Skip to main content

Аькхинаькъан Хасолта гойтам дIахьоргба вай мехка

Хозача уйлашца кхеллар дIадовш доацалга гойташ ба Аькхинаькъан Хасолта гойтам.

Паччахьалкхен музее шинарча дийнахьа бахархошта гургда цун тамашийна хоза даь балхаш. ЦIихеза Iилманхо, суртанч, поэт, хиннача Хасолта вахар хаьдар 2009-ча шера.

Массане дег чу дувшаш дола цун балхаш музеешка даха дисад дуккхача шерашка.

«Гойтам хетабаь ба суртанча 80 шу дизара. Исторически Iилман кандидат, университета исторически Iилмах йолча кафедра доцент хинна Аькхинаькъан Хасолт шийна тIехьа йоккха цIи йита вахар. Къилбаседа Кавказерча къамай исторех лаьца мах баь варгвоаца болх язбаьб цо. Гойтаме бахархошта гургда 80 совгIа цун балхаш.

Дерригаш а тайп-тайпарча жанрах кхеллад уж автора», — дийцар тхога музхея кулгалдеча ТIумхой Любас.