Skip to main content

60% ГIалгIайчен бахархой, поездаца салоIама болхаш, сакъердамегIа хеташ ба

60% ГIалгIайчен бахархой, поездаца салоIама болхаш, сакъердамегIа хеташ ба
Якуб Султыгов газета «Сердало»

60% дукхагIа ГIалгIайчен бахархой, поездаца салоIама болхаш сакъердамегIа хеташ ба, цар таро хул, Россе кхыча регионий куцаш дикагIа довза. Из тешал ду, «100 сагага» маьтсела бетта, юххьанца, «Сердало» газета баьча хоаттамо.

Иштта, царех ахнеша аьлар, короновирусои экономически новкъарленаши халонаш йир шоашта — Хьункара мехка, Мисаре, Цхьанкхийттача Эмираташка салоIама моттигашка баха. ДукхагIчарна ловш дар да — Сибирера, Уралера, Россен Юкъера сакъердаме моттигаш йовзар. Иштта, цар безам ба Кубанера, Къулбихьен Россера моттигаш йовза.

Хаьттачарех 40% наьха, баха безам ба: Москве, Соче, Волгограде, Калининграде, иштта кхыйолча пхьешка.

ХIаьта белгал а дир, поездаца салоIаме бахар шоашта дукхагIа дезаш хилар, вагоний корагIа тайп-тайпара сурташ а сюжеташ а бIаргагуш. Из доацаш, керттера дар — керда нах бовзар а да.