Skip to main content

Азербайджанаца, Белоруссеца, Узбекистанаца инвестпроекташ йолаергья вай республико гурахьа

«Вай инвестиционни портфеле, тахан, 40 проект я. Болх дIахьоргба вай Азербайджанаца, Белоруссеца, Узбекистанаца. Дукха ха йоацаш, цига яха хиннай вай республикера делегаци. Цу хьакъехьа дола лоархIамедараш, тохкаш да тхо.

Дала аьннадале, гурахьа, хьалхара гIа боаккхаргба вай цу наькъа тIа. Оаха лерхI цхьана барт баь, шаккхе оагIорахьа пайдане хургйола проекташ дIаяхьа», — аьлар ший къамаьла юкъе вай Мехкдас. Келматанаькъан Махьмуд-Iаьлас аьнначох, Белорусси кийча я вай республика юртбоахама эша техникеи, наькъаш дохкача эша техникеи лоаттае.

Иштта хьохадир, «Южный» яхача птицекомплекса, кхоачам, царна лоаттабар. Тахан, цу птицекомплексо москала дулхий кхоачам лоаттабу. Ма хетта болх беш хилча, шера цигара доала беркат — 10, 2 эзар тонн дулх.