ХьатIадена 2023-гIа шу республиканна атта хургда ала йиш еце а; мехкара хьакимаш, кулгалхой къаман хIама тоадара тIехьа дикка къахьега лаьрхIа ба. Мехкарча наьха вахара хьал тоадергдола дукха керда проекташи лерхIараши да цар дагакхоабаш.
«ДIадахача 2022-ча шеро хьахьекхар вайна, мел йоккхий халонаш духьалъяларах, лерттIа къахьегаш хилча царел котвала йиш йолга. Россе президента ма аллара, керттердар Россе кхоане лораяр да! Из вайна массанена тIалатташ дола доккха декхар да.
Бакъдолчун тIехьа вай мел латтача хана, котало вайгахьа хургья!», — язду вай мехкадас Келаматанаькъан Махьмуд-Iаьлас ший телеграмм-канале. Вай республикан экономически хьал тоадергдола йоккхий гIишлош я укх шера хьокхолла лерхIараш.
Цхьа барт, безам болаш дIадолхе, аьттув хургба вай, Даьла къахетамца.
