Skip to main content

720 дешархочоа лаьрхIа ишкол йотташ латт Инаркъе

ХIара денна хIана дац аьнна, къахьегаш, тоадеш латт вай республике дешара оагIон гIулакх. Цу дерригненна хьалха латташ, терко еш ва Мехкда Келматанаькъан Махьмуд-Iаьла. ТIехьарча хана дукха, керда дешара кхуврчаш урагIадихьад вайцига.

ДIахо а кхы а къахьергдолаш да из моттиг дикагIа тоаеш. Иштта цхьа дикахетар да Инаркъе а. Цига йотташ латт, 720 дешархочоа лаьрхIа, керда ишкол. «Дешар» яхача къаман проекте гIолла дIахьош ба, из беркате болх. 2020-ча шера дIаболабаь из болх, ер шу йисте доалаш чакхбала безаш ба.

Цу дерригача гIулакха контрактни мах — 583 млн сом ба. КIала подвалаш йолаш, кхаь гIатах латташ йолча ишколе, шоай кхетам лакхбеш хургда Инаркъера бераш. Тахан пенаш хьалдетта, чура хьаьха, теплотрасса Iобила, хий чудила, чура диса гIулакхаш деш боахк болхлой. Баьча белхага хьежача, дешара кхуврч кийча ба 56% кхоачаш.