Skip to main content

Бакулев А. Н. цIерах болча Iилман унахцIенон кхуврчера лораш кхаьчаб вай мехка

Бакулев А. Н. цIерах болча Iилман унахцIенон кхуврчера лораш кхаьчаб вай мехка

Бакулев А. Н цIерах болча, боккхача, Iилман унахцIенон кхуврчера лораш кхаьчаб вай мехка. Дега лазар долча берашка хьежа, царна юкъера, операци е езараш къоастабергба цар. Боккхача говзанчашта хьалха ваьнна венар ва, цу кхуврча кулгалхочун гIонча вола, Шаталов Константин.

«УнахцIенон министерстве кхетаче йир Iилман унахцIенон кхуврчера баьхкача лорашеи, вай унахцIенон министерства болхлошеи. Балайнаькъан Мухьмад-Башира белгалдир, федеральни оагIон тIара, иштта гIо деш хилар республика мелла лоархIаме да. Шаталов Константина дийцар, тахан берашта дега хулача лазарех дола дарбаш, операци е аьнна къоастабаь, дIабига безача халагIа болча унахоех. Кхы а кхаь дийнахьа, Москверча дарбанче дIабига ца безаш, укхаза операци яьча берашка хьожаш хургба лакха говзал йола лораш. ДIахо берашта бе безача тIахьожамах доагIараш, вай лорашта хьалхадоахаш хургба уж», — хоам бу УнахцIенон министерства пресс-служба.