Skip to main content

Берд-Юртара керттера урам тоаеш балхаш дIадихьар

Берд-Юртарча Аллейная оалача ураме, юрта эггара лоархIамегIа йола моттигаш я. Цига да маьждиг, ишкол, администраци, хIетта хьадаь Культура цIа. Тоае езача моттигий хоржам беш, соахка, Шолжа района бахархоша хержа моттиг из яр. Дизайн — проекта юкъе дихьараш дар:

Аллейная оалача ураме асфальт биллар, тротуараш дахка наькъа оагIонаш тоадар, наха салаIа моттигаш кийчъяь, цига гIандаш догIар, лампаш йохкар. Таханарча дийнахьа, из деррига цига кхоачашдаь даьннад.

Ши миллион совгIа ахча хьожадаьдар Iаьдало, цу гIулакха. 400 метрах бола никъ, тахан, кердача хозача куцаца бахархошта духьала эттар. Из беркате болх чубодаш ба, «Формирование комфортной городской среды» яхача, региональни проекте, иштта «Жилье и городская среда» яхача къаман проекте.