Skip to main content

Белгалбаьлар, лоIамеча латара U-23, Россе Хьалхлен котбалархой

Селхан, Ханты-Мансийске йистеяьлар лоIамеча латара, 23-шу даьннарашта юкъе дIахьош хинна Россе Хьалхлен яхьаш. Цига дакъалоацаш хилар 335 доакъашхо, уж баьхкабар Российски Федераце 38 регионера. ХьалхагIа вай газета хоам хиннача бесса, цу яхьашка дакъалоацаш вар ГIалгIайчен пхи викал.

Даьхенна U-23 турнире бахабар: Дзовранаькъан Iаьла, Джандиганаькъан Мухьмад, Йовлой Мухьмад, Хоаной Мухьмад-ТIахIир, Кхоартой Ислам.

Хала хете а, ала дезаш да, царех цхьаннена а кхаьчанзар цу кхаь моттигах цхьаккхе а.

Из спорт я, масса хана а далац цига котало яккха вIаштIехьа. Аьттув хилба цIаькхаза хургйолча старте.