Балха гIулакха аьдагIий болча вахав вай Мехкада. Цига дувцаргда дешара гIулакхашца дувзаденна дешаш. РФ президента Путин Владимира цу хьакъеха тIадаьхка лоархIаме декхараш дувца гулбеннабар цу кхетаче.
«Федеральни Гулламга ше даьча къамаьла юкъе РФ президента белгалдир, мехкара дешара оагIонаш таханарча хано дIадеххача тайпара, лакхача боараме, кердадараш юкъекхувлаш хила езилга», — йоах тхога кхаьчача хоамо.
Цу йоккхача кхетаче дакъа лоацаш ба, РФ дешарах йолча министерствон кулгалду Кравцов Сергей хьалха латташ бола министерствашкара болхлой, АьдагIий мехка лоалаха ядача моттигашкара хьакимаш.
Цига дувцаргда федеральни проектех, Россе ерригача миIингаша дакъа лоацаш дIаяхьа езача йоккхача яхьех, иштта кхыдарех.
