Тховсара ах бийса ялалехь, шахьарера котельни тоаяь яьлча, Илдарха-ГIалий тIарча Афгански оалача цIагIа йIовхал дIалургья. Из хоам тхога бер я шахьарера мэри.
«Шахьара кулгалхочун гIонча вола Джандиганаькъан Азраил, мэре болхло волаш къахьега Малсаганаькъан Мухьмад шахьарерча котельне хьалага хьажа баха хилар. Цо лоаттаю ДжабагIанаькъан оалача ураме латтача вIаштIара даьча цIен йIовхал.
«Афгански» оалаш долча цIен бахархой латкъаш бар, квартирашкара радиатораш шийла латт яхаш», — аьлар шахьара администрацен болхлоша.
Сиха оарцагIбаьнна, котельне баха хьежача, болхлошта гучадаьлар наьха цIеношка йIовхал дIа ца кхачара бахьан. ЙIовхал лоаттаеча боккхача котела футеровочни оала камера телха хиннай. Из гIулакх тоаде гIерташ, къахьегаш боахк болхлой. Тховсара ах бийса ялалехь, Дала аьннадале, йIовхал дIакхоачаргья бахархой фусамашка.
