Skip to main content

Баканаькъан вежарий футбольни ишкола, Нальчике хиннача турнире, котало яьккхар

Баканаькъан вежарий футбольни ишкола команда, Нальчике дIайихьача турнире, хьалхара моттиг яьккхар.

ДIадахача кIира, укхаза, хIара шера дIахьош йола футбольни яхьаш хилар, Нахушев Казбека дагалоаттама хетаяь.

Яхьашка дакъалоацаш йиъ команда яр. Баканаькъан боацаш а, укхаза Ставрополера, Нохчашкахьара, Къарши-ГIаьбартой берий футбола командаш яр.

«Ингфутбол. ру» яздечох, вай командаша тешшаме, кхычарел хьалха а йолаш, толам баьккхар цу яхьашка. Нальчикерча «Спартакаца» ловзаш, цар чот хилар 4:2.

Кхы а чIоагIагIча толамца лайзар вай командаш «Машук-КВ» — 5:I, пятигорскерча командаца.

Турнира чаккхе йоалаш, Баканаькъан футбола ишкола команда, коталон Кубок, дошо майдилгаш, дипломаш делар.