
4) гражданаш-нагахьа санна гIишлош яра дакъа юкъедилла доакъашхой хилча, цар хьакъехьа, цар ахчаш юкъе а дихьа, ГIалгIай Республика доазон тIа регистраци а яь къахьегаш гIишлош еш волчо, дукха квартираш йола цIа хьалдара тIаийца декхараш кхоачаш ца дича е хила ма деззара кхоачаш ца дича;

5) 18 шерага кхоачаш ха йола бер долча даьх-наьнах цаI мара боаца гражданаш, нагахьа санна цу бера законни бокъонаш а лоIамаш лорадара дешаех мах боацаш юридически новкъостал цар хьадийхача;

6) 18 шерага кхоачаш ха йола кхоъ е кхы дукхагIа бераш дола гражданаш, нагахьа санна цу берий законни бокъонаш а лоIамаш лорадара дешаех мах боацаш юридически новкъостал цар хьадийхача;

7) берах бола кхалнах а 3 шерага кхаччалца ха йола бераш дола кхалнах а нагахьа санна болх луш волчо, Российски Федераце Къахьегама кодекса оттабаь тешам балар толхадеш, балха договор отта ца деш духьале йича, балха тIа меттаоттабара духьале йича, алапи хьадаккхара, цу даькъе бехказал йоллаше а къахьега аьттув боацаш биссарах доагIар а, болх луш волчо бокъо йоацаш даьрех (ца деш дитарех) сакхетама даь зе меттаоттадарах, берах йолаш а бер Iодича а луш долча пособена перерасчет ярца а хьадаккхарца а, бер дича цкъа луш дола пособи, бера Iунал дара хIара бетта лу пособи, даьйл оттадар а, къовсар а, алименташ хьадахар а бокъонга доаладеш мах боацаш юридичеси новкъостал хьаэца;

8) Чернобыльски АЭС хинна авари дIайоаккхача къахьийга нах, Чернобыльски АЭС радиаце Iоткъам хинна гражданаш, Семипалатински полигоне ядерни испытанеш еча хинна нах;

9) тIема латара ветеранаш-цар бокъонаши лоIамаши лорадара даькъе, предпринимательски къахьегамца бувзам бола къовсамаш ца лаьрхIача;

10) 18 шерагара 23 шерага кхаччалца ха йола нах, уж керттерча профессиональни дешара программайх а (е) болхлой, служащей Iомабара профессиональни программайх дешаш болча цар да-нана е царех цаI мара ца вуссаш кхелхача, нагахьа санна цар шоашта мах боацаш юридически новкъостал дар дIадийхача, шоай бокъонаши законни лоIамаши лорадар дехаш;
11) къоаналлах пенси доагIаш бола гражданаш а иштта 60 шу а 55 шу а даьнна бола гражданаш (ше-ший аргIах маIанах а а кхалнах а), нагахьа санна цар шоашта мах боацаш юридически новкъостал дар дIадийхача, шоашта социальни Iалашо яра дешаех а кхыйолча льготех а къахьегама бокъонаш а моаршонаш а лораярах;

12) лаьца баьхкачара мукъабаьнна нах, шоаш мукъабаьнна ши бутт боалача ханачухь, цар шоаш балха оттабара дешах мах боацаш юридически новкъостал дар дIадийхача;

13) балха боаца пенсионераш, къоаналла пенси доагIаш бале;
14) хьалхагIа бойлахьа долча берашца, бойлахь диссача берех болча, даьй-ноаной доал доацаш диссача берех лоархIаш бола нах, «Бойлахь диссача берашта, даьй-ноаной доал доацаш диссача берашта социально новкъостал дара совнагIа болча тешамах долча», 1996 шера 21 декабрерча № 159-ФЗ йолча Федеральни закона 8 статьяс тешам баларца, царна чуIе фусам ялара дешаех;

15) «Российски Федераце мах боацаш юридически новкъостал дарах долча» Федеральни законаца, кхыдолча федеральни законашца а ГIалгIай Республика законашца а нийса, мах боацаш юридически новкъостал хьаэца бокъо йола, кхыбола гражданаш;

2) тIатохар де ер чулоацам болча 21 статьяйца:

«Статья 11. Мах боацаш юридически новкъостал дара моттигаш
ГIалгIай Республика доазон тIа мах боацаш юридически новкъостал ду:

1) дIа-хьа хьош доацача рузкъанца барт беш, хувцаш, дIабоаккхаш, бакъбоацаш лоархIаш, цун бокъон йола паччахьалкхен регистраци еш а цунах кхоачашдаьр (нагахьа санна квартира, нах чубаха цIа е цар доакъош гражданина а цун дезала а цаI мара йоаца фусам еце);

2) нах чубахача фусама бокъо йолга, лаьрххIа йола нах чубаха фусам социальни найма договорах хьаэцар, бойлахь дола бераш а даьй-ноаной доал доацаш дисса бераш, бойлахьа долча берех бола нах чубаха лаьрхIа йола, лаьрххIа йолча фусама социальни найма договорах ялара бокъонца бакъдича, договор дIадаккхар а нах чубахача фусама социальни договор соцадар а, нах бахача фусамера арабахар (нагахьа санна квартира, нах чубаха цIа е цар доакъош гражданина а цун дезала а цаI мара йоаца фусам еце);

3) лаьттан дакъа доалахьа хилара бокъо бакъйича а из лорайича а массаза а (ха йилланза) пайда эцара бокъо бакъйича, иштта лаьттан даькъах ноахалашка йоалаш дийна мел ва пайда эцара бокъо лораеш;

4) къахьегамца бувзам боацаш, кхоабашвар валарца, хьешам хинна е кхыча тайпара могашала даьнна зе хилар меттаоттадеш;

5) лаьца баьхкачара цIабаьхкача наха пенсионни кхоачо а социальни Iалашо а ярца дувзаденнача дешаех, мукъабаьнна кхо бутт боалача ханачухь;

6) судал хьалха (суде доацаш) паччахьалкхен услуга еча органа, муниципальни услуга еча органа, паччахьалкхен услуга еча органа даржерча саго, паччахьалкхен услуга еча органа е муниципальни услуга еча органа даржерча саго, паччахьалкхен е муниципальни услуга еча органа даржерча саго, паччахьалкхен е муниципальни служаще соцамаш а даьраш а (ца деш дитараш) лоткъадар;

7) нагахьа санна лорий услугаш яра даькъе потребителий бокъонаш лораяр кхоачашдеча хана;

8) дукха бераш долча дезалерча, кхенза долча берий бокъонаши законни лоIамаши лорадеча хана;

9) «Российски Федераце мах боацаш юридически новкъостал дарах долча», Федеральни законо, кхыдолча федеральни законаша а ГIалгIай Республика законаша а белгалъяьча моттигашка.«;

3) 3 статьяй 1 даькъа тIатохар де ер чулоацам болча 6 пунктаца:
«6) ГIалгIай Республика Правительствос вIашагIйолла паччахьалкхен юридически бюро»;

4) тIатохар де ер чулоацам болча 51статьйца:
Статья 51. Паччахьалкхен юридически бюро хьаяра а цо къахьегара а аргIа

1. Гражданашта мах боацаш юридически новкъостал дара декхарашта, ГIалгIай Республика Правительства соцамах вIашагIйоллар могаду паччахьалкхен юридически бюро. Паччахьалкхен юридически бюро хьаю ГIалгIай Республика казенни учреждене кепе йолаш.

2. Паччахьалкхен юридически бюрос, гражданашта мах боацаш юридически новкъостал ду, укх Закона 2 статье белгалбаьча гражданашта, паччахьалкхен мах боацаш юридически новкъостал дара система боараме».

Статья 2
Ер Закон чIоагIданна бе долалу ер, официально кепатехача дийнахьа денз.

ГIалгIай Республика Мехкда Келаматнаькъан М. М.

г. Магас
2021 шера «28» декабре № 64-рз