Берий дарбанче ваха, цигарча болхлошца къамаьл деш, хилар вай мехкада Келаматанаькъан Махьмуд-Iаьла.
Республикан кулгалхочо техкар, дарбанче нах тIаийбар, царга хьажар мишта латт.
Дарбанчен керттера лор волча Муцолганаькъан Мухьмада дехар дир Мехкадаьга, диализа эшаш йола МультиФильтрат яха аппарат вIаштIехьаяккха хьажа шоашта, аьнна. Из эш дийхка, жамарашта, дега лазараш долча берашта.
«МультиФильтрат яха аппарат цахиларо дукха хIама кIалдут. Цунца дарба де дезаш дола бераш Москве, Ростове, Ставрополе дIахьежаду оаха. Тхоай низаца из аппарат эца аьттув балац тха. Таханарча дийнахьа эггара чIоагIагIа эшача хIамаех я из», — аьлар Мехкадаьга Муцолганаькъан Муцхьмада.
Берашта лерттIа дарба де эшаш мел дола хIама дIаяздар тIадиллар республикан Кулгалхочо керттерча лора.
